NIAMTXIV/TSEV NEEG PHAU NTAWV NPAJ

Transcription

1 NIAMTXIV/TSEV NEEG PHAU NTAWV NPAJ UNIVERSITY OF ST. THOMAS

2 2016 TOMMIES HOMECOMING & Tsev Neeg Lub Limtiam Cuaj Hli Ntuj 30 Kaum Hli Ntuj 2 Xyoo 2016, peb yuav muab Homecoming koom nrog rau Tsev Neeg Lub Limtiam kom coj tau St. Thomas cov neeg tuaj uake coob. Cov neeg kawm tag dhau los, cov tseem tabtom kawm, niamtxiv, menyuam thiab phoojywg sawvdaws tagnrho xav kom tuaj koom txhua lub rooj sablaaj sibntsib raws li haum tsimnyog. Sau rau koj daim ntawv vasthib tseg cia tamsim no vim tsis xav kom koj tsis nco qab tuaj koom rooj kev sibntsib tshwjxeeb ntawv Tommies tsev neeg! Xyuas seb nyob rau lub limtiam muaj dabtsis tshimsim ntawm: stthomas.edu/tommiesweekend Nyiam peb nyob rau Facebook txog tej yam ntxiv tshiab thiab tej txheej txheem lossis sijhawm npaj rau lub limtiam no! TommiesWeekend 2 2

3 ST. THOMAS HOMPHIAJ THIAB KEV NTSEEG LUB HOMPHIAJ Txhawb zog los ntawm Katausliv keebkwm kev txawj ntse, University of St. Thomas cobqhia neeg kawm ntawv mus ua thawjcoj kom paub txhawjxeeb thiab coj ncajnceeg, txawj xav thiab ntse, thiab txawj ua num zoo los mus txhawb txoj kev vaammeej rau sawvdaws. KEV NTSEEG UA IB PAB PAWG NEEG PEB MOB SIAB RAU: RAWS NRHIAV TXOJ KEV TSEEB Peb xam kev kawm txawj kawm ntse ua ib tus qauv coj mus tag lub neej, ua kev raws nrhiav qhov tseeb txhua yam tsis xaiv neeg ntsej muag, ua kev sibsau uake ntawm kev kawm txawj kawm ntse txhua phab, thiab ua kev xav thiab kev nrhiav txog tej tswvyim tshiab. KEV KAWM NTAWV ZOO Peb tsim muaj kablis kevcai nyob rau ntawm cov xibhwb, cov neeg kawm thiab ua haujlwm uas xam pom tej tswvyim zoo thiab qhuas tus txawj xav. KEV NTSEEG THIAB TSWVYIM Peb qhia Katausliv keebkwm kev txawj ntse uas suav tias kev ntseeg thiab tswvyim muaj nujnqi sibtxig sibluag, thiab txhawb kev sibtham mus rau kev vammeej ntawm tibneeg kev noj nyob. 3 3

4 MEEJMOM Peb hwm tibneeg txhua tus lub meejmom thiab suav yam zoo uas txhua tus tibneeg chiv tawm los cia ua keebkwm nyob rau lub zejzos tsev kawm ntawv. MUAJ NTAU HAIV NEEG UAKE Peb kub siab lug tsim kom muaj lub zejzos uas muaj ntau haiv neeg uas, uake, peb ua haujlwm kom muaj kev ncajncees thiab tsis sibcais. KEV SAIBXYUAS TXHUA TUS Peb muaj txoj kablis kevcai saibxyuas txhawb kom txhua tus tswvcuab tau txais kev noj qab nyob zoo. QHOV KEV ZOO SIAB Peb ua kev zoo siab txhawb kev kawm tiav rau txhua tus tswvcuab ntawm peb lub zejzos uas ncav cuag lawv tej homphiaj thiab kovyeej tej kev nyuab, thiab nyob rau txhua yam peb thov qhuas ua Vajtswv tsaug. 4 4

5 IB LO LUS LOS NTAWM CHAW XYUAS NEEG KAWM NTAWV Zoo siab txaistos koj tuaj rau University of St. Thomas. Xyoo los no yuav muaj kev hloov, kev txaus siab heev, thiab kev pib ib tshooj ntawv tshiab ntawm koj tsevneeg. Peb tos ntsoov yuav pab koj thiab koj tus neeg kawm ntawv kom pib tau zoo, yuav teb tej lus nug thiab kev txhawj, thiab qhia koj txog ntau tus tibneeg uas yuav koom taug txoj kev no nrog koj tus neeg kawm ntawv. Peb chiv phau ntawv npaj no tshwjxeeb rau koj los pab koj txhawb koj tus neeg kawm ntawv kom kawm dhau thawj xyoo. Peb vam tias koj tus neeg kawm ntawv yuav siv lub sijhawm kom muaj nujnqi nyob rau St. Thomas los koom rau tej sijhawm tshwjsim uas yuav twv, txhawb, thiab nthuav lawv txoj kev xampom lub ntiajteb, uas yog los ntawm kev ntsib nrog cov xibhwb, cov neeg ua haujlwm, cov neeg kawm ntawv uake, cov neeg kawm tiav dhau los, thiab tej nyob ib ncig lub zejzos. Peb npaj tsim ua ib lub zejzos uas sawvdaws muaj kev sibpab, sibhwm, thiab kev vammeej ntawm cov kawm thiab cov coj. Peb txhawb cov neeg kawm ntawv kom ncav dhau lawv qhov kev xav thiab loj hlob kawg lawv lub dagzog kev txawj ntse. Lub ntiajteb xav tau cov thawjcoj rau kev ncajncees thiab kev hlub neeg ntiajteb. Los ntawm kev koom tsis tu ncua rau kev ntsib (experience) nyob hauv tsev kawm ntawv, koj tus neeg kawm ntawv kev txawj yuav loj hlob thiab pab nws ua tau tus thawjcoj li hais no. 5 5

6 Qee txoj kev uas peb vam tias koj yuav nrog koomtes: Yog koj xav tau txais s tsi tu ncua kom paub kev hloov ntawm tsev kawm ntawv, thov mus rau Cov s no yuav qhia koj paub txog ntau yam kev tshimsim tshiab thiab dejnum nyob hauv tsev kawm ntawv. Raws qab UST txog neeg sibtham nyob rau media: Facebook.com/uofstthomasmn twitter.com/uofstthomasmn Instagram.com/uofstthomasmn Ua ib qhov kev nco cia, koj muaj cuabkav xyuas tau tsev kawm ntawv lub website ntawm stthomas.edu. Nyob rau tej lub sijhawm muaj kev kubntxhov lossis huabcua tsis zoo, qhov home page yuav hloov mus los. Thov sau rau koj daim ntawv vasthiv rau 2016 Hmongcoming & Tsev Neeg Lub Limtiam caij nplooj zees no Cuaj Hli 30 - Kaum Hli 2, Peb lub website stthomas.edu/familyweekend yuav qhia ntau yaam thiab tej uas ntxiv/hloov nyob rau lub caij nplooj zees nrog rau cov sijhawm tagnrho. Peb xam kev txhawbnqa ntawm niamtxiv thiab tsevneeg rau kev kawm ntawv ua yam muaj nujnqi heev. Tsi tas yuav nug li, koj kev txhawbnqa thiab taw kev yuav nyob ruaj khov nrog koj tus neeg kawm ntawv kom ntsib/yeej tau tej kev twv tshiab, kev loj hlob rau kev kawm ntawv thiab kev sibtsaug zoo nrog neeg, thiab kev paub tab ua tau tuskheej tsis tos tus twg. Sau npe, Karen M. Lange, Ed.D. Lwm Thawj Saibxyuas Cov Neeg Kawm Ntawv 6 6

7 Wb thov txaistos koj tuaj rau St. Thomas tsevneeg. Wb paub tias lub sijhawm txhimkho muaj tsi tu, tsis hais rau peb cov menyuam xwb tiamsis rau peb uas yog lawv tsevneeg thiab. Wb xav kom koj tso siab rau qhov chaw saibxyuas uas koj tus neeg kawm ntawv tau xaiv rau nws kev tuaj kawm ntawv thiab kev lojhlob ntawm tuskheej, thiab ntxiv rau tej sijhawm tshimsim txhawb kev txawj ntse tsis hais nyob sab hauv chav kawm lossis sab nraud. Nyob sab hauv cov phobntsa no kuj tseem muaj kev txhawb rau wb tsevneeg, uas ua rau wb pom tias wb tuskheej tseemceeb kawg li. Wb xav tias yog hmoov uas muaj tej kev txhawb no rau wb tus tub. Wb hais tsis tau tias zoo npau li cas diam txoj kev txhawb ntawm tagnrho cov neeg ua haujlwm, uas tej thaum, qee zaug lawv ua tshaj thiab dau tshaj ntawm lawv lub luag haujlwm. Kev ua tus thawj tsavxwm ntawm Parent Network (Niamtxiv Koomtes) muab sijhawm rau wb pab tho txoj kev kom yoojyim thiab qhia rau lwm tus paub tias kev ua ib feem ntawm St. Thomas tsevneeg thiab Parent Network txhais tau li cas. Wb kawm tau los ntawm tus txawj tshaj plaws thiab vam yuav ua kom Parent Network mus zoo. Parent Network yog ib pab neeg vulastes (volunteer) ntawm cov niamtxiv thiab tsevneeg ntawm St. Thomas cov neeg kawm ntawv tamsim no thiab yav dhau los. Nws yog ib qho qauv ntawm tsev kawm ntawv kev mob siab pab saibxyuas rau cov neeg kawm ntawv. Cov tswvcuab kub siab lug koom nrog tsev kawm ntawv tej kev qhia, kev pab sab nqaij tawv thiab sab ntsujplig, kev nyob ibncig vajtse tsev kawm ntawv, thiab kev noj nyob zoo uas ua rau St. Thomas ua tau ib lub tsev kawm ntawv zoo kawg kiag. Wb zoo siab heev tias muaj ntau yam rau peb cov niamtxiv los txhawb thiab koomtes nrog University of St. Thomas uas nyob hauv Parent Network. Koj yog tus muaj ib feem nyob ntawm St. Thomas tsevneeg tamsim no, thiab peb tos ntsoov yuav qhia tej kev sibpab no rau koj. Sincerely, Karen and Eric Zynda Niamtxiv rau Micah Hausman Chairs (651) (cell) 7 7

8 PARENT NETWORK Thov caw cov niamtxiv tagnrho tuaj koom nrog Parent Network los ntawm lawv lub sijhawm, dagzog, thiab kev txhawb lawv cov menyuam lub neej nyob hauv tsev kawm ntawv. HOMPHIAJ Pab niamtxiv kom paub zoo txog St. Thomas thiab pub cov niamtxiv tawm suab hais kev txhimkho nyob rau hauv tsev kawm ntawv. Pab niamtxiv kom ua tau cov neeg sawv cev qhia txog St. Thomas. Txhawbnqa thiab pab tsa muaj kev nrhiav nyiaj txiag ua scholarship (nyiaj pub), nyiaj rau cov neeg kawm ntawv tej rooj sibkoom, vajtse, thiab tej koomhaum ntawm cov neeg kawm ntawv. KOJ YUAV PAB TAU LI CAS? Pab dejnum hauv Parent Network Committee. Pab dawb ua tus sawvcev ntawm Parent Network nyob rau tsev kawm ntawv tej rooj sibkoom. Kom rau kev hu xovtooj mus txaistos mus rau cov niamtxiv ntawm cov neeg tuaj kawm ntawv thawj xyoo. Koomtes pab rau kev nrhiav nyiaj txiag. Xav paub ntau txiv, thov tivtauj: PARENT NETWORK stthomas.edu/parentnetwork Facebook: Nrhiav rau ntawm University of St. Thomas: Parents Network 8 8

9 TIPS RAU NIAMTXIV No muaj ob peb qhov tips pab rau koj thawj xyoo uas koj ua ib tus niamtxiv rau St. Thomas. 1. TSO MUS. Tej zaum no yuav yog qhov nyuaj tshajplaws. Koj tus neeg kawm ntawv yuav xav tau koj kev pab, tiamsis nco tias koj yuavtsum ntseeg nws thiab cia nws ua yuam kev nws thiaj paub thiab loj hlob. 2. UA SIAB NTEV rau koj tus menyuam kawm ntawv thiab txhawb nws kom nws uas siab ntev rau nws tuskheej. Yuav kom paub txhua yam nyob rau tsev kauslej siv sijhawm. 3. SIB THAM txog seb koj tus menyuam kawm ntawv yuav qhia koj txog nws kev kawm ntawv seb kawm tau mus zoo li cas. 4. KEV THAM LUS. Koj tus neeg kawm ntawv yuav xub tig rau koj ua ntej mus nrhiav kev pab ntawm neeg nyob hauv campus. Ua ntej koj pab nws, koj txhawb kom nws mus nhiav mus nug kev pab, kom nws daws nws teebmeem, thiab nrhiav kev txhimkho uas siv tej kev pab muaj nyob hauv campus. 5. NRHIAV KEV PAB THAUM NTXOV. Yog tias koj pom koj tus neeg kawm ntawv kawm tsis tau ntawv, thov txhawb koj tus neeg kawm ntawv mus nrhiav kev pab thiab kom mus nrhiav NTXOV! St. Thomas muaj ntau yam kev pab rau kev kawm ntawm. 6. SIB NTSIB TSIS TU. Nug koj tus neeg kawm ntawv seb yuav ua cas thiaj muaj kev sibtham tsi tu ncua. Tsim kom muaj kev sibhwm ib leeg rau ib leeg nyob rau txoj kev sibtham. 7. TXHAWB koj tus neeg kawm ntawv mus paub lwm tus neeg uas tsis zoo li nws. 9 9

10 #kev mus kawm ntawv kauslej Hli tomntej no sijhawm khwv heev rau cov neeg kawm ntawv tej zaum lawv xav kom koj pab tej hauvqab: XA DAIM QHABNIAS TRANSCRIPTS KAWG THIAB ADVANCED PLACEMENT (AP): Cov neeg kawm ntawv yuavtsum xa daim transcript kawg ntawm high school, cov hoob kawm qib kauslej, thiab cov qhabnias AP lossis IB mus rau Office of Admissions. Muaj lus nug thov hu Academic Counseling & Support at (651) , stthomas.edu/academicounseling. YUAV NTAWV KAWM: Cov neeg kawm ntawv yuav tau ntaub ntawv kawm ntawm Campus Store nyob rau qib hauvqab ntawm Murray-Herrick Campus Center. Xav paub ntxiv lossis xav xaiv lwm yam, mus xyuas KUAJ SAIB yog St. Thomas txoj kev xa ntaub ntawv tshaj lus; yog li cov neeg kawm ntawv yuavtsum nkag mus saib tsis tseg tsis tu. Yog koj tus neeg kawm ntawv muaj lus nug, thov mus xyuas stthomas.edu/irt/students/newtocampus. KOM DAIM NTAWV SIV NYIAJ RAU TUSKHEEJ: Kev kom daim ntawv siv nyiaj txiag yog ib yam tseemceeb thaum ntxov ntawm tus neeg kawm kauslej lub neej. Cov neeg ua haujlwm nrhiav nyiaj pab (financial aid counselors) muaj cuabkav pab tus neeg kawm ntawv kom txhua yam tiav txhij rau xyoo yuav kawm ntawv thiab yav peg suab. Xav paub ntxiv, mus xyuas stthomas.edu/financialaid/undergraduate. NYOB HAUV CAMPUS LOSSIS YUAV NYOB SAB NRAUD: Yog koj tus neeg kawm ntawv yuav nyob hauv campus, thov nws mus nrhiav ntawm stthomas.edu/residencelife. Yog koj tus neeg kawm ntawv yuav nyob tom tsev lossis sab nraud, nws yuav mus nrhiav tau ntaub ntawv pab nyob ntawm stthomas.edu/offcampus. NTAWV TSO CAI NRES TSHEB: Yog koj tus neeg kawm ntawv tsav tsheb tuaj kawm ntawv, thov mus xyuas stthomas.edu/parking hais txog ntawv nres tsheb thiab lwm hom tsheb khiav xa neeg taug kev mus los. Ntawv tso cai nres tsheb rau cov nyob hauv campus muaj tsawg thiab yuav muab ua ntawv tsho npe xwb

11 NPOV XA NTAWV HAUV CAMPUS: Txhua tus neeg kawm ntawv puv sijhawm (full time) qib kauslej nyob hauv campus yuav tau txais ib lub npov xa ntawv. Cov tsav tsheb tuaj kawm kuj muaj cuabkav thov tau npov xa ntawv. Campus Mail Services yuav xa ntaub ntawv qhia txog lub npov thiab tus leb qhib npov rau tus neeg kawm ntawv St. Thmoas tus . QHIA CHAW NYOB TSHIAB: Txhua xyoo cov neeg kawm ntawv yuavtsum tau qhia lawv qhov chaw nyob tshiab, xovtooj, tus neeg tivtauj thaum muaj kev kub ntxhov thiab muab sau qhia nyob rau hauv Murphy Online ntawm banner.stthomas.edu. USTALERT KEV CEEBTOOM: No yog kev qhia ceebtoom txog kev kub ntxhov rau cov neeg kawm ntawv nyob hauv campus. Cov neeg kawm ntawv yuav tau sau lawv tus xovtooj ntawm tes rau USTALERT nyob Murphy Online ntawm banner.stthomas.edu. PROXY: Koj tus neeg kawm ntawv muaj cai tso cai rau lwm tus neeg nkag mus xyuas tau tej yam txog nws tej ntaub ntawv kawm ntawv. Xav paub ntau ntxiv, mus xyuas stthomas.edu/proxy. TSO CAI RAU LWM TUS NEEG SIV TAU EBILL/EPAY: St. Thomas siv ebilling qhia txog ntaub ntawv them nujnqi xwb tsis muaj kev xa daim ntawv nqi tuaj. Thaum muaj daim nqi tshiab tawm yuav muaj ib tsab xa rau tug neeg kawm ntawv tus hauv St. Thomas. Koj tus neeg kawm ntawv muaj cuabkav tso cai rau koj lossis lwm tus them nwg tej nujnqi nyob hauv ebill/epay. stthomas.edu/businessoffice/ebilling. TSHUAJ XYUAS QHOV KEV THIM NYIAJ NQI KAWM NTAWV (TRP): Ntawv qhia txog Kev Thim Nyiaj Nqi Kawm Ntawv (Tuition Refund Plan) twb xa mus rau cov neeg kawm ntawv thaum ntxov lub Xyaaj Hli Ntuj. Tshuaj xyuas qhov kev thim nyiaj nqi kawm ntawv no nrog koj tus neeg kawm ntawv; nws yuav tau txiavtxim siab tias yuav ua qhov no lossis tsis ua thaum txoj sijhawm pib kawm ntawv caij nplooj zees stthomas.edu/businessoffice. St. Thomas xav txhawb cov neeg kawm ntawv kom siv qhov kev Thim Nyiaj Nqi Kawm Ntawv ua kev tivthaiv tsam ho poob nyiaj thaum muaj kev tsho nyiaj them nqi khomob. stthomas.edu/businessoffice/students/ tuitionrefundplan 11 11

12 NTAUB NTAWV TXHAJ TSHUAJ TIVTHAIV KABMOB AWS: Neeg kawm ntawv tej ntaub ntawv txhaj tshuaj tivthaiv kabmob aws yuavtsum tau ua tiav tseg cia rau hav Murphy Online tsis pub dhau lub Kaum Hli Ntuj 21, Yog tsis ua kom ncav raws li lub sijhawm yuav tsis pub saunpe kawm ntawv rau lub caij nplooj hlav. NYEEM TEJ KEV CAI KOM PAUB TXOG: Neeg kawm ntawv yuavtsum tau paub txog tsev kawm ntawv cov cai. Mus xyuas tau tsab cai ntawm stthomas.edu/policies. NRHIAV IB TXOJ HAUJLWM HAUV CAMPUS: Txhawb koj tus neeg kawm ntawv mus xyuas qhov chaw pab nrhiav haujlwm ntawm stthomas.edu/jobsatust. MUS KOOM COV ROOJ TXAISTOS: Koj tus neeg kawm ntawv yuavtsum mus koom cov rooj txaistos kom paub ntau ntxiv txog lub campus thiab ntsib cov neeg kawm ntawv tuaj tshiab thiab cov qub. Ib lub rooj txaistos zoo tshajplaws rau cov neeg tuaj kawm ntawv tshiab yog Activities Fair, thaum 12-1 p.m. hnub Vas Asqhas, Cuaj Hli Ntuj 20, 2016, ntawm John P. Monahan Plaza. stthomas.edu/campuslife XAIV HOM KEV NOJ HAUS: Tsev ua noj haus muaj ntau hom ntawv kev noj haus rau cov neeg kawm ntawv tsis hais nyob hauv campus los sab nraud. Hom kev noj haus, flex dollars, thiab express dollars puavleej zoo rau kev txuag nyiaj thiab yoojyim mus nrhiav tau kev noj haus. stthomas.edu/dining/plans/mealplanoptions 12 12

13 ebilling: DAIM NTAWV THEM NQI ELECTRONIC stthomas.edu/businessoffice/ebilling Tagnrho txhuas yam nujnqi qhia nyob rau hauv tus neeg kawm ntawv tus account (xam nqi kawm, tsev, movnoj thiab lwm yam), thiab lwm yam nyiaj tau los (xws li them nyiaj, thim nyiaj, kev hloov, thiab lwm yam nyiaj tau los), ua qhia pom nyob rau internet/online rau koj tshuaj xyuas. Cov neeg kawm ntawv siv tau ebills nyob hauv ebill/epay System via Murphy Online. Cov neeg kawm ntawv xyuas tau tus account txog kev siv nyiaj, thiab kev them nujnqi uas siv ACH lossis credit card. Cov neeg kawm ntawv muaj cuabkav tso cai rau lwm tus saib tau lossis them nujnqi. Ua ntawv qhia txog kev thim nyiaj rov qab. COV NEEG TAU KEV TSO CAI SIV Cov neeg tau kev tso cai siv yog cov neeg sab nraud uas tus neeg kawm ntawv tso cai saib thiab them nujnqi. Cov neeg no muaj xws li niamtxiv, pog yawg, tus pomniaj, tus txiv, chaw ua haujlwm, etc. Yog tso cai, tus neeg kawm ntawv yuavtsum nkag mus tso cai nyob hauv Murphy Online. Tus neeg tau kev tso cai li nkag mus, qhia nws tuskheej thiab them tau nujnqi li uas tso cai. GET FUNDS (KEV TSHO NYIAJ SIV) Cov neeg kawm ntawv muaj cuabkav siv cov nyiaj nyob hauv express los yuav ntawv, khoomsiv, khaubncaws thiab phajtshab ntawm St. Thomas Campus Stores thiab movnoj ntawm tej tsev nojmov ibncig tsev kawm ntawv thiab qee lub uas tau kev tso cai nyob sab nraud. GET Funds yog ib yam cuabyeej uas cov neeg siv St. Thomas express muaj cuabkav tswj saibxyuas lawv cov nyiaj nyob hauv express account tau txhua lub sijhawm, tsi hais yuav nyob qhov chaw tws los tau thiab siv lub xovtooj ntawm tes los kuj tau tibyam

14 KEV TAW QHIA TXOG TUS NEEG KAWM NTAWV TEJ NTAWV KHAWS TSEG Tus neeg kawm ntawv tej ntaub ntawv khaws tseg ceev tsis pub qhia thiab tau tivthaiv los ntawm txoj cai Family Educational Rights thiab Privacy Act (FERPA) stthomas.edu/registrar/student/ ferpa. FERPA siv rau qib K-12 thiab rau qib kev kawm ntawv qib siab. FERPA txoj cai hloov ntawm niamtxiv qib K-12 mus rau tus neeg kawm ntawv thaum nws pib mus kawm ntawv qib siab, tsis hais yuav muaj hnoobnyoog li cas. NTAUB NTAWV QHIA TXOG PROXY stthomas.edu/registrar/proxy University of St. Thomas (UST) cov neeg kawm ntawv muaj cuabkav tso cai rau lwm tus mus xyuas tau lawv cov ntawv kawm khaws tseg nqee yam. Cov neeg no hu ua cov neeg siv proxy. Hauv UST Murphy Online, cov neeg kawm ntawv muaj cuabkav xaiv, los ntawm ib co npe uas tso cai tau, thiab yam ntawv dabtsis lawv thiaj saib tau. Cov ntawv uas tus proxy saib tau muaj ua hom Nyeem Xwb. Tus proxy yuav hloov tsis tau thiab thov tsis tau ib yam ntawv dabtsis txog tus neeg kawm ntawv. Los ntawm kev siv proxy tus neeg kawm ntawv tej ntawv kawm khaws tseg ruas pub rau koj siv xwb, tsis pub rau ib leeg tus tws ntxiv paub lossis siv dhau tawm ntawm koj tuskheej mus. Tus neeg kawm ntawv muaj cai tswj tau tias nplooj ntawv tws tus neeg proxy thiaj saib tau. Kev tham lus ntawm ncauj nrog tus neeg proxy los kuj tso cai tau yog tias tus neeg kawm ntawv chiv muaj ib lo lus hla (passphrase). Lo lus hla yog ib tus leb lossis ib kab lus uas tus neeg kawm ntawv teev tseg. Yuavtsum tau lo lus hla thaum tus proxy hu tuaj tham txog tus neeg kawm ntawv. Cov neeg ua haujlwm yuavtsum tau lo lus hla ua ntej lawv muaj cai qhia tau txog tus neeg kawm ntawv tej ntaub ntawv. Qhov no ua los tivthaiv raws li FERPA txoj cai rau tus neeg kawm ntawv. Kev them tus neeg kawm ntawv nujnqi ruas yog Tus Tau Kev Tso Cai Siv rau ebilling xwb uas yog txawv ntawm kev siv proxy

15 LUS TXHAIS HAIS TXOG NTAWM KEV TSO CAI Tshooj no muaj lus txhais rau tej kab lus uas tus neeg proxy yuav pom. Xav paub ntau ntxiv, thov tivtauj Office of the Registrar, (651) KEV PAB NYIAJ TXIAG KAWM NTAWV View My Financial Aid Award (xyuas kuv cov nyiaj pab tuaj) Student Requirements: tej yam ntaub ntawv uas yuavtsum tau ua kom tiav rau tus neeg kawm ntawv cov ntawv thov nyiaj txiag pab Award Payment Schedule: sijhawm xa cov nyiaj pab tuaj txog Financial Aid History (keebkwm kev pab nyiaj txiag) Loan Application History (keebkwm ua ntawv thov txais nyiaj) Financial Aid Important Messages (tej ntawv tseemceeb tshaj lus qhia txog kev pab nyiaj txiag) TUS NEEG KAWM NTAWV Student Detail Schedule: cov hoob uas tus neeg kawm ntawv saunpe kawm, hnub kawm thiab sijhawm, xibhwb, thiab lwm yam. Student Summary Schedule: cov hoob uas tus neeg kawm ntawv saunpe kawm Registration Status: tus neeg kawm ntawv yog kawm puvsijhawm, ibntsab-sijhawm, etc. Final Grades: nkag mus saib daim qhabnias kawg rau tus neeg kawm ntawv Academic Transcript: tso cai rau tus neeg proxy mus xyuas tau tus neeg kawm ntawv cov qhabnias uas tsis tau tau kev tso cai. Cov ntawv qhabnias uas tau kev tso cai yuavtsum yog tus neeg kawm ntawv xwb thiaj thov tau. TUS NEEG KAWM TUS ACCOUNT Account Detail by Term (tus account qhia raws li caij) Tuition Reimbursement Detail Report (ntawv qhia txog nyiaj nqi kawm ntawv thim rov qab txhua yam) 1098-T Summary Tax Notification: tso cai tus neeg proxy saib tau daim ntawv 1098-T Form TUG NEEG KAWM CHAW NYOB View Address: mus xyuas chaw nyob thiab xovtooj sau tseg rau tus neeg kawm ntawv 15 15

16 YIM HLI NTUJ HNUB TXAISTOS RAU LUB CAIJ NPLOOJ ZEES muab sijhawm rau koj tus neeg kawm ntawv muaj caijnyoog ntsib lwm tus neeg tuaj kawm ntawv tshiab, cov uas rov qab tuaj, thiab tej neeg hauv lub zejzos kawm ntawv, nrog rau tib lub sijhawm no kuj muaj kev qhia txog kev nkag tuaj nyob hauv thiab kev tawm mus ntawm St. Thomas tagnrho. Peb muaj ib qho keebkwm uas tibneeg nyiam yog March Through the Araches uas muaj txhua xyoo rau cov neeg tuaj kawm ntawv tshiab. Peb xav kom cov neeg tuaj kawm ntawv tshiab yuav tsum mus koom lub rooj txais tos Fall Welcome Days thaum lub Cuaj Hlis Ntuj 2-6. stthomas.edu/studentorientation/fallwelcome RAU COV NIAMTXIV UAS XAV PAUB NTAU NTXIV: The Parent Network yog ib qhov chaw pab tau zoo. stthomas.edu/parentnetwork Ua ntawv yuav tsab xovxwm StThomasPARENT enewsletter. stthomas.edu/parents/newsletter Mus xyuas xovxwm campus nyob hauv Newsroom stthomas.edu/news. Koj ua ntawv yuav tau nyob ntawm stthomas.edu/news/subscribe. CAMPUS LIFE (Lub Neej Nyob Hauv Campus) Anderson Student Center, Chav 325 (651) stthomas.edu/campuslife PARENT RESOURCES (Tej Kev Pab Niamtxiv) Dean of Students Office Anderson Student Center, Chav 241 (651) stthomas.edu/parents 16 16

17 YIM HLI NTUJ 2016 S M T W T F S Sept COV HNUB TSEEMCEEB Yim hli 22 Yim hli 31 Cuaj hli 2 Cuaj hli 2-6 Cov neeg kawm ntawv xyuas tau lawv thawj daim ebill nyob online. Thawj daim nujnqi hnub them yog lub Cuam Hli Ntuj 19 Noj mov hav zoov txaistos cov tsav tsheb tuaj kawm thiab lawv tseg neeg, John P. Monahan Plaza, 6pm Cov neeg kawm ntawv thawj-xyoo nyaib tuaj nyob hauv vajtse tsev kawm ntawv Hnub Txaistos Rau Caij Nplooj Zees(Fall Welcome Days) 17 17

18 CUAJ HLI NTUJ Kev kawm pib rau hnub Vas Phuv, Cuaj Hli Ntuj 7, Txhawb kom koj tus neeg kawm ntawv txawj tswj nws lub sijhawm. Tommies (tus neeg lossis cov neeg kawm ntawv hauv St. Thomas) muaj sijhawm mus koom ntau yam tsis hais kev kawm, kablis kevcai, kislas, kev phoojywg, thiab uasi hauv zejzos. Lub Activities Fair nyob rau hnub Vas Asqhas, Cuaj Hli Ntuj 20, 2016, yog sijhawm zoo mus xyuas seb muaj dabtsis npaum cas rau yus xaiv. Pib thaum ib nrab lub Cuaj Hli koj yuav tau txais ib tsab xovtooj ntawm cov niamtxiv vuslates Parent Network. Lawv lub homphiaj yog xav paub cov niamtxiv uas muaj neeg kawm ntawv thawj xyoo los pab txhawb kom txhua yam mus tau zoo rau tus neeg kawm thiab nws tsevneeg. Cuaj Hli Ntuj yog tsev kawm ntawv lub Hli Nco Txog Kev Ruaj Ntses (Campus Safety Awareness) Public Safety thiab lwm lub hoobkas nyob hauv campus yuav los koomtes qhia cov neeg kawm ntawv kom paub ceevfaj thiab pab kev ruaj ntses nyob ib ncig hauv thiab sab nraud campus. PUBLIC SAFETY St. Paul Campus, Morrison Hall, theem ib, ntawm Lot B Minneapolis Campus: Theem ib, School of Law Theem ib, Terrance Murphy Hall Theem ob, Opus Hall (651) : tsis yog xovtooj rau xwm kub ntxhov thiab thov tub ceevxwm coj kev (651) : xovtooj rau xwm kub ntxhov stthomas.edu/publicsafety Ua raws txoj cai Title IX of the Education Amendments of 1972, tsev kawm ntawv tsis xaiv neeg ntsej muag los cais poj niam txiv neej nyob rau nws cov kev kawm/pab thiab dejnum. Lub tsev kawm ntawv tau tsa Ms. Nora Fitzpatrick los ua tus tswj saibxyuas ntawm tsev kawm kom ua raws li txoj cai no thiab lwm yam kevcai khi rau txoj no, xam kev tshuaj xyuas tej dejnum uas ua tsis raws thiab txwv ntawm txoj cai Title IX, xws li kev haub ntxias sibdheev. Yob leeg tws ntseeg tias lub tsev kawm ntawv tsis uas raws li txoj cai Title IX thov tivtauj: TITLE IX COORDINATOR Ms. Nora Fitzpatrick Associate Vice President, Financial Planning and Analysis Room 110D, Aquinas Hall (651) nbfitzpatric@stthomas.edu 18 18

19 CUAJ HLI NTUJ 2016 S M T W T 1 F 2 S COV HNUB TSEEMCEEB Cuaj hli 6 Cuaj hli 7 Cuaj hli 13 Cuaj hli 19 Cuaj hli 20 Cuaj hli 20 Cuaj hli 30 Kaum hli 2 March Through the Arches, Thov Vajtswv Foom Moov thiab Ua Koobtsheej Qhib Pib kawm ntawv caij nplooj zees Hnub kawg uas ntxiv hoob tsis tag tau xibhwb tso cai Thawj daim nqi txog sijhawm them Hnub kawg tso hoob tsis kawm thiaj tsis muab xam nyob rau ntaub ntawv Activities Fair (kawm txog cov neeg kawm ntawv 130+ lub koomhaum) 2016 Tommies Homecoming & Tsev Neeg Lub Limtiam 19 19

20 KAUM HLI NTUJ 2016 Tommies homecoming & Tsev Neeg Lub Limtiam, Cuaj Hli 30-Kaum Hli 2, 2016, yog ib lub sijhawm zoo rau koj thiab koj tsev neeg rov tuaj sibntsib thiab muaj lub neej nyob rau St. Thomas. Tuaj koom nrog Tommie Tsev Neeg thaum peb muab Homecoming thiab Tsev Neeg Lub Limtiam los koom uake. Kev uasi kuj muaj xws li Homecoming Lip Sync Kev Sibtw, Purple nyob saud Plaza, St. Thomas kev sibtw ncaws pob npas, thiab koj yuavtsum tau tuaj pom thawj zaug uas peb muajtommies Weekend TakeOver the Anderson! stthomas.edu/familyweekend Kaum Hli Ntuj yog ib lub sijhawm rau koj txhawb koj tus neeg kawm ntawv ntxiv. Hais kom nws nrhiav tej kev pab uas yuav pab tau nws. Muaj cov neeg pab qhia nyob thoobplaws hauv Math Resource Center (MaRC) thiab Center for Writing, tsis hais kev pab rau kev xeem ntawv lossis sau ntawv. Yog tias koj pom koj tus tub lossis tus ntxhais muaj kev nyuab siab rau kev hloov tuaj nyob kawm ntawv, hais kom nws mus nrhiav kev pab dawb ntawm Counseling and Psychological Services. Caij so txog nrab yog lub Kaum Hli Ntuj 28, 2016, thiab yog ib lub sijhawm rau sawvdaws hloov pa. DEAN OF STUDENTS Anderson Student Center, Room 241 (651) stthomas.edu/deanofstudents stthomas.edu/familyweekend COUNSELING AND PSYCHOLOGICAL SERVICES Murray-Herrick Campus Center, Room 356 (651) stthomas.edu/counseling MATH RESOURCE CENTER (MaRC) O Shaughnessy Science Hall, Room 235 (651) stthomas.edu/marc CENTER FOR WRITING John R. Roach Center, Room 361 (651) stthomas.edu/writing 20 20

21 KAUM HLI 2016 S M T W T F S COV HNUB TSEEMCEEB Cuaj hli 30- Kaum hli 2 Kaum hli 1 Kaum hli 21 Kaum hli 28 Kaum hli Tommies Homecoming & Tsev Neeg Lub Limtiam Nub sau npe kawg rau kev mus kawm ntawv sab nraud lossis txawv tebchaws, xam nrog caij kawm lub Ib Hli 2017 Nub kawg uas tso ntaub ntawv txhaj tshuaj tivthaiv kabmob aws Caij So Ib Nrab (Mid-term break) Rov pib kawm ntawv 21 21

22 KAUM IB HLI NTUJ Txawm tias koj ua koobtsheej hnub so Thanksgiving ntawm tebchaws Asmeskas lossis tsis ua, no yog ib lub sijhawm los ua tsaug rau tej koobmoov uas peb tau txais thiab xav rau qhov uas Vajtswv hu peb los pab lwm tus. Kev ua tsaug yog ib yam kev ntseeg ntawm lub tsev kawm ntawv thiab peb cia siab tias koj tus neeg kawm ntawv yuav koom nrog peb ua dejnum pab pub rau peb lub zejzos, lub tebchaw thiab thoobplawg lub ntiajteb. Yog koj nyob hauv nroog loj, thov ntxiv ib ob lub rooj zaum pub rau cov neeg kawm ntawv tuaj txawv tebchaw tuaj tau nrog koj koom noj Thanksgiving xyoo no. Kev noj Thanksgiving yog ib lub koobtsheej zoo rau cov neeg kawm ntawv tuaj txawv teb chaws tuaj tau los koom nrog cov neeg nyob hauv campus kom lawv ho paub txog tej koobtsheej no. Lub chaw Office of Service-Learning & Civic Engagement ua haujlwm pab cov neeg kawm ntawv nrhiav chaw/vajtse mus nyob uas haum lawv siab thiab lawv nyiam nyob rau ibncig Nroog Ntxaib. Nco tias, koj tus neeg kawm ntawv yuavtsum tau ntsib nws tus xibhwb saibxyuas thiab/lossis tus pab tswvyim kev kawm ntawv yav ntxov ntawm lub Kaum Ib Hli los saunpe kawm ntawv nyob rau lub Ib Hli (J-term) thiab lub caij nplooj hlav. ACADEMIC COUNSELING & SUPPORT (Chaw pab tswvyim & txhawb zog) Murray-Herrick Campus Center, Room 110 (651) / stthomas.edu/academiccounseling OFFICE OF INTERNATIONAL STUDENTS & SCHOLARS (Chaw pab cov kawm ntawv tuaj txawv tebchaw tuaj) Anderson Student Center, Room 218 (651) / stthomas.edu/oiss OFFICE OF GLOBAL AND LOCAL ENGAGE- MENT (Hoobkas koom nrog ntiajteb thiab hauv zos) Murray-Herrick Campus Center, Room 212 (651) stthomas.edu/servicelearning 22 22

23 KAUM IB HLI NTUJ 2016 S M T W T F S COV HNUB TSEEMCEEB Kaum ib hli1 4- Sijhawm saunpe ntxov kawm ntawv rau lub Ib Kaum ob hli 2 Hli thiab caij nplooj hlav Kaum ib hli 18 Kaum ib hli 24 Kaum ib hli 28 Hnub kawg uas tso hoob povtseg thiaj tsis tau tus qhabnias F Pib caij so rau Thanksgiving Rov pib kawm ntawv 23 23

24 KAUM OB HLI NTUJ Thaum koj txaistos koj tus neeg kawm ntawv rov los tsev thaum so caij ntuj no (winter break), koj yuav pom tej yam hloov ntawm nws. Koj tus neeg kawm ntawv yuav nyob tau nws tuskheej, ntseeg nws tuskheej, thiab paub muaj homphiaj zoo dua li yav ua ntej thaum nws tsis tau tuaj rau St. Thomas. Tej zaum zoo li ntxov, tiamsis no yog lub sijhawm zoo nrog koj tus neeg kawm ntawv tham txog vajtse nyob kawm ntawv rau xyoo tomntej. Residence Life yuav xa qhia rau cov neeg vajtse nyob hauv tsev kawm ntawv txog kev xaiv vajtse nyob. Off-Campus Student Services (OCSS) muaj ntaub ntawv qhia txog tsev nyob sab nraud tsev kawm ntawv thiab kev tsav tsheb tuaj kawm ntawv. OCSS muaj rooj cobqhia txog kev xauj tsev nyob rau lub Kaum Ob Hli pab rau cov neeg kawm ntawv paub txog yam tseeb thiab tsis tseeb txog kev nyob sab nraud tuaj kawm ntawv. Txhawb koj tus neeg kawm ntawv kom paub xaiv vajtse nyob kawm ntawv. CAMPUS MINISTRY Anderson Student Center, Room 207 (651) stthomas.edu/campusministry OFF-CAMPUS STUDENT SERVICES Anderson Student Center, Room 253 (651) / stthomas.edu/offcampus RESIDENCE LIFE Koch Commons, Room 106 (651) / stthomas.edu/residencelife VOLUNTEERS IN ACTION (VIA) AND VOLUNTEERS IN SERVICE NATIONALLY AND INTERNATIONALLY (VISION) Anderson Student Center, Room 207 (651) stthomas.edu/campusministry/service 24 24

25 KAUM OB HLI NTUJ 2016 S M T W T F S COV HNUB TSEEMCEEB Kaum ob hli 1 Kaum ob hli 14 Kaum ob hli 15 Kaum ob hli 16, Xa cov ntaub ntawv kawm uas ua tsis tiav rau caij nploov hlav thiab ntuj sov tuaj Kawm ntawv xaus Hnub saib ntawv npaj xeem & pib xeem ntawv yav tsausntuj Xeem ntawv zaum kawg 25 25

26 IB HLI NTUJ Nws yog lub xyoo tshiab thiab pib kev kawm ntawv lub caij Ib Hli Ntuj. No kuj yog lub sijhawm peb thov caw koj thiab koj tus neeg kawm ntawv rov los tsomxam txog ob peb lub hli tag los uas ua ib tus Tommie. Tej yam ua tau zoo yog dabtsis? Puas muaj yam twg uas ua tsis tau? No yog lub sijhawm zoo rau tus neeg kawm ntawv mus ntsib nws tus neeg pab nhiav nyiaj txiag (financial aid) seb puas tshuav dabtsis thiab ua xa daim ntawv Free Application for Federal Student Aid (FAFSA). Lub Ib Hli Ntuj kuj yog lub caij zoo mus nrhiav haujlwm ua nyob hauv tsev kawm ntawv lossis sab nraud. Mus xyuas JobsAtUST website nrhiav cov haujlwm uas tabtom qheb rau cov neeg kawm ntawv. Lub department of Campus Life, Residence Life, Dean of Students, Office of International Students & Scholars, Student Diversity thiab Inclusion Services, Anderson Student Center thiab Campus Ministry koom txais li 150 tus neeg los ua thawjcoj uas them nyiaj nyob rau uas yuav tau tso ntawv thiab xaiv. Ntawv tso npe xaus rau yav ntxov thaum lub Ob Hli Ntuj. Muaj kev pab ntawm Career Development Center rau koj tus neeg kawm ntawv qhia thiab pab nws ua daim ntawv txog tuskheej lossis resume. FINANCIAL AID Murray-Herrick Campus Center, Room 152 (651) stthomas.edu/financialaid/undergraduate HUMAN RESOURCES Aquinas Hall, Room 217 (651) stthomas.edu/hr/studentemployment STUDENT LEADERSHIP SELECTION Campus Life Office Anderson Student Center, Room 325 (651) stthomas.edu/campuslife/annualevents/studentleadershi pselection 26 26

27 IB HLI NTUJ 2017 S M T W T F S COV HNUB TSEEMCEEB Ib hli 3 Ib hli 4 Ib hli 6 Ib hli 16 Ib hli 20 Ib hli 26 Ib hli 30 Pib kawm ntawv rau caij Ib Hli Ntuj Hnub kawg ntxiv hoob uas tsis tag tau kev tso cai ntawm tus xibhwb Hnub kawg uas tso hoob povtseg thiaj tsis muab xam cia nyob rau hauv ntaub ntawv Martin Luther King Jr. Hnub tsis kawm ntawv Hnub kawg uas thim hoob tsis kawm thiaj tsis tau tus qhabnias F Caij kawm ntawv lub Ib Hli xaus Pib kawm ntawv caij nplooj hlav 27 27

28 OB HLI NTUJ Sijhawm huabcua no yuav txog qib ua dej khov, peb lub caij kawm ntawv caij nplooj hlav twb los txog lawm! Pab koj tus neeg kawm ntawv kom kovyeej ntuj no xws li txhawb kom nws mus ua los koom tej yam dabtsis tshiab, tej koomhaum thiab lwm yam rau lub caij no. Nyob hauv St. Thomas, peb suav kev muaj ntau haiv neeg uake ua qhov tseemceeb, thiab txhawb kom cov neeg kawm ntawv nrhiav kev sibpaub nrog lwm tus neeg uas txawv lawv. Muaj ntau lub hoobkas npaj muaj kev sibkoom thiab kev pab kom cov neeg kawm ntawv paub zoo txog lwm haiv neeg tej kev coj kablis kevcai ib yam kev txawj ntse rau cov neeg kawm ntawv txhua tus, tsis hais yuav kawm mus ua dabtsis yuavtsum tau paub. Lub chaw Wellness Center thov txhawb St. Thomas cov neeg kawm ntawv kom xyaum ua lub neej noj qab nyob zoo los ntawm kev cobqhia ntau yam muaj thoobplaws lub xyoo. Tej kev cobqhia no muaj xws li kev tswjhwm kev txhawjxeeb, dej caws thiab luamyeeb, mojyam lub cev, zaub movnoj, kev nyob ruaj ntses, pw, kev ua phoojywg, thiab txhua yam txog kev noj qab nyob zoo. Lub chaw Anderson Athletic thiab Recreation Complex muaj lub pagdej da, 2000 lub rooj zaum saib pov npas pobtawb thiab ntau npas, muaj txoj kev khiav 200 daj npab, chaw nqas kab thiab esxawsxais lub plawv, thiab cov chav hloov khaubncaws. Txhawb koj tus neeg kawm ntawv mus koom kislas nyob hauv tsev kawm ntawv, ua esxawsxais nrog phoojywg lossis saunpe mus kawm ib hoob esxawsxais thiab yoga. WELLNESS CENTER Murray-Herrick Campus Center, Room 355 (651) stthomas.edu/wellness ANDERSON ATHLETIC AND RECREATION COMPLEX (AARC) (651) stthomas.edu/aarc STUDENT DIVERSITY & INCLUSION SERVICES Anderson Student Center, Room 224 (651) stthomas.edu/studentdiversity 28 28

29 OB HLI NTUJ 2017 S M T W T F S COV HNUB TSEEMCEEB Ob hli 3 Hnub kawg ntxiv hoob uas tsis tag tau xibhwb tso cai Ob hli10 Hnub kawg tso hoov povtseg thiaj tsis muab xam tseg cia rau ntaub ntawv 29 29

30 PEB HLI NTUJ Nrog rau lub caij ntuj so los ze, no yog lub sijhawm zoo rau koj tus neeg kawm los xav seb puas yuav mus kawv ntawv sab nraud lossis txawv tebchaw. Kev mus kawm txawv tebchaw pab tus neeg kawm ntawv muaj sijhawm qhib nws tuskheej mus paub ntau yam thiab lwm haiv neeg tej kev xav. Txhua xyoo muaj tshaj li 1000 tus neeg St. Thomas kawm ntawv sab nraud thiab lawv yuav qhia koj tias yog ib qho ua zoo tshajplaws uas ua ib tus Tommie. St. Thomas muaj ntau tshaj li 330 semester- lossis ib xyoo kev kawm nyob lwm tebchaw xws li Italy, Turkey, England, Australia, thiab Spain. Siv ib semester lossis ib zaug thaum caij lub Ib Hli mus kawm txawv tebchaw. Qhov no yuav tau siv sijhawm ua tibzoo npaj. Txhawb koj tus neeg kawm ntawv mus ntsib tus neeg saibxyuas sab kev kawm mus txawv tebchaw hauv International Education Center lub semester no los npaj uas yog ib txoj kev hloov lub neej. Tej ntaub ntawv ua mus txawv tebchaw rau 2018 yuavtsum tiav rau lub Kaum Hli 1, OFFICE OF STUDY ABROAD (Hoobkas saib kev kawm ntawv mus txawv tebchaws) (651) stthomas.edu/studyabroad 30 30

31 PEB HLI NTUJ 2017 S M T W T F S COV HNUB TSEEMCEEB Peb hli 20 Pib caij so ib nrab (Mid-term break begins) Peb hli 27 Rov pib kawm ntawv Peb hli 27 Xa qhabnias Mid-term mus rau tus sau npe kawm ntawv 31 31

32 PLAUB HLI NTUJ Koj tus neeg kawm ntawv puas xav tias yuav hloov major, nrhiav ua internship, lossis tias yuav ua dabtsis tomqab kawm ntawv tiav? Yog tias nws tsis tau mus ntsib Career Development Center (CDC), thov txhawb kom nws mus xyuas. Career Development Center muaj ntau yam kev pab xws li kev sau daim resume, kev xamphaj, kev xam xyuas haujlwm seb nyiam yam twg, thiab kev qhia txog haujlwm qhib. Tej kev pab no txhawb txoj kev kawm ntawv thiab npaj cov neeg kawm ntawv mus tau haujlwm yav tomntej. Sijhawm lub Plaub Hli, cov neeg kawm ntawv yuav ntsib lawv tus xibhwb uas saibxyuas thiab/lossis tus counselor saib kev kawm ntawv los npaj kev saunpe kawm ntawv rau lub caij ntuj sov thiab nplooj zees. CAREER DEVELOPMENT CENTER (Chaw pab rau kev kawm npaj haujlwm) Murray-Herrick Campus Center, Room 123 (651) stthomas.edu/careerdevelopment 32 32

33 PLAUB HLI NTUJ 2017 S M T W T F S COV HNUB TSEEMCEEB Plaub hli So rau Easter Plaub hli 18 Rov pib kawm ntawv Plaub hli 18- Sau npe ntxov kawm ntawv rau caij ntuj sov thiab Tsib hli 1 caij nplooj zees April 19 Hnub kawg thim hoob tsis kawm kom thiaj tsis tau tus qhabnias F 33 33

34 TSIB HLI NTUJ Koj tus neeg kawm ntawv thawj xyoo nyob St. Thomas tiav tag! Koj thiab koj tus neeg kawm ntawv yuav xav muaj qhov zoo thiab qhov phem. Muaj ntau yam hloov rau lub xyoo dhau los. Koj tau ua ib tus tseemceeb ntawm kev hloov rau koj tus neeg kawm ntawv lub neej. Parent Network sib zog tivtauj, koomtes, thiab pab St. Thomas cov niamtxiv los ntawm tej kev pab thiab tej sijhawm vuslates. Parent Network txhawbnqa niamtxiv kev pab rau kev kawm ntawv kauslej plaub xyoo. Parent Network cov tswvcuab yuav tivtauj koj mus tag koj tus neeg kawm ntawv lub sijhawm nyob rau St. Thomas. Cov neeg kawm ntawv kawm ntxiv mus rau caij ntuj sov xws li kev mus kawm xyaum, kawm nyob hoob, kev tshawbfawb, mus kawv txawv tebchaws, lossis ua haujlwm caij ntuj sov. PARENT NETWORK (Niamtxiv Koomtes) stthomas.edu/parentnetwork 34 34

35 TSIB HLI NTUJ 2017 S M T W T F S COV HNUB TSEEMCEEB Tsib hli 1 Tsib hli 12 Tsib hli 15 Tsib hli Tsib hli 20 Ntaub ntawv uas tsis tiav rau caij nplooj zees thiab ntuj so xa kom tuaj txog Kawm ntawv xaus Hnub saib ntawv npaj xeem & pib xeem yav tsausntuj Kev xeem ntawv zaum kawg Rooj lav ntawv kawm tiav 35 35

36 NOTES 36

37 NOTES 37

38 NOTES 38

39 IMPORTANT CONTACTS Partners for your student s success ACADEMIC COUNSELING & SUPPORT (651) stthomas.edu/academiccounseling ALUMNI ASSOCIATION (651) stthomas.edu/alumni ATHLETIC OFFICE (651) stthomas.edu/athletics BUSINESS OFFICE (651) stthomas.edu/businessoffice CAMPUS LIFE (651) stthomas.edu/campuslife CAMPUS MINISTRY (651) stthomas.edu/campusministry CAMPUS STORES (651) stthomas.edu/campusstores CAREER DEVELOPMENT CENTER (651) stthomas.edu/careerdevelopment COUNSELING AND PSYCHOLOGICAL SERVICES (651) stthomas.edu/counseling DEAN OF STUDENTS (651) stthomas.edu/deanofstudents DISABILITY RESOURCES (651) stthomas.edu/enhancementprog FINANCIAL AID (651) stthomas.edu/financialaid HEATH SERVICES (651) stthomas.edu/healthservices OFF-CAMPUS STUDENT SERVICES (651) stthomas.edu/offcampus OFFICE OF GLOBAL AND LOCAL ENGAGEMENT (651) stthomas.edu/studyabroad stthomas.edu/gale OFFICE OF INTERNATIONAL STUDENTS & SCHOLARS (651) stthomas.edu/oiss PARENT LIASON (651) stthomas.edu/parents PARENT NETWORK parentnetwork@stthomas.edu stthomas.edu/parentnetwork PARKING SERVICES (651) 962-PARK (7275) stthomas.edu/parking PUBLIC SAFETY Non-emergency line (escorts) (651) Emergency line (651) stthomas.edu/publicsafety REGISTRA S OFFICE (651) stthomas.edu/registrar RESIDENCE LIFE (651) stthomas.edu/residencelife STUDENT DIVERSITY & INCLUSION SERVICES (651) stthomas.edu/studentdiversity TITLE IX COORDINATOR Ms. Nora Fitzaptrick Associate Vice President, Financial Planning and Analysis Room 110D, Aquinas Hall (651) nbfitzpatric@stthomas.edu TOMMIE CENTRAL Information and ticket sales for community events (651) stthomas.edu/asc/tommiecentral TOMMIE SHOP (651) stthomas.edu/asc/ facilitiesandservices/retail UST CARES provides resources and information to enhance a safe and healthy campus. If you have concerns about your student, please visit: stthomas.edu/ustcares

40 Phau ntawv npaj no yog ua los ntawm Division of Student Affairs. 40