COV LUS UAS PHEEJ NUG Tsoom Fwv Tsev Kawm Ntawv Nroog Xees Phos Lub Tswv Yim Npaj: Tsev Kawm Ntawv Zoo, Zej Zos Muaj Zog:

Size: px

Start display at page:

Download "COV LUS UAS PHEEJ NUG Tsoom Fwv Tsev Kawm Ntawv Nroog Xees Phos Lub Tswv Yim Npaj: Tsev Kawm Ntawv Zoo, Zej Zos Muaj Zog:"

Scott Gardner
5 years ago
Views:

COV LUS UAS PHEEJ NUG Tsoom Fwv Tsev Kawm Ntawv Nroog Xees Phos Lub Tswv Yim Npaj: Tsev Kawm Ntawv Zoo, Zej Zos Muaj Zog: 2014-2019 Kev kawm ntawv xaus ntawm xyoo 2013-2014 yog tiav thawj lwm ntawm

1 COV LUS UAS PHEEJ NUG Tsoom Fwv Tsev Kawm Ntawv Nroog Xees Phos Lub Tswv Yim Npaj: Tsev Kawm Ntawv Zoo, Zej Zos Muaj Zog: Kev kawm ntawv xaus ntawm xyoo yog tiav thawj lwm ntawm lub tswv yim npaj kom Tsev Kawm Ntawv Zoo, Zej Zos Muaj Zog los txhawb txhua tus tub ntxhais txoj kev kawm ntawv kom nce qib. Nyob rau xyoo 2011, peb tau pib ib txoj kev ua kom cov tub ntxhais kawm tau ntawv thiab kho peb txoj kev khiav dej num kom zoo. Txij thaum ntawd los peb ua tiav ntau yam lawm kom cov tub ntxhais tau kawm ntawv zoo thiab ze tsev, tiam sis tseem tshuav dej num ntau uas peb tseem yuav ua ntxiv kom cov tub ntxhais kawm tau ntawv zoo mus ceev. Kev txuas ntxiv rau tes dej num peb xyoos dhau los, Tsoom Fwv Tsev Kawm Ntawv Nroog Xees Phos tab tom pib mus rau lwm ob ntawm lub tswv yim npaj hu ua Tsev Kawm Ntawv Zoo, Zej Zos Muaj Zog 2.0 (SSSC 2.0), npaj mus li tsib xyoos. Nrog rau lub hauv paus uas twb ruaj chaw lawd, peb yuav rov saib kom meej thiab qhia kom tob zog kom txhua tus tub ntxhais kawm tau ntawv ceev los ntawm peb lub hom phiaj uas tau npaj xws li nram no: 1) Kawm kom tau: (Achievement) Npaj kev kawm kom zoo thiab haum rau txhua tus tub ntxhais kawm ntawv los ntawm txoj kev thawj coj zoo, cov kev kawm zoo thiab kev txiav txim siab rau tej ntaub ntawv. 2) Ua kom txoj kev kawm xwm yeem: (Alignment) Lis kom tsev kawm ntawv cov khoos kas dhia sib haum thiab txhawb kho tub ntxhais kawm ntawv txoj kev kawm. 3) Nyob tau mus: (Sustainability) Txawj txuag thiab siv peb cov nyiaj kom tij lim kom yuav tau ntaub ntawv los rau hauv chav thiab tsim kev kawm ntawv raws li qhov uas pom tshwm hais tias zoo. Cov lus teb rau cov lus uas pheej nug nram qab no muaj hais txog: Keeb kwm ntawm lub tswv yim npaj SSSC 2.0 Kev raug rau cov tub ntxhais kawm ntawv thiab cov tsev neeg Kev koom tes thiab kawm ntxiv KEEB KWM NTAWM LUB TSWV YIM NPAJ SSSC Lub tswv yim npaj tshiab no txawv lub tas los lawd li cas? SSSC 2.0 tsis yog ib qho pib tshiab, tiam sis yog tes num uas twb xub pib ib lwm tau peb xyoos los lawd uas txij xyoo 2011 mus txog rau xyoo Nyob rau thawj lwd, muaj hloov ntau yam txog tej uas hauv paus tsev kawm ntawv thiab cov tsev kawm ntawv yuav khiav dej num li cas kom cov tub ntxhais kawm tau ntawv zoo zog, kawm tiav tha sij hawm thiab npaj txhij mus kawm kom tau zoo hauv qib siab. Ib txhia kev hloov yog ua kom cov tub ntxhais tau kawm ntawv ze tsev ntawm qhov community school pathway; tsim kom kawm sib txuas zias qib K-12 ntawm cov khoos kas magnet; thiab pab kom cov thawj tswj tsev kawm ntawv coj tau muaj zog, ntxiv rau lwm qhov kev hloov. Xav paub txog tej kev hloov uas ua tiav ntawm SSSC lwm thib ib, mus saib hauv Ua Hauj Lwm Ua Ke Los Txhawb Kom Tub Ntxhais Kawm Ntawv Vam Meej Tshaj Qhov Qub. Nrog rau lub hauv paus uas twb ruaj lawd, nyob rau qhov SSSC 2.0, peb yuav mus kom tob zog kom txhawb tau cov tub ntxhais kom lawv kawm tau ntawv ceev lawv li tsib qhov ntawm peb peb lub hom phiaj: January 22, 2014 Strong Schools, Strong Communities FAQ Saint Paul Public Schools Phone: Page 1

2 HOM PHIAJ Lub hom phiaj 1: Kawm kom tau (Achievement) Lub hom phiaj 2: Ua kom txoj kev kawm xwm yeem (Alignment) Lub hom phiaj 3: Nyob tau mus (Sustainability) TSOM NTSOOV UA 1. Txhua hom tub ntxhais kawm ntawv tau kawm sib luag 2. Npaj kev kawm kom haum tus kheej 3. Npaj txhij mus kawm qib siab thiab kawm hauj lwm 4. Muaj kab ke kev kawm zoo rau qib pre K Muaj kab ke txhawb kom txoj kev kawm zoo 2. Nej puas tau kaw tau qhov kev kawm tsis sib cuag (achievement gap) ntawm lwm yam tub ntxhais kawm ntawv thiab cov tub ntxhais kawm ntawv tawv dawb? Tsis tau. Peb xav muab hu ua cib fim tsis sib cuag, kom peb nco hais tias ntau zaus cov tub ntxhais kawm ntawv txawv nqaij tawv nkag tsis txog rau cov kev pab cuam uas cov tub ntxhais kawm ntawv nqaij tawv dawb txog. Peb yuav tsum lees paub hais tias txoj kev tsis sib txig sib luag ntawm txoj kev kawm ntawv kom vam meej rau cov tub ntxhais txawv nqaij tawv thiab cov tub ntxhais nqaij tawv dawb tseem muaj rau hauv peb Tsoom Fwv cov Tsev Kawm Ntawv hauv Xees Phos. Peb maj ua kom qhov tsis sib txig sib luag no xaus mus, tiam sis peb paub hais tias yuav siv ntev tshaj li peb xyoos los hloov txhua yam ua ke, hloov kom zoo, thiab hloov ntawm tus kheej kom paub hais tias yuav ua li cas thiaj pab tau peb cov tub ntxhais txawv nqaij tawv. Txawm li ntawd los, muaj xov zoo tias peb xyoos dhau los cov tub ntxhais txoj kev kawm tau ntawv nce lawm: Kev kawm tiav* nce rau txhua tus tub ntxhais kawm ntawv, nce +7 theem mus rau 66% kawm tiav rau xyoo 2012 piv rau 59% kawm tiav rau xyoo Kev kawm tiav kuj nce rau tej pab neeg li hauv no: +5 theem rau cov African American (52% mus rau 57%) +7 theem rau cov Asian American (63% mus rau 70%) +15 theem rau cov Hispanic (44% mus rau 59%) +22 theem rau cov American Indian (31% mus rau 53%) +4 theem rau cov Caucasian (73% mus rau 77%) *Cov ntaub ntawv qhia txog kawm ntawv tiav no muab raws li Minnesota Department of Education (MDE) tau teev muaj. Kev xeem tus MCA nce: Nyeem tau ntawv: Nce 5 theem ntawm 52% mus rau 57% txij mus rau Ua tau leb: Nce 3 theem ntawm 41% mus rau 44% txij mus rau Minnesota Department of Education qhov Multiple Measurements Rating (MMR): 10 (23%) lub ntawm 44 lub tsev kawm ntawv uas nyob qis dua MMR txoj kev ntsuas rau xyoo 2012 thiab 2013 nce qib rau lawv qhov kev ntsuas lawm January 22, 2014 Strong Schools, Strong Communities FAQ Saint Paul Public Schools Phone: communications@spps.org Page 2

3 10 lub tsev kawm ntawv uas nce ntawm lawv qhov kev ntsuas ntawd, Humboldt thiab Phalen Lake nce ob theem Tsuas muaj ob lub thiaj li poob ntawm MMR qhov kev ntsuas lawm xwb Tsev kawm ntawv Monroe, Harding, thiab Washington tau txais kev koob tsheej rau xyoo 2013, vim lawv mus txog qhov uas lawv yuav tsum txog. Npaj kom tub ntxhais kawm ntawv npaj txhij mus kawm qib siab thiab hauj lwm coob zog: Cov Advanced Coursework nce 3 theem (63% rau piv rau 57% rau ) Cov mus xeem tus ACT mus nkag qib siab nce 6 theem (63% rau 2013 piv rau 57% rau 2010) Cov kawm rau qhov khoos kas AVID (npaj kom txhij mus kawm qib siab) nce ntawm 1,042 tus mus rau 1,384 tus (33%) rau lub caij ntuj no 2013 Txoj kev tub ntxhais nyob hauv chav kawm ntawv nce thiab qhov uas raug muab ncua kev kawm ntawv nqis lawm 38% txij xyoo mus rau los ntawm txoj kev pab kom kawm tau ntawv es tsis txhob muaj ncua kev kawm ntawv. Qhov khoos kas Parent Academy qhia tiav 1,980 tus niam txiv txij lub caij nplooj zeeg 2011 mus txog 2013, nto 72% kom tiav li lub hom phiaj (2,736) rau lub caij nplooj hlav Nej yuav hais txog qhov kev kawm tsis sib cuag (achievement gap) li cas ntxiv rau hauv qhov SSSC 2.0 nov? Yuav tsis muaj kwv yees, peb yuav tau siv zog kom pab tau cov tub ntxhais kawm ntawv coob zog, thiab ceev zog kom txhua tus tub ntxhais kawm ntawv muaj kev ncav cuag cov kev pab cuam rau txoj kev kawm thiab cov khoos kas zoo sib txig sib luag. Nrog rau txoj kab ke uas twb muab tso muaj chaw lawd, peb txoj kev tsom ua ntawm SSSC 2.0 yog yuav txhawb ceev kom cov tub ntxhais kawm tau ntawv los ntawm cov tswv yim no: Kawm kom tau: (Achievement) 1) Txhua hom tub ntxhais tau txoj kev kawm sib txig sib luag 2) Npaj kom kev kawm haum rau tus kheej 3) Npaj kom txhij mus kawm qib siab thiab kawm hauj lwm Ua kom txoj kev kawm xwm yeem: (Alignment) 4) Muaj khoos kas zoo heev rau qib Pre K-12 txuas zias txoj hau kev mus Nyob tau mus: (Sustainability) 5) Muaj kab ke txhawb kom txoj kev kawm ntawv zoo Yog xav paub cov kev yuav kawm no ntxiv, mus saib hauv SSSC 2.0 Overview. KEV RAUG RAU TUB NTXHAIS KAWM NTAWV THIAB COV TSEV NEEG 4. Puas yuav muaj hloov tsev kawm ntawv lawd? Peb tus me nyuam puas yuav tau hloov tsev kawm ntawv? Tsis hloov lawm. Xyoo ces yog xyoo xaus rau ntawm kev hloov tsev kawm ntawv xws li hloov cov tsev kawm ntawv junior high uas kawm qib 7-8 los ua theem nrab middle school model uas kawm qib 6-8, los January 22, 2014 Strong Schools, Strong Communities FAQ Saint Paul Public Schools Phone: communications@spps.org Page 3

4 sis muab cov tsev kawm ntawv theem qis ua qib K-5 thoob plaws rau hauv district no lawm xwb. Yuav tsis muaj tej yam hloov loj rau hauv district qhov SSSC 2.0 no lawm uas yuav tab kaum coob tus tub ntxhais kawm ntawv. Tiam sis, tej zaum tsuas muaj tej yam hloov me me uas yuav tab kaum qee tus tub ntxhais kawm ntawv xwb xws li yuav muab tej qhov khoos kas hauv tej lub tsev kawm ntawv hloov mus rau lwm lub tsev kawm ntawv kom tau chaw zoo qhia rau tub ntxhais kawm ntawv, thiab/los sis hloov cwj ciam av kom pab tau raws li tej suam uas neeg nyob. 5. Puas yuav muaj hloov kev caij npav ntxiv lawm? Tsis muaj lawm. Xyoo ces yog xyoo xaus rau qhov loj uas hloov kev caij npav lawm. Yuav tsis muaj tej yam hloov loj rau kev caij npav rau ntawm peb qhov SSSC 2.0 lawm, tiam sis tej zaud tseem yuav muaj hloov qho me ntsis kom haum rau tib neeg txoj kev noj nyob uas peb tsis tau pom rau yav tom ntej los sis lub xeev tej nyiaj pab cuam ho hloov li cas. 6. Puas yuav muaj hloov caij pib kawm ntawv lawm? Tseem xav lawm hais tias tej zaum yuav pib kawm ntawv lig zog rau hauv tsev kawm ntawv theem siab, vim kev tshawb fawb pom tau hais tias cov hluas tau pw ntau ces lawv kawm tau ntawv zoo zog. Tiam sis, yuav tau xav txog ntau yam zog tso mam li coj mus hais rau cov tsav xwm kev kawm ntawv, uas yuav tshwm sim lig zog rau lub caij nplooj zeeg Yam ntxov kawg los yeej yuav yog xyoo mas mam hloov sij hawm pib kawm ntawv rau cov tsev kawm ntawv theem siab. Yog nej muaj lus nug, hu rau Jacqueline Allen ntawm or 7. Puas yuav muaj khoos kas tshiab xaiv? Yuav nyob kom tau raws li txhua tiam ntawm cov tub ntxhais txoj kev kawm ntawv, peb yuav tau hloov raws li txoj kev ua hauj lwm thiab raws li tsev neeg thiab cov tub ntxhais kawm ntawv txoj kev nyiam. Nco tej nov cia, tej zaud yuav muaj khoos kas tshiab ntxiv rau hauv peb txoj kev kho SSSC 2.0, tiam sis tsis tau paub meej hais tias cov khoos kas no yuav yog dab tsi. 8. Puas yuav muaj khoos kas Pre K ntau zog tuaj? Muaj. Yuav muaj khoos kas PreK ntau zog rau cov tsev neeg xaiv thoob plaws hauv zej zos no, tiam sis tsis tau paub hais tias yuav muaj rau thaum twg thiab qhov twg. SPPS yuav ua hauj lwm nrog cov khoos kas kawm ntawv ntiav PreK kom cov tsev neeg tau kev mus kawm cov khoos kas no thaum me nyuam tseem me. Yog xav paub ntxiv, hu rau Jacqueline Allen ntawm or jacqueline.allen@spps.org. KEV KOOM TES THIAB KAWM NTXIV 8. Thaum twg cov tsav xwm kev kawm ntawv mam li pov ntawv xaiv lub tswv yim no? Twb teem sij hawm rau cov tsav xwm kev kawm ntawv los xaiv lub tswv yim no rau hnub Tuesday, lub Peb Hlis tim 18, 2014 lawm. Saib cov kev qhia ntxiv hauv no: January 22, 2014 Strong Schools, Strong Communities FAQ Saint Paul Public Schools Phone: communications@spps.org Page 4

5 HAUV PAUS TSEV KAWM NTAWV THAM TXOG DEJ NUM THURSDAY, LUB IB HLIS TIM 30, 2014 Ntu sawv ntxov tham rau cov lag luam thiab kwv luag hauv zej zos Ntu tsaus ntuj tham rau cov tsev neeg, tub ntxhais kawm ntawv thiab zej zos Sij hawm: 6:30-8 tsaus ntuj Chaw: Washington Technology Magnet (pom tshooj TV 16 thiab website) KEV THAM DEJ NUM RAU TSEV NEEG/ZEJ ZOS: Hnub Sunday, lub Ob Hlis tim 9; WEBINAR Sij hawm: 5-6 tsaus ntuj Chaw: Webinar- saib online tom qab lub Ob Hlis tim 9 Hnub Thursday, lub Ob Hlis tim 13 Sij hawm: 6:30-8:00 tsaus ntuj Chaw: Como Park High School (Cheeb Tsam E/F; sib tham tim ntsej tim muag; pom tshwm website) Hnub Thursday, lub Ob Hlis tim 27 Sij hawm: 6:30-8:00 tsaus ntuj Chaw: Washington Technology Magnet (Cheeb Tsam C/D; sib tham tim ntsej tim muag; pom tshwm hauv website) Hnub Saturday, lub Peb Hlis tim 8 Sij hawm: 10-11:30 sawv ntxov Chaw: Harding High School (Cheeb Tsam A/B; sib tham tim ntsej tim muag; pom tshwm hauv website) CHAW QHIA TXOG TSEV KAWM NTAWV QIB SIAB: Npaj ua ntej rau kev kawm qib siab Hnub Saturday, lub Ob Hlis tim 22 Sij hawm: 12 teev tav su 3 teev tsaus ntuj Chaw: Johnson High School QHIA RAU COV NEEG UA HAUJ LWM (rau cov ua hauj lwm hauv SPPS xwb): Hnub Thursday, lub Ob Hlis tim 6 nrog tuam thawj tswj Valeria Silva Sij hawm: 7:30-9:00 sawv ntxov Chaw: American Indian Magnet Hnub Friday, Lub Ob Hlis tim 7 Noj sus nrog Michelle Walker, Chief Executive Officer Sij hawm: 12-1:30 tav su Chaw: 345 Plato Hnub Thursday, lub Ob Hlis tim 20 Sij hawm: 4:30-6:00 tsaus ntuj Chaw: Ben Mays Tus hais lus: Jackie Allen, Lwm tswj Npaj tswv yim thiab kev cai policy; Ryan Vernosh, Thawj tswj Npaj tswv yim thiab kev cai policy Hnub Tuesday, lub Ob Hlis tim 25 Sij hawm: 2:30-4:00 tav su dua chaw: Central High School Tus hais lus: Jackie Allen, Lwm tswj Npaj tswv yim thiab kev cai policy; Ryan Vernosh, Thawj tswj January 22, 2014 Strong Schools, Strong Communities FAQ Saint Paul Public Schools Phone: communications@spps.org Page 5

6 -Npaj tswv yim thiab kev cai policy Hnub Tuesday, lub Ob Hlis tim 11 Sij hawm: 7:30-9:00 sawv ntxov Chaw: Groveland Park Elementary Tus hais lus: Jackie Allen, Lwm tswj-npaj tswv yim thiab kev cai policy; Ryan Vernosh, Thawj tswj - Npaj tswv yim thiab kev cai policy ### January 22, 2014 Strong Schools, Strong Communities FAQ Saint Paul Public Schools Phone: communications@spps.org Page 6

Cov Lus Rau Tib Neeg Ua Ntej (People First Language) ntawm Kev Puas Siab Ntsws

Cov Lus Rau Tib Neeg Ua Ntej (People First Language) ntawm Kev Puas Siab Ntsws Saib Tib Neeg Tam Li Yog Neeg Peb txhua tus yeej xav kom sawv daws txais tos peb rau peb tus kheej. Peb cov laj lim tswv yim