SwahiliWeb ELECTRONIC DEPOSITORY AND RESOURCE ARCHIVE.

Transcription

1 SwahiliWeb ELECTRONIC DEPOSITORY AND RESOURCE ARCHIVE Archive: Pat Caplan Document: NEMA meeting (Swahili) File reference: SW/PC/13030 This document has been downloaded from the SwahiliWeb archive on the understanding that it is copyright under the laws of the United Kingdom and the Berne Convention, and that no further copying, storage or distribution, in any form or by any means, including electronically, is permitted except under the provisions of fair dealing. Copyright of all materials deposited with SwahiliWeb remains with the copyright holder. Those seeking copyright and associated permissions will be referred to the copyright holder.

2 Meeting to start NEMA political party, Kanga village 1994 part transcribed by Joseph Bwaithondi 2011 In the early 1990s, it was decided that Tanzania, hitherto a one-party state, should allow other political parties to run in elections. This meeting was convened by people from one of the new parties NEMA in Kanga village in It was recorded and a translation into English made directly from tape (qv). It was transcribed in SPEAKER: Kwa kawaida kwenye mikutano kuna lugha zetu tunaanzia, kwa mfano wakati ule wa TANU au CCM wao walikuwa wakisema kidumu chama cha Mapinduzi Kidumu watu wakiitikia Kidumu. Lakini katika mtiririko wa chama chetu hiki hatufanyi hivyo na sisi tuna sauti yetu. Watu wote nitawafundisha halafu tutaanza. Sasa sijuhi niwafundishe halafu tuanze? Mimi uwa nauliza au naanza NEMA mbele ninyi mtaitikia hivi Daima tutanema NEMA. (Kicheko toka kwa wajumbe) tunapofungua na tunapofunga tunafanya hivyo hivyo sawa? NEMA MBELE DAIMA TUTANEMA NEMA nyie ndio mtaitikia hivyo. Sasa tunaanza NEMA MBELE SPEAKER: Kwa kuanzia baada ya kufungua hiyo hadhara yenyewe tunakuja maana ya NEMA. NEMA ni kifupi cha maneno ya Kiingereza National Alliance For Mass Advancement. Kwa maana yake ni chama cha kuleta maendeleo wananchi kwa kuwa huko kote ni kugumu basi tunakatiza tunaita NEMA. Naona hapa tumeelewana hivi. Viongozi wake:- Viongozi wake sasa hivi ni wa muda mfupi. kutakuwa na Viongozi wake wa kudumu baada ya mzunguko mmoja. Viongozi wake ni Raisi Subira Kawambwa, huyu ndio raisi wake wa muda. Sio muda mrefu muda wake utapita. Halafu kuna kanda. Viongozi walioanzisha hii NEMA Tanzania waliigawanya kwa kanda. Kanda ya mashariki kuna kiongozi wetu Abubakari Malima. Naye ametoa salamu kwa wtu wa Mafya. yeye ni mzima akipata wasaa tu atakuja. Wapo viongozi wengine kama Dr. Dau, Prof. Isengo watu mbalimbali wengine toka Chuo kikuu. Lakini wa muhimi ni hawa wawili nilitaka kuwafahamisheni. Tatu, kuna kitu histori. Nataka kutoa historia fupi nikiwa naendelea na huu utaratibu wangu. Historia ina desturi ya kujirudia, inaweza kufanyika mwaka huu ikakaa halafu ikaja kufanyika mwaka mwingine japo ikipita miaka 20 au 50 au hata 100. Sasa kihistoria wakombozi wa Mafia ni watu wa Bweni na Kange. Mtakumbuka Athumani Waziri ni mtu wa hapa huyu ndio wa kwanza aliyejitolea muhanga kupanda Mashua kwenda kuitafuta TANU ilipo na akaileta kwa njia hii. Wakati wenzetu kule wana Congress na UPP. Historia ile ile inajirudia baada ya miaka 33 au 34 imeanza Bweni vile vile na Kange. Huku kwa wenetu vile vile kuna vyama vya siasa lakini nguvu yake ni ndogo, kwa sababu havuja kaa kikao hata kimoja. Kwa hiyo kaskazini huku kuna historia ya aina yake ambayo inatupeleka kule ili peke yake mie nalifurahia na linaleta fahari. SW/PC/ NEMA meeting (Sw)

3 Baada ya hpo nataka kuwaelezea jinsi mwenendo wa dunia unavyokwenda. Dunia inamwendo wake mwenyewe. Ilitoka kwenye ujima ikaingia kwenye utumwa. Ikatoka kwenye utumwa ikaingia kwenye vita kuu ya kwanza na yapili. Ikatoka katika vita ya 1 na 2 ikaingia kwenye vita baridi. Ikatoa kwenye vita baridi ikaingia kwneye mfumo wa vyama vingi vya siasa. Imetoka hapo sasa wengine tumeshaingia kwenye mazingira lakini kwa kuwa sisi tumekuwa tumechelewa ndio sasa tumeingi a hapa. Lakini nchi zilikuwa zimeendelea zimeshamaliza. uingereza kule wana vyama zaidi ya kimoja kwenye siasa kuna Labour, Lib-democrat na hicho ambach akitaki mabadiliko (conservative). Sasa nchi hii ya Tanzania tunao hiki kitu ni kigeni wakti wenzetu wameshasahau sie tunakiona ni kigeni. sasa kwa nini dunia inakwenda hivi? Dunia hii inakwenda hivi kwa sababu moja ni kumsaidia mtu ambaye maisha yake yapo chini. Lengo lake kuu ni kumuinua mtu hali yake. Kama si mfumo wa dunia kufanya hivi leo tusingekuwa na sauti kufanya hapa. Nakumba huko nyuma baada ya TANu kujitawala hukuthubutu mtu usimame kuongelea chama kingine cha siasa ungewekwa ndani. Lakini dunia ile ile baada ya kuona wanyonge wankandamizwa zaidi wakasema hapana tunafanya hivi. Na kweli chama tawala chcochote kinafuata masharti, kwa maaana tunaishukuru dunia kutusaidia sisi wanayanyonge kwa maana Tanzania tuko wengi. Sasa nakuja kwenye madhumuni ya NEMA. NEMA madhumuni yake makubwa ni kupata wanachama kwanza,kadi tunazo hizi nilichukua kadi 250 nikaona labda zitatosha kati ya vijiji 4 na 5 kumbe nilifanya makosa, zingine nimeziacha Kilindoni. Kilindoni peke yake imechukua kadi karibu 200. Sasa hizi ni kadi zetu tunachotaka na madhumuni yetu kupita sehemu hata sehemu ni kuongeza idadi ya wanachama. Na kila kadi moja ina shilingi 110 ikiwa malipia na ada yake kwa mwaka. Sasa tukishaongeza idadi ya wanachama nini chamwisho? Tukishaongeza idadi kubwa ya wanachama sasa tutakutaka wewe kupiga kura kwa upande wa NEMA. Nia yetu na dhamira yetu ni kuiangusaha CCM kwani imeshindwa imeshindwa kabisa kutuongoza katika nchi hii. Hatutaki kufanya fujo tutakwenda kwa utaratibu tuliopangia. Sasa kuishinda ccm chama tawala tunahitaji sisi wanyonge kuungana kupinga Yule tajiri anachosema. Sasa Kanga mmepata,bweni mmepata, Mlali mmepata sasa nakwenda Jimbo, Balemi. Mbunge wetu anatoka kwenye NEMA katika wilaya ya Mafia hii ndio kusudio letu kubwa. Pili raisi wetu kwenye nchi hii anatoka kwenye NEMA ndio dhamira yetu kwa sasa. Kwa hiyo wazee tukubaliane CCM imetupeleka mahali pabaya. Ubaya mkubwa uliofanywa na CCM ni kuwadanganya wananchi wake. Imetudanganya katika kipindi cha miaka 33, tukipata uhuru kodi inaondoka, elimu bure, tukipata uhuru matibabu bure. Kodi imerudi, elimu sio bure na madawa yanauzwa, bado wananchi tumekaa tu. Miongoni mwenu mmeshakata tama kadi ya CCM hamna na kadi nyinne hamna mmejikalia tu sasa si wakati wa kukaa tena huuwakti si wakukaa kimya. Utakapo kaa kimya CCm huna ya NEMa huna wewe ni mtu utakuwa dhalimu wa nafsi yako. Wakati umefika wananchi wa kuiambia ccm basihatuan uchanga. Wewe miaka 33 bado unasema nchi change bado? Hakuna kitu chochote tulichofanya kwa muda huu wote. Kwa upande wa chama hakuna. Kwa hiyo tunasema CCM imeshindwa na kama imeshindwa iondoke na itaondoka kwa kura kwakadi zenu. Ina mtindo CCM ianimba kwenye vyombo vya habari na vitabu, hili tuendelee nchi hii tunahitaji vitu 4 inasema watu ardhi, siasa safi na uongozi bora ndio tuaendelea. Sasa ardhi Tanzania ipo, watu tupo 27 milioni tumekwama hapa na SW/PC/ NEMA meeting (Sw)

4 siasa safi na uongozi bora. Maana yake CCM kashindwa kututawala. Wananchi wakati umefika tunakuombeni sana mpokee NEMA mneemeke. Si jambo la uoga si jambo la wizi kusema mimi nitachukua kadi usiku mie nitachukua siku nyingine hapana mie kadi yangu ni hii natembea nayo. Tumetumia taratibu zote za serikali kuja hapa ndio maana tunavyombo vya dola hapa. Huyu ni dola katika kata yake ilikuwa vyombo vingine toka wilayani vifike lakinibahati mbaya vimekwama na usafiri nadhani safari nyingine vitakuwa vimefika. Maana hiki kikao ni cha kwanza hata kule wilayani wanadhani hawafanyi kitu kule kumbe tumekwisha anza. Taarifa zitakazo toka huku baada ya kikao hiki, tukija wakati mwingine nao watakuja. Sasa hivi ulimi CCM watatoa manake wataona kuna kazi. Kwa hiyo tunachokuombenimuiunge mkono NEMA. Bwenu mmepata Makada kuna vijana nimewachia 2 wanaendlea maana watu walinizunguka ikanibidi niacha kadi pale na niache na vijana na hapa Inshala naamini endapo mtanipokea nyingine naziacha hapa hapa. Nikifika kilindoni nitafanya mawasilianao na makada wangu na mimi mwenyewe nitakuwa nakuja mara kwa mara kuwasilaana. Wananchi sasa wakati umefika msingoje tu rehema kutoka Mbinguni iteremke. Hapana kwanza mjikaze nyie wenyewe mkibebwa mshike mbeleko. Kutakuwa na maswali baada ya hapa na mtapewa nafasi. Sera yako nini ndio CCM itawauliza. Maswali hayo nitaanza kuyajibu. Tunaema kama alivyosema yesu, ya kwamba nimekuja kuziendeleza amri za Musa na si kwamba kuzifuta. CCM kakwamba katika matibabu, elimu alipokwama katika kodi. Tumekuja kufuta kodi. Tumekua kuleta Elimu bure, hapa hapa Mafia Kilindoni watu wanshindwa kusoma. Miongoni mwenu mmeshashinda kuwasomesha watoto wenu kule. Kodi tunalipishwa kila siku. Mtoto shuleni anachangishwa mashuleni kila kukichwa. Wilaya hii ndio haijalipishwa matibabu ya hospitali, wilaya nyingine watu wamekufa dripu za kjongeza maji zipo ofisini na kaani yupo lakini mtu hana fedha ya kuinunua. Wameshakufa watu matumbo ya kuarisha kwa sababu hawana pesa Tanzania hii. Kwa hiyo mkisikia nyoka mwe msimuache apite shika kigongo. Manake akimaliza kule atakuja na huku. Haiwezakekani dawa ikauzwa hospitali ya Kilindoni hapa ikatolewa bure. CCM kazi yake kudanganya watu kuwa inauzwa Wilayani na huku msiwe na wasiwasi. Iuzwe wilayani hapa hisiuzwe haya maneno kweli yanaingia kwenye akili ya mtu? Ndio wanaanza kidogo kidogo kuingia huku vijijini. Kesho na kesho kutwa mtaanza kununua madawa. Kwa hiyo ili hatulikubali kwa vitendo. Chukueni kadi tukomeshe habari hizi. Kama hajachukua kadi zenu mmetukwamisha. Mmekwama nyinyi na sisi. Kinachofanya CCM hatukioni. Juzijuzi tulichangishwa pesa za kununua gari ya wagonjwa. Pesa hakuna nahakuna gari na kuna maelezo. Sasa hivi mwenyekiti wa wilaya hata posho hapewi na anakwenda kazini kwa miguu. Sasa ndugu zangu tumesema basi. Na kusema basi kwa kuchuka kadi na sio kwa kukaa kimya. Tumeichoka CCM tukueni kadi na sio kusema kimya kumya toeni shilingi 110 mchukue kadi na suku ya uchaguzi tunawaondosha. Asantenti kwa kumaliza nakaribisha maswahili. Ninaweka maneno yetu yale yale, NEMA mbele mnaitikia vile vile daima tutanema NEMA. SW/PC/ NEMA meeting (Sw)

5 Mtu2: Sasa viongozi waliopo itakuwaje? SPEAKER: Nilichosema chama kitatoa wagombea Ubunge na urahisi. Kwa mfano kma CCM itamtoa Kimbau kama mgombea ubunge sie yaye tutato mtu wetu wa kushindana na wa CCM na lazima ashinde. Na katika urahisi ni hivyo hivyo. Kama vyama vingine vitatoa wagombea basin a sisi tutatoa pia na atashinda. Mtu3: Kwanza nashukuru. Katika uliyeyaongelea ni mazuri kwanza kuhusu kodi kwa kweli imekuwa kali sana. Pili kuhusu dawa kama dawa inauzwa wilayani hata huku itafika kuuzwa tu kama NEMA hatashinda hii hali lazima itafika tu. Ni hivyo kama kuitia motisha hii NEMA Mtu4: Katibu mie nina ridhaa na maulizo kidogo. Leo mimi nimekaa bahari na chombo kidogo na misukosuko, lakini huku nilipotoka nikinoa nanga nakwenda kwengine. Ikiwa ninavyotaka hii NEMA kwa maneno yake Mazuri ya ufasaha kabisa. Kwa hiyo tuambia mema na sio tu kwamba nikinoa nagnga tu hapa kwenda huko nikakumbana na dhuruba nyingine. Na chombo kupausuka. Sasa kidogo ungezungumzia taratibu angalau tuzijue. SPEAKER: Taratibu kwa mtu kashaumwa na nyoka akiona unyasi anashituka. Mie nimeshaumwa na nyoka kwa miaka 33 sasa. Hakuna chochote nilichopata. Nimepiga kura mara 7 bial kupata maendeleo yoyote yale. Mpeni NEMA kipindi kimoja na mtaona mabadiliko. Mwenyekiti wa nyumba kumi atalipwa mshahara na sio kama wa CCM. Eti afanye kazi halafu akatafute shughuli zake nyingine. kama mtu haumlipi manake nini? Wakishafika watu 200 hapa Kanga mna haki ya kufungua Tawi. Mwenyekiti wetu mtamuona hapa hapa. Mtu5: NEMA ikafaulu kwetu jema na hisipofaulu sisi itakuwaje? Manke hii ndio siasa SPEAKER: NEMA haishindi kwa mabavu itashinda kwa kura. Demokrasi manake usawa na usawa manake ni uadilifu. Tutaishinda CCM kwa usawa wala hakuna mgogoro. Tukishindwa tutajipangwa kwa kipindi kingine na sio kwamba NEMA ndio itakuwa imekufa. Lakini nachosema NEMA haitashindwa, ila kwa kuwa umekuwa na wasiwasi tukishindwa tutaendlea na shuhuli zetu kama kawaida. Mtu6: Sasa nimesikia hivi vyam vingi wale wanao hama CCM wanachomewa nyumba zao sasa itakuwaje? SPEAKER: Wasi wasi ondoa. Serikali yetu inafanya kazi vizuri na ipo imara na wasi wasi huo indoa. NEMA wapo tofauti na CUF lengo letu ni kukiondoa chama tawala kwa hiyo wasiwasi huo ondoa. Mtu7: Je matatizo tuliokuwa nayo mtatuondolea SPEAKER: Nadhani wewe ni mswahili na maana ya neno NEMA unalielewa. Tunataka kuwaondolea matatizo mliyokuwa nayo. Tunachotaka mtuunge mkono tu tumalize kazi mnatuchelewesha. SW/PC/ NEMA meeting (Sw)

6 Watu wanacheka. SPEAKER: Kadi zipo imeandikwa NEMA na chini kuna ngano na vigogo vinashikana. Hata kama haujui kusoma wewe utelewa tu. Mtu8: Na chama hiki kimezaliwa lini SPEAKER:mwezi wa tano SW/PC/ NEMA meeting (Sw)