ang Tigmantala sa Vol. 57 No. 6

Transcription

1 ang Tigmantala sa Vol. 57 No. 6 Semana sa Pag-ampo, Decembre 2 11, 2016

2 Tigmantala sa REFORMASYON ang Volume 57 Number 6 Niini nga Gula Enoc Ang Tawong Naglakaw Uban sa Dios Biyernes, Desyembre 2, 2016 Abraham Ang Amahan sa Matinud-anon Sabado, Desyembre 3, 2016 Jose Ang Matinud-anon nga Batan-on Dominggo, Desyembre 4, 2016 Moises Ang Maayo ug Lumo nga Pangulo Miyerkules, Desyembre 7, 2016 Elias Ang Propeta sa Pagpasig-uli Biernes, Desyembre 9, 2016 Daniel Ang Higanti sa Katarung ug sa Pangutok Sabado, Desyembre 10, 2016 Nagkinabuhi sa Madaugon nga Kinabuhi Dominggo, Desyembre 11, 2016 Madaugong Kinabuhi Balak Opisyal nga pinatik sa Iglesia nga Seventh Day Adventist Reform Movement Ang katuigan nga atong ginapuy-an nagatawag sa marepormahong kalihukan. Testimonies vol. 4, p. 488 Editor Assistant to the Editor Layout and Design D. P. Silva B. Montrose H. Melnychuk Web: info@sdarm.org MADAUGONG KINABUHI Lain na usab nga tuig ang hapit na matapus. Sa paghunahuna niini, dili ba kita muhunong aron ipalanog ang mga pulong sa dinasig nga tawo nga suno sa kasingkasing sa Dios: Imo, Oh Jehova, ang pagkadaku, ug ang gahum, ug ang himaya, ug ang pagdaug, ug ang pagkahalangdon Oh Pag-awit alang kang Jehova og usa ka bag-ong alawiton; Kay nagabuhat Siya og kahibulongang mga butang: Ang Iyang toong kamot, ug ang Iyang balaan nga bukton, nakabuhat og kaluwasan alang Kaniya. (1 Cronicas 29:11; Salmo 98:1). Tingale kita adunay mga pag-uswag ug mga pagka-us os niining tuiga walay ganahan sa kapakyasan o pagkabalo. Busa unsa may yawe sa kadaugan? Si Jesu-Cristo sa kinabuhi, nagabuhat pinaagi sa Balaang Espiritu sa ingon nga kita sa kinatibuk-an mopailalum Kaniya ug sa ingon makabaton sa kusog sa pagtuman sa Iyang mga pagpanudlo, pagsunod sa napadayag nga kabubut'on Niya. Ang katapusan sa tuig maoy usa ka maayong higayon sa pagpasalamat sa Dios tungod sa Iyang malumo, maloloy-ong pag-atiman sa matag-usa kanato. Kini usab naghatag sa tukmang higayon alang sa usa ka espirituhanong pagsusi sa kaugalingon. Kita ba nagasalig kang Jesus, nagatotok Kaniya kanunay, nagadaug sa mga depekto sa atong kinaiya pinaagi sa gahum sa Iyang giula nga dugo alang sa pagpangandam sa pagsira sa kaluwasan? Kini nga mga basahon sa Semana sa Pag-ampo niining tuiga gidesinyo aron sa paghatag kanato og tabang diha sa saktong padulngan. Magma-inampoon kita sa pagpamalandong sa topico sa madaugong pagkinabuhi pinaagi ni Cristo ug ipahat usab ang mga basahon ngadto sa uban kinsa tingale nahalayo o nagapus diha sa puloy-anan, magatimaan sa hunahuna niining mga mosunod nga petsa: Pag-ampo ug pagpuasa: Sabado, Decembre 10 Halad alang sa mga misyon: Dominggo, Decembre 11 Kini maoy among pag-ampo nga ang Ginoo magahimo natong magakalipay dili lamang sa teyorya apan hinoon makahimo sa pagsugid uban sa tibuok, matinud anong pagsalig, Apan salamat sa Dios nga nagahatag kanato sa pagdaug pinaagi sa atong Ginoong Jesucristo, ug kini mao ang pagdaug nga midaug sa kalibutan, nga mao ang atong pagtoo (1 Corinto 15:57; 1 Juan 5:4). ANG REFORMATION HERALD (ISSN ) nagapadayag sa mga artikulo sa doktrina sa Biblia nga mopalambo sa spirituhanong kinabuhi niadtong nagapangita nga madungagan ang kahibalo mahitungod sa Dios. Kini ginapatik ka usa sa duha ka bulan sa Seventh Day Adventist Reform Movement General Conference, P.O. Box 7240, Roanoke, VA , U.S.A. Gipatik ug giapud-apud sa Reformation Herald Publishing Association. Sulat-tampo, pangutana, kausaban sa address, magdawat, bayad, ug donasyon kinahanglan ipadala sa address nga: Periodical postage paid at Roanoke, Virginia Subscription rates: United States U.S. $16.95 Foreign (air mail) U.S. $30.00 Single issue U.S. $ 4.50 POSTMASTER: Send address changes to The Reformation Herald, P. O. Box 7240, ROANOKE, VA Vol. 57, No. 6; Copyright 2016 November-December issue. Ilustrasyon: Sermon View on the front cover and on pp. 3, 4, 7, 8, 12, 15, 16, 20, 24, 28, 31, 32; Adventist Digital Media on pp. 11, 19; picture by Giovanni Francesco Barbieri on p. 22; picture by Briton Reviere on p. 27.

3 mga MANANAUG Diha sa Pinadayag kapitulo 2 ug 3, atong makaplagan ang pito ka mga saad alang sa mga mananaug diha sa pito ka mga nagkalainlaing peryudo sa iglesia sa Dios: 1. Alagianan ngadto sa kahoy sa kinabuhi. 2. Kagawasan gikan sa ikaduhang kamatayon. 3. Makakaon sa tinaguang mana ug usa ka puting bato uban sa bag-ong ngalan ni Jesus. 4. Gahum ibabaw sa kanasuran; ang Kabugason, nga si Cristo mismo (ang tinubos makatagamtam sa pribilehiyo sa walay katapusang presensya ni Cristo). 5. Puting bisti, nga mao ang pagkamatarung ni Cristo, ug ang ilang ngalan sa dayon nahasulat sa basahon sa ki-nabuhi sa Cordero. 6. Mahimong mga haligi diha sa templo sa Dios ang linuwas mopadan-ag sa kinaiya sa Dios sa walay katapusan. 7. Sila makalingkod uban ni Cristo diha sa Iyang trono. Kamo ba nalipay niini nga mga saad? Sigurado nalipay gyud ka, ako usab. Atong ibutang sa hunahuna nga ang Dios matinudanon sa pagtuman sa Iyang mga saad, hangtud nga kita, pinaagi sa Iyang gracia, motuman sa kondisyon nga mahimong mga mananaug. Sukad ang atong unang ginikanan nahulog sa sala, ang tawohanon nahimong luya sa moral nga gahum ug dili makahimo sa pagbuntog sa dautan sa ilang kaugalingong kusog. Bisan pa niana, sa maong adlaw nga si Adam ug Eva nakaang Tigmantala sa Reformasyon, Vol. 57, No. 6 sala, ang Ginoo nagpresentar kanila sa bitoon sa paglaum sa diha nga Siya misaad nga Siya mobuntog ni Satanas ug magasamad sa ulo sa dakung kaaway. Atong gikalipay ang panalangin sa paghibalo sa mga kinabuhing madaugon sa mga tawo sa Dios gikan sa pinakasinugdanan sa kasaysayan sa Biblia: Adam, Seth, Enoc, Methusela, Noe, Abraham, Isaac, Jacob, Sara, Jochebed, Hanna, Ruth, Abigail, Debora, Rahab, Gideon, Barak, Samson, ug usa ka dakung lista sa uban pang mga bayani nga makaplagan sa Balaang Kasulatan. Sa diha nga atong tun-an pag-ayo ang mga kinabuhi niining mga tawohana, kita kanunay makakita og mga seryusong depekto sa kinaiya diin sila nahimong mga madaugon pinaagi sa pagtoo. Ingon nga kamatuoran, diha sa lista sa basahon sa Hebreohanon, ang pulong Pinaagi sa pagtoo nagauna sa kada ngalan. Maoy maayo kon kita mogahin og panahon sa pagtoon sa kinabuhi niining tanan nga mga bayani. Kita mahimong makadaug sa atong mga depekto sa samang paagi pinaagi sa pagtoo diha sa Cordero sa Dios kinsa nagakuha sa sala sa kalibutan. Aduna tay mao sa gihapon nga maloloy-ong Dios, sama nga gracia, samang langitnong ahensya nga haduol. Sila labaw pa sa andam sa pagtabang kanato bisan unsang higayon nga kita mohangyo sa atong gamhanang Manunubos ug Ginoo. Nag-antus ba kita g pagkapildi sa atong mga pakigbugno sa pagdaug? Kadtong mga bayani napildi sab. Hinuon ang ilang katapusang pagdaug maoy usa ka garantiya nga kita, usab, makahimo sa pagdaug. Karon nga Semana sa Pag-ampo atong susihon pag-ayo ang mga kinabuhi sa pipila ka mga bayani nga gihisgutan sa Biblia. Kini maoy usa ka mapuslanon kaayo nga pagtoon, apan, labaw pa niana, kita malipay sa samang kadaugan ingon sa ilang natagamtaman, maingon nga kita magadawat sa samang gracia nga ilang nadawat. Oo, kita makahimo sa pagdaug uban sa atong Ginoong Jesu-Cristo. Siguroha kana. Ang Dios magapanalangin. R 3

4 Ang Tawo nga Naglakaw Uban sa Dios Biyernes, December 2, 2016 Kinutlo gikan sa mga sinulat ni E.G. White Ang kahimtang sa atong kalibutan Ang kalibutan hilabihan, mga syudad nahimong nataran sa visyo. Sa bisan diin mga talan-awon ug mga honi sa kadautan. Bisan asa mga pangdani sa pagpatuyang ug pag-usik usik. Ang baha sa kadunotan ug krimin sa kanunay midaku. Matag adlaw nagdala sa lista sa pagpamugos panulis, pagbuno, hikog, ug mga krimin nga di na mahinganlan. Ang kinabuhi sa mga syudad mga bakak ug paka-aron-ingnon. Ang hilabihan nga kainit alang sa pagbaton og kwarta, ang alimpulos sa kaukyab ug pagpangita sa kalipayan, ang kauhaw alang sa pasundayag, ang kaluho ug pagusik usik, ang tanang kusog, uban sa kinabag an sa tawo, nagpaliso gikan sa matuod nga tumong sa kinabuhi. Sila nagaabli sa pultahan alang sa usa ka libo ka mga kadautan. Ibabaw sa mga batan-on sila 4 adunay halos dili masuklan nga gahum. Usa sa pinakamalimbungon ug delikado nga mga tentasyon nga mohasmag sa mga kabataan ug batan-on diha sa mga syudad mao ang gugma sa kalingawan. Mga kasaulogan daghan; mga dula... Nagdani sa mga linibo, ug ang alimpulos sa kaukyab ug kalipayan nagdani kanila palayo gikan sa ugdang nga mga katungda-nan sa kinabuhi. Kwarta nga angay untang tipigan alang sa maayong kagamitan gigasto alang sa mga kahilayan. Pinaagi sa kalihokan sa mga pautang, ug ang mga resulta sa labor unions ug mga wilga, ang mga kahimtang sa kinabuhi sa syudad nagapadayon nga nagakalisod ugmas nagakalisod. Ang seryuso nga kasamok naa sa atubangan nato.1 Karon, ang tanang matang sa krimin ginahimo aron sa pagbaton og kwarta. Kadalo, limbong, pangawat, ug pag ula sa dugo nagahimo niini nga kalibutan nga usa ka tinuod gayud Sodoma, ug ang iyang mga pomoluyo ingon sa mga pomoluyo sa wala pa ang lunop. Sa kahakog alang kabtangan, ang balaod sa Dios gilapas.2 Ang doktrina nga ang mga tawo gipagawas gikan sa pagtuman sa mga gikinahanglan sa Dios nagpaluya sa moral nga kusog sa pagsunod, ug nag-abli sa baha sa kasal anan diha sa kalibutan. Ang Tigmantala sa Reformasyon, Vol. 57, No. 6

5 Pagkamasupilon, pagpa-tuyang, ug kadunotan mihampak dinhi nato ingon sa hilabihan ka daku nga balud. Sa pamilya, si Satanas nagabuhat. Ang Iyang bandila nagakapay-kapay, bisan sa naga-angkon nga Cristohanong puloy-anan. Adunay kasina, dautang katahap, pagpaka-aroningnon; pag-iya iyahay, indig-indigay, kasamok, pagluib sa balaang piniyal, pagpatuyang sa pangibug. Ang tibuok sistema sa mga relihiyosong prinsipyo ug mga doktrina, nga unta magaporma nga patukuranan ug dugukan sa kinabuhi, daw ingon sa usa ka huyang nga dapat nga andam mahugno ug mabungkag. Ang pinaka-ngil ad nga mga kriminal, sa diha nga mabanlod sa priso-han tungod sa ilang mga sala, kasagaran gihimong magdadawat sa mga gasa ug pagtagad, ingon nga daw sila nakakab-ut sa usa ka tilinguhaon nga katakus. Ang kinadak ang pagpasikat gihatag ngadto sa ilang kinaiya ug mga krimin. Ang mga pamantalaan nagpatik sa makahahadlok nga mga detalye sa kadautan, sa ingon naga-aghat sa uban ngadto sa pagbuhat sa limbong, pagpangawat, ug pagbuno; ug si Satanas natuboy sa kalampusan sa iyang hilabihan ka ngil ad nga mga pamaagi. Ang gana sa visyo, ang walay kalooy nga pagpatay, ang teribling pag-uswag sa pagpatuyang ug kasal anan sa tanang matang ug sukod, kinahanglan mopukaw sa tanan kinsa nahadlok sa Dios sa pag-pangutana unsay buhaton aron sa pagsanta sa balud sa kadautan. 3 Ang mga tawo sa kalibutan ambisyuso sa dungog. Sila nangandoy sa mga balay ug mga yuta ug daghang kwarta, aron sila mahimong daku sumala sa sukod sa kalibutan. Maoy kahabugon sa ilang ambisyon nga maabut ang usa ka dapit diin sila makatan aw sa ubos uban sa pagbati sa ilang kalabaw sa mga kabus. Kining mga tawohana nagtukod ibabaw sa balas, ug ang ilang balay sa madali malumpag. Ang kalabaw sa kahimtang dili matuod nga kadaku. Kanang dili makapalambo sa bili sa kalag walay tinuod nga bili sa iyang kaugalingon mismo. 4 Sa unsa nga kini mapadayag bisan diha sa mga iglesia? Tungod sa espirituhanong garbo, tinguha sa pagdektar, ambisyosong pangandoy sa dungog o katungdanan, kakulang sa pagpugong sa kaugalingon, pinaagi sa pag-patuyang sa pagbati o pagayad, tungod sa kahuyang o kakulang sa paghukom, ang iglesia mahimong masamok ug ang iyang kalinaw masakripisyo. Mga kasamok kanunay namugna tungod sa mga tabian, kinsa maghunghong og mga pasumbingay ug sugyot nga mohilo sa wala magtahap nga mga hunahuna ug magbulag sa suud kaayo nga mga higala. Mga hilab-tanon ginasegundahan sa ilang dautang buhat sa daghan kinsa nagtindog uban sa bukas nga mga dalunggan ug dautan nga kasingkasing, magaingon: Itaho... ug among itaho kini. 5 Ang kaaway mosulod ug mosulay sa pagdani sa atong mga hunahuna palayo gikan sa mahinungdanong bulohaton nga angayng himoon karon. Siya maninguha nga kita malambigit sa mga ginagmayng butang, magpahunahuna kanato nga maoy atong katungod ang pagpanaway ug paghukom sa uban; apan ang atong bulohaton mao ang pag-atiman nga matinud-anon sa atong kaugalingong kalag. Kinahanglan atong susihon ang atong mga kasingkasing ug tan awon kon kita ba sakto sa panan aw sa Dios. Si Pedro nangutana kang Cristo mahitungod kang Juan, "Ginoo, siya diay, maunsa man? "Apan ang Ginoo mitubag kaniya, Unsa may labut nimo? Sumonud ka Kanako. Ang matag usa kanato adunay bulohaton alang sa atong kaugalingon, ug samtang kita nagapanaway sa uban, atong gisalikway ang pinaka-importante sa tanang bulohaton. 6 Sa mga tinuig ang akong kalag naguol pag ayo ingon nga ang Dios nagpakita kanako sa mga iglesia nga kulang ni Jesus ug sa Iyang gugma. Adunay usa ka espiritu sa pagsalig-sa-kaugalingon ug usa ka kinaiya nga matinguhaon alang sa katungdanan ug kalabaw. Akong nakita nga ang paghimaya sa kaugalingon nahimong kasagaran diha sa mga Seventh-day Adventists ug gawas kun ang garbo sa tawo ipaubos ug si Cristo ituboy kita, ingon nga katawohan, dili takus sa pagdawat ni Cristo sa Iyang ikaduhang pag-anhi maingon sa mga Judio sa unang pag-anhi. 7 Unsaon nato paglikay ang naglabi nga panghunahuna? Sa mga kalahian nga kinahanglan magpaila sa katawohan sa Dios gikan sa kalibutan mao ang ilang kamapaubsanon. Kanang tawohana kinaduolan sa Dios ug kinalabwan nga ginapasidunggan niya, kinsa kinadyutayan sa pagpatagad ug sa kinaugalingong pagkamatarung, kinagamyan sa pag-ila ug pagsalig sa kaugalingon, kinsa nagaagad sa Dios diha sa mapaubsanon masaligong pagtoo. Imbis ambisyuso nga matupong sa uban sa dungog ug katungdanan, o tingale mas molabaw, kita kinahanglan maninguha nga maubos, matinud anong ulipon ni Cristo.... Diha sa gugma sa kaugalingon, pagpataas sa kaugalingon, adunay dakung kahuyang; apan diha sa pagpaubos adunay dakung kusog. Ang garbo ug ang pagpatagad, kun itandi sa kaaghop ug pagpaubos, kahuyang lang gyud. Ang kalumo sa atong Manunubos, ang Iyang yano, walay pagpaka-aron-ingnon nga mga gawi, ang naghimo Niyang usa ka mananaug sa mga kasingkasing. Apan diha sa atong pagkabulag gikan sa Dios, diha sa atong garbo ug kangitngit, kanunay ta nga maningkamot nga matuboy ang atong kaugalingon, nakalimot nga ang kamapaubsanon sa hunahuna maoy gahum. 8 Si Enoc usa ka panig-ingnan alang kanato karon Si Enoc mao ang unang propeta diha sa mga tawo. Iyang gitagna ang ikaduhang pag-anhi ni Cristo sa kalibutan, ug ang iyang buhat nianang panahona. Ang iyang kinabuhi usa ka sanglitanan sa nagakaigo nga pagka-cristohanon. Ang balaang mga ngabil lang ang magsulti sa mga pulong sa Dios sa pagsaway ug sa mga paghukom. Ang iyang mga tagna dili makaplagan sa mga sinulat sa Daang Tugon. Kita mahi-mong dili makakita og bisan unsang basahon nga naghisgut sa mga buhat ni Enoc, apan si Judas, ang propeta sa Dios, naghisgut sa buhat ni Enoc. 9 Kadtong kinsa nagtahud sa Ginoo nagapangita niining balaang tawo, aron moambit sa iyang mga pahimangno ug mga pag-ampo. Si Enoc usab nagbuhat diha sa publico, nagadala sa mga mensahe sa Dios alang sa tanan kinsa mamati sa mga pulong sa pasidaan. Ang iyang mga buhat wala lang gihatag sa mga Sethanon. Sa yuta diin si Cain mikalagiw gikan sa langitnong Presensya, ang propeta sa Dios nagpahibalo sa matahum nga talan awon sa iyang panan-awon. Tan awa, siya namahayag, miabut ang Ginoo uban sa napulo ka mga linibo sa Iyang mga balaan, sa paghukom sa tanan, ug sa pagpaila sa tanang mga dili diosnon sa tanan nilang mga buhat sa paagi nga dili-diosnon nga ilang gibuhat sa pagkadili-diosnon (Judas 14, 15). Siya walay kahadlok nga tigbadlong sa sala. Samtang siya nagwali sa gugma sa Dios diha kang Cristo ngadto sa katawohan sa iyang panahon ug nagahangyo kanila nga motalikod sa ilang dautang mga dalan, siya nagbadlong sa nagalabaw nga kasal anan ug nagpasidaan sa mga tawo Ang Tigmantala sa Reformasyon, Vol. 57, No. 6 5

6 sa iyang kaliwatan nga ang paghukom siguro nga moabut sa mga maglalapas. Ang Espiritu ni Cristo mao ang nagsulti pinaagi ni Enoc; ang maong Espiritu napadayag, dili lamang sa pulong sa gugma, kalooy, ug paghangyo; dili mga lukmay lang nga mga butang ang ginasulti sa mga balaang tawo. Ang Dios magbutang sa kasingkasing sa Iyang mga mensahero sa mga kamatuoran nga isulti nga mahait ug magputol ingon sa espada nga duhay sulab. Ang gahum sa Dios nga nagpalihok sa Iyang ulipon nabatian sa mga nakadungog. Ang uban mitagad sa pasidaan ug mitalikod sa ilang mga sala; apan ang mga panon nagtamay sa solemni nga mensahe ug milakaw sa pagbuhat nga mas maisugon sa ilang dautang dalan. Ang mga ulipon sa Dios magadala sa samang men-sahe ngadto sa kalibutan niining katapusang mga adlaw, ug kini usab dili toohan ug pagatamayon. Ang mga katawohan sa wala pa ang lunop misalikway sa mga pasidaan kaniya kinsa naglakaw uban sa Dios. Busa mao usab sa katapusang kaliwatan maga-baliwala sa mga pasidaan sa mga mensahero sa Dios. 10 [Si Enoc] usab nakakita sa dunot nga kahimtang sa kalibutan sa higayon nga si Cristo mopadayag sa ikaduha nga adunay hambugiro, mapangahason, gahig-ulo nga kaliwatan nagkahugpong sa pagsukol batok sa balaod sa Dios, nagalimod sa bugtong Ginoong Dios ug sa atong Ginoong Jesu- Cristo, nagyatak sa Iyang dugo, ug nagsalikway sa Iyang pagtabon. Iyang nakita ang matarung gikoronahan uban sa himaya ug dungog, samtang ang mga dautan gibulag gikan sa presensya sa Ginoo, ug giut-ut sa kalayo. 11 Sa kahimtang ni Enoc, ang naluya nga matinud anon gitudloan nga samtang nagpuyo taliwala sa dunot ug makasasala nga katawohan, kinsa dayag ug mapanga-hason sa pagsukol sa ilang Magbubuhat, kon sila buut motuman Kaniya ug adunay pagtoo diha sa gisaad nga Manunubos, sila magabuhat sa pagkamatarung sama ni matinudanong Enoc, pagadawaton sa Dios, ug sa katapusan ibayaw ngadto sa Iyang langitnong trono. Si Enoc, nagbulag sa iyang kaugali-ngon gikan sa kalibutan, ug naggugol og daghan sa iyang panahon sa pag-ampo ug diha sa pagpakighinabi sa Dios, nagarepresentar sa mga maunongong katawohan niining katapusang mga adlaw kinsa mahimong bulag gikan sa kalibutan. Ang pagkadautan molabaw ngadto sa makahahadlok nga kahimtang ibabaw sa yuta. Mga tawo motugyan sa ilang mga kaugali-ngon ngadto sa pagsunod sa tanang gihanduraw sa dunot nilang kasingkasing, ug magdala sa ilang malimbungong katarungan, ug mosukol batok sa pagbulut an sa Langit. Ang katawohan sa Dios magpahimulag sa ilang kaugalingon gikan sa dili matarung mga buhat niadtong nagpalibut kanila, ug mangita sa kaputli sa hunahuna, ug balaang pagpahiuyon sa Iyang kabubut on, hangtud ang Iyang langitnong dagway mapadayag diha kanila. Sama ni Enoc, sila mahaum alang sa paglalin ngadto sa Langit. Samtang sila nagtinguha sa pagtudlo ug pagpasidaan sa kalibutan, sila dili mopahiuyon sa gawi ug mga pamatasan sa mga dili magtotoo, apan magakondena kanila pinaagi sa ilang balaang pagsulti ug diosnong ehemplo. Ang paglalin ni Enoc sa Langit sa wala pa ang paglaglag sa kalibutan pinaagi sa lunop, nagrepresentar sa paglalin sa tanang buhing matarung gikan sa yuta sa dili pa kini laglagon sa kalayo. Ang mga balaan pagahimayaon sa atubangan niadtong kinsa nagdumot kanila tungod sa ilang maunongong pagtuman sa matarung nga kasugoan sa Dios. 12 Si Enoc usa ka balaang tawo. Iyang gialagaran ang Dios uban sa bug os nga kasingkasing. Iyang nasabtan ang kadunotan sa tawohanong pamilya ug gibulag ang iyang kaugalingon gikan sa mga kaliwat ni Cain ug nagbadlong kanila tungod sa ilang dakung kadautan. Adunay mga niila sa Dios dinhi sa yuta, kinsa mitahud ug misimba Kaniya. Apan si Enoc nga matarung sa hilabihan nasakit sa nagauswag nga kadautan sa dili diosnon, nga dili na buut nga makigsagol kanila kada adlaw, nahadlok nga siya matakdan sa ilang ka walay pagtoo ug nga ang iyang hunahuna dili na unya makatagad sa Dios uban sa balaang pagtahud nga angay sa Iyang tinuboy nga kinaiya. Ang iyang kalag nasamok kada adlaw nga iyang makita ang ilang pagyatak sa pagbulot an sa Dios. Iyang gituyo ang pagbulag gikan kanila, ug mogahin sa iyang panahon sa pag-inusara, nga iyang gigugol sa pagpamalandong ug pag-ampo. Siya naghulat atubangan sa Dios ug nag ampo aron sa mas tin aw mahibalo sa Iyang kabubut on, aron iyang himoon kini. 13 Magasulti sa uban sa pagbalik ni Cristo Bisan diin adunay tendensya nga i-ilis ang buhat sa mga organisasyon alang sa tinagsa-tagsang pagbuhat. Tawohanong kaalam mokiling sa paghugpong, ngadto sa paghimog sentro, ngadto sa pagtukod og dagkung mga simbahan ug mga tinukod. Mga panon mitugyan ngadto sa mga tinukod ug mga organisasyon sa buhat sa pagtabang; ilang gilingkawas ang ilang kaugalingon gikan sa pagpakigsulti sa kalibutan, ug ang ilang mga kasingkasing nagkabugnaw. Sila nahimong tugob-sa- kaugalingon, ug dili mahinuklog. Ang gugma sa Dios ug sa tawo namatay diha sa kalag. Si Cristo nagtugyan ngadto sa iyang mga somusunod sa usa ka tinagsa-tagsang buhat usa ka buhat nga dili mahimong pulihan. Pag-atiman sa masakiton ug sa mga kabus, ang paghatag sa evangelyo ngadto sa nawala, kini dili kinahanglan itugyan ngadto sa mga committee o sa naorganisar nga tighatag. Ang tinagsa nga responsibilidad, tinagsa nga pagbuhat, personal nga sakripisyo, mao ang gikinahanglan sa evangelyo. 14 Kada adlaw kinahanglan kita makigbugno sa maayong pakigbugno sa pagtoo. Kada adlaw ang Dios maghatag kanato sa atong bulohaton; ug bisan dili nato makita sa katapusan gikan sa sinugdanan, atong susihon ang atong mga kaugalingon kada adlaw sa pagsuta kon kita ba anaa sa dalan sa pagkamatarung. Maningkamot ta nga makadaug, magatotok ni Jesus; kay sa tanang tentasyon Siya anaa sa atong kiliran sa paghatag kanato og kadaugan. Kada adlaw nga moabut isipon nga mao ang atong katapusang adlaw diin kita makahimo sa pagbuhat alang sa Dios, ug ang daghan niana kinahanglan igahin sa pag-ampo aron kita makabuhat diha sa kusog ni Cristo. Mao kini ang paagi nga si Enoc naglakaw uban sa Dios, nagapasidaan ug nagakondena sa kalibutan pinaagi sa pagpakita kanila sa usa ka matarung nga kinaiya. Kita nagaangkon nga mitoo nga si Cristo sa madali moanhi sa kalibutan, ug ang usa ka solemni nga responsibilidad natungtong kanato; kay ang nawala nga kalibutan kinahanglan pasidan an sa hinanali nga paghukom. Dili nato ibutang ang atong responsibilidad; atong pas anon ang lulan sa buhat. Ang kaugalingon ipalayo sa panan aw, ug si Cristo kinahanglan makita; ingon nga matinud anon, masinulondong mga anak, atong sundon ang kahayag, ug ipadan ag ang hamiling bidlisiw ngadto sa uban... O, kun kita unta makaamgo unsa ka intresado ang tibuok langit sa kaluwasan sa kalibutan, kina -hanglan mamangon ta uban ang balaang kadasig nga mahimong somusonud ni Jesus.... Ang mga somusonud ni Cristo ang may kapangakuhan sa pagpasidaan sa kalibutan. Giunsa nato ang pagbuhat kining solemning buhat nga gitugyan kanato? Kinahanglan kita magpaubos sa atong kaugalingon atubangan sa Dios ug dili magsunod sa mga ideya sa mga tawo. Kinahanglan mangadto ta sa kalibutan, magasulti sa mga pulong sa Dios, aron ang kalibutan mahibalo nga ang Dios nagpadala kanato Ang Tigmantala sa Reformasyon, Vol. 57, No. 6

7 Magakat on gikan ni Enoc Si Enoc sa kamatinud anon nag-asoy ngadto sa katawohan sa tanan nga gipadayag ngadto kaniya pinaagi sa espiritu sa tagna. Ang uban mitoo sa iyang pulong ug mitalikud gikan sa ilang kadautan sa pagtahud ug pagsimba sa Dios. Kini sila ang kanunay mangita ni Enoc sa dapit nga iyang pahulayan, ug siya magtudlo kanila ug mag ampo alang kanila nga ang Dios maghatag kanila sa kahibalo sa Iyang kabubuton. Sa katapusan siya naggahin og mga higayon alang sa pagpahilit ug dili siya magtugot nga ang mga tawo makadumdom kaniya, kay makabalda sila sa iyang balaang pagpalandong ug pagpakigsulti sa Dios. Siya dili sa tanang higayon magpalayo gikan sa mga tawo nga nahigugma kaniya ug maminaw sa iyang mga pulong sa kaalam; ni iyang gibulag ang iyang kaugalingon sa kinatibuk an gikan sa mga dunot. Iyang tagbuon ang mga matarung ug mga dautan sa natudlong mga panahon, ug nagbuhat sa pagpaliso sa mga dili diosnon gikan sa dautan nilang dalan ug nagtudlo kanila diha sa kahadlok sa Dios, samtang siya nagatudlo niadtong kinsa adunay kahibalo sa Dios sa pag alagad Kaniya sa mas tim os. Siya magapabilin uban kanila taman nga makahatag pa siya sa kaayohan kanila pinaagi sa iyang diosnong pakigsulti ug balaang panigingnan ug dayon siya mobiya sa usa ka panahon gikan sa tanan gikan sa mga matarung, sa mayubiton ug mga madiosdioson, sa pagpabilin sa pag-inusara, giguang Tigmantala sa Reformasyon, Vol. 57, No. 6 tom ug giuhaw alang sa pagpakigsulti sa Dios, ug sa langitnong kahibalo nga Siya lang ang makahatag kaniya.16 Ang Ginoo nahigugma ni Enoc tungod kay siya hugot nga nagsunod Kaniya ug nasilag sa kasal anan ug sa mainiton nangita sa langitnong kahibalo, aron siya makabuhat sa Iyang kabubut on sa hingpit. Siya nagahandum sa pagpakighiusa sa iyang kaugalingon nga mas masuud pa sa Dios, kang kinsa siya nagtaha, nagtahud, ug misimba. Ang Dios dili magtugot nga si Enoc mamatay maingon sa ubang tawo, apan nagpadala sa Iyang mga anghel aron pagkuha kaniya ngadto sa Langit nga wala makasinati sa kamatayon.17 Kahibulongang mga resulta Ang mensahe nga gisangyaw ni Enoc ug ang iyang paglalin ngadto sa langit maoy usa ka makadani nga argumento sa tanan kinsa nagkinabuhi niining panahona. Kining mga butanga maoy usa ka argumento nga mahimong gamiton ni Metuselah ug Noe uban ang gahum aron sa pagpakita nga ang matarung pagalalinon. Ang maong Dios kinsa naglakaw uban ni Enoc mao ang atong Ginoo ug Manlulu was nga Jesu-Cristo. Siya mao ang kahayag sa kalibutan kaniadto maingon man usab karon. Kadtong kinsa nagkinabuhi sa una dili kay walay mga magtutudlo sa pagtudlo kanila diha sa dalan sa kinabuhi; kay si Noe ug Enoc mga Cristohanon. Ang evangelyo gikahatag diha sa kalagdaan sa Leviticu. Ang hingpit nga pagsunod gikinahanglan karon, maingon kaniadto. Unsa ka gikinahanglan nga kita makasabut sa kaimportante niini nga pulong! Ang pangutana: Unsay hinungdan sa kagutom diha sa simbahan? Ang tubag: Atong gitugotan ang atong mga hunahuna nga mapalayo gikan sa pulong. Kon ang pulong sa Dios gikaon ingon nga pagkaon alang sa kalag, kon kini gitagad nga may pagtahud ug pagtamud, wala nay panginahanglan sa daghan ug subli-subli nga mga pamatuod nga karon gidala. Ang yanong mga pamahayag sa Kasulatan pagadawaton ug gibuhat. Ang buhing mga prinsipyo niini maingon sa mga dahon sa kahoy sa kinabuhi alang sa pag ayo sa mga nasud.... Sa diha nga si Satanas magdutdut sa iyang mga sugyot diha sa mga hunahuna, kita mahimo nga mataguan sulod sa tinagong balongbalong sa Hataas Uyamot, kon kita nagpangga sa Kini ang giingon sa Ginoo. Daghan ang napakyas sa pagsundog sa atong balaang Sumbanan tungod kay sila nagtoon og dyutay lang kaayo sa tin'aw nga mga butang niana nga kinaiya. Hilabihan ka daghan ang napuno sa nagkapuliki nga mga plano, kanunay naglihok; ug wala nay higayon o luna alang sa hamiling Jesus nga masuud, minahal nga kauban. Wala nila gidangop ang tanan nilang hunahuna ug buhat ngadto Kaniya, mangutana: Mao ba kini ang dalan sa Ginoo? Kon sila mihimo niini sila unta maglakaw uban sa Dios, maingon ni Enoc. 18 R Mga Referensya The Ministry of Healing, pp. 363, 364. The Signs of the Times, June 21, Ibid., July 4, The Youth s Instructor, November 6, Testimonies, vol. 5, pp. 241, The Review and Herald, August 18, Testimonies, vol. 5, pp. 727, The Signs of the Times, October 21, The SDA Bible Commentary [E. G. White Comments], vol. 1, p Patriarchs and Prophets, p The Signs of the Times, February 20, Ibid. 13 Spiritual Gifts, vol. 3, p The Ministry of Healing, p The Review and Herald, August 18, The Signs of the Times, February 20, Spiritual Gifts, vol. 3, p Testimonies, vol. 6, pp. 392,

8 Ang Amahan sa Matinudanon Sabado, December 3, 2016 Hinugpong gikan sa Biblia ug SOP, nga may mga komento ni R.C. Dumaguit Usa niana ka gabii ang balay nasunog ug ang usa ka bata nga lalake napugos sa pag adto sa atop. Ang amahan nagtindog sa ubos uban sa gituy od nga mga bukton, nagatawag sa iyang anak, Ambak! Ako kang saw'on. Siya nasayud nga ang bata kinahanglan moambak aron sa pagluwas sa iyang kinabuhi. Apan ang makita lang sa bata, mao ang mga kalayo, ug mga aso, ug ang kaitum. Atong mahanduraw, nga siya nahadlok nga moambak. Ang iyang amahan sige g singgit: Ambak! Ako kang saw'on. Apan ang bata misupak, Papa, Dili ko kakita nimo. Ang amahan mitubag, Pero nakakita ko nimo! Ambak! Ang bata miambak, tungod kay siya nagsalig sa iyang amahan. Busa ang Cristohanong pagtoo magahimo kanatong moatubang sa kinabuhi o kamatayon, dili tungod kita nakakita, apan uban sa kasigurohan nga kita gitan aw; dili tungod kay kita nahibalo sa tanang tubag, apan 8 nga kita nahibaloan. Mao ni ang kahulogan sa matuod nga pagtoo. Ang pagtoo adunay kalabutan sa mga butang nga wala makita ug sa paglaum alang sa mga butang nga umalabut. Ang pagtoo dili lamang kay kat unon sa teyorya; kini kinahanglan nga praktikal nga masinati sa atong mga kina-buhi. Si apostol Pablo nagsaysay, Kay ginapadayag ang pagkamatarung sa Dios gikan sa pagtoo ngadto sa pagtoo, ingon sa nahasulat, Ang matarung mabuhi tungod sa pagtoo (Roma 1:17). Nganong importante man kaayo nga kita magkinabhi pinaagi sa pagtoo? Unsay papel sa pagtoo sa pagdaug? Si apostol Juan nag ingon nga Ang tanan nga gipanganak sa Dios, nakadaug sa kali- butan; ug kini mao ang pagdaug nga midaug sa kalibutan, nga mao ang atong pagtoo (1 Juan 5:4). Pinaagi sa pagtoo, tanang kakulangon sa kinaiya mahimong masangkapan, tanang kahugawan mahinlo, tanang sayup masakto, tanang kaayo mapalambo. 1 Ang buhat sa pagdaug sa dautan pagahimoon pinaagi sa pagtoo. Sila nga moadto sa panggubatan ilang masabtan nga kinahanglan ilang isul ob ang tibuok hinigiban sa Dios. Ang kalasag sa pagtoo mao ang ilang taming ug magahimo kanila nga labaw pa sa mananaug. 2 Kini nga pagtoo nga magahatag kanato sa kadaugan sa kalibutan gipadayag sa atong amahan nga si Abraham. Ang Tigmantala sa Reformasyon, Vol. 57, No. 6

9 Ngano man nga si Abraham gitawag nga amahan sa matinud anon? Kun atong hunahunaon ang amahan sa usa ka butang, atong mahunahuna ang usa kinsa usa ka inventor sa usa ka butang o kinsa nakatabang og daku alang sa kalampusan niana. Si Hippocrates giisip nga amahan sa medisina, si Edison ang amahan sa electrisidad, ug Karl Benz ang amahan sa sakyanan (awto). Unsa man usab mahitungod ni Abraham? Giunsa man pagkahimo niyang amahan sa matinud anon? Kinahanglan atong masayran ang kasinatian sa iyang kinabuhi aron masabtan ang pagtoo. Kon buut kita nga makabaton og pagtoo nga magbunga sa kadaugan ibabaw sa kalibutan, kinahanglan aduna tay pagtoo ni Abraham. Ang pagtawag ni Abraham Atong mabasa sa Genesis 12:1-3 mahitungod sa pagtawag ni Abraham sa pagbiya gikan sa panimalay sa iyang amahan. Ug si Jehova miingon kang Abram: Pahawa ka gikan sa imong yuta, ug gikan sa imong kaubanan, ug sa balay sa imong amahan, ngadto sa yuta nga Akong igapakita kanimo. Ug Akong pagabuhaton kanimo ang usa ka daku nga nasud, ug ikaw pagapanalanginan Ko ug pagapadakuon Ko ang imong ngalan, ug mahimo ikaw nga usa ka panalangin. Ug pagapanalanginan Ko ang mga magapanalangin kanimo, ug ang mga magapanghimaraut kanimo, pagapanghimarauton Ko; ug diha kanimo pagapanalanginan ang tanang mga kabanayan sa yuta. Ang Ur sa mga Caldeyahanon mao ang sentro sa pagsimba sa mga hentil; ang yuta tabunok, ug ang dapit adunay dakung mga bintaha alang sa sayon nga bahandi. Ug ang Dios miingon kang Abraham: Hawa dinhi. Ug sa diha nga mosugod ka sa paglakaw, Akong ipakita kanimo ang yuta nga Akong ihatag kanimo. Unsa may gihimo ni Abraham? Si Abraham misugod sa paghipus sa iyang mga butang. Imong mahanduraw ang reaksyon sa iyang mga kapamilya. Ang iyang mga kabanay mahimong mangutana, Nganong nanghipus ka? Molakaw ko! Asa ka moadto? Ang Dios moingon ra nako! Ang yuta ba tabunok? Wala ko masayud! Sultihi ko mahitungod sa yuta nga imong adtuan. Wala ko masayud! Ang ako lang nahibaloan mao nga ang Dios buut nga moadto ko didto, ug Siya magauban kanako! Unsa kahay hunahuna sa iyang mga kabanay sa iyang diretsong mga tubag? Syimpre, sila maghunahuna kaniya nga daw usa ka dakung buang-buang. Apan unsay nagpalihok ni Abraham nga mohimo nianang dili kasagaran nga lakang? Si apostol Pablo miingon, Tungod sa pagtoo si Abraham, sa gitawag siya, misugot sa pag-adto sa dapit nga iyang pagadawaton ingon nga panulondon; ug milakaw siya nga wala mahibalo kong asa siya paingon. (Hebreo 11:8). Ang walay popangutana nga pagsunod ni Abraham maoy pinaka-naila nga evidensya sa pagtoo nga makaplagan sa tibuok Biblia. Alang kaniya, ang pagtoo mao ang katinoan sa mga butang nga ginapaabut, ang kasayuran mahitungod sa mga butang nga dili makita (Hebreo 11:1). Nagasalig sa langitnong saad, wala bisan dyutay nga makitang kasigurohan sa iyang katumanan, siya mitalikod sa iyang puloy-anan ug mga kabanay ug sa yutang natawohan, ug milakaw, wala masayud asa padulong, aron sa pagsunod diin ang Dios magagiya kaniya. Tungod sa pagtoo nahimo siya nga dumuloong sa yuta sa saad, ingon nga sa yuta nga dili iyang kaugalingon, nga nagapuyo sa mga balongbalong, uban kang Isaac ug kang Jacob, ang mga manununod uban kaniya sa mao gihapon nga saad (bersikulo 9). Dili sayon nga pagsulay ang gihatag ngadto ni Abraham, dili gamay nga sakripisyo ang gipangayo gikan kaniya. Adunay lig ong mga hikot ang naggapus kaniya ngadto sa iyang kayutaan, sa iyang mga kabanay, ug sa iyang puloy anan. Apan wala siya nag-ukon'ukon sa pagsunod sa tawag. Wala siyay pangutana nga gipangutana mahitungod sa yutang saad kun ang yuta tabunok ba ug ang klema maayo ba; kun ang kayutaan nindot ba og palibut ug makahatag ba sa kahigayunan alang sa pagtigum og bahandi. Ang Dios namulong, ug ang Iyang ulipon kinahanglan motu-man; ang pinaka-malipayong dapit ibabaw sa kalibutan alang kaniya mao ang dapit nga buut sa Dios nga didto siya. 3 Nganong ang Dios nagsugo ni Abraham nga mogawas gikan sa iyang mga kaparentihan sa pag-adto sa yuta nga wala niya mahibalo-i? Ang Espiritu sa Tagna nagsaysay, Aron nga ang Dios makahimo sa pag-andam kaniya alang sa dakung buhat ingon nga magbalantay sa mga balaang pulong, si Abraham kinahanglan nga mabulag gikan sa mga kaubanan sa iyang sayong kinabuhi. Ang inpluwensya sa mga kabanayan ug mga kahigalaan mobalda sa pagbansay nga buut sa Ginoo nga ihatag sa Iyang ulipon. Karon nga si Abraham, sa pinasaheng kahimtang, nadugtong sa langit, kinahanglan siya magpuyo diha sa mga dumoloong. Ang iyang kinaiya kinahanglan sahi, lahi gikan sa tibuok kalibutan. Bisan siya dili makasaysay sa iyang mga buhat aron masabtan sa iyang mga higala. Ang mga espirituhanong butang sa espirituhanon maila, ug ang iyang mga motivo ug mga buhat wala masabti sa iyang mga madiosdiosong kabanay, 4 Ang panaw sa pagtoo Sa pagsunod sa tawag sa Dios, si Abraham mipanaw gikan sa Ur ngadto sa Haran hangtud sa kamatayon sa iyang amahan, si Terah. Unya ang langitnong Tingog nag-agda kaniya padayon sa unahan ug siya ug ang iyang panimalay midala uban kanila sa tanang kahimtangan nila nga ilang nahipos, ug ang mga kalag nga ilang natigum sa Haran (Genesis 12:5) mga kalag nga nadaug pinaagi sa buhat misyonero. Bisan diin si Abraham nagtukod og halaran alang sa Ginoo lakip na sa iyang sunod nga gihunongan, sa Bethel. Maingon nga siya nagpadayon sa pagpanaw sa habagatan, nahinagbo niya ang hulaw, apan wala siya mangutana sa paggiya sa Providensya. Dili siya motugot nga ang mga sirkumstansya motay og sa iyang pagtoo sa pulong sa Dios. Aron sa paglikay sa moabut pa nga kagutom, siya temporaryong midangop sa Egipto apan wala malimot sa kalab uton diin ang Dios nagpahiluna kaniya. Nagatukod og mga halaran Sa diha nga siya mobalhin, ang mga halaran ni Abraham nga nahibilin maoy usa ka nagabarug nga pamatuod sa iyang pagtoo sa buhi nga Dios. Ang kinabuhi sa pag-ampo kinahanglan makita usab sa mga salin nga katawohan sa Dios karon. Maingon sa mga patriarka sa karaan, kadtong naga-angkon nga nahigugma sa Dios kinahanglan mopatindog og usa ka halaran alang sa Ginoo bisan diin sila mopatindog sa ilang balongbalong. Kon aduna may panahon diin ang matag puloy anan mahimong balay sa pag-ampo, mao na karon. Mga amahan ug mga inahan kinahanglan kanunay nga mobayaw sa ilang mga kasingkasing ngadto sa Dios diha sa mapainubsanong pag-ampo alang kanila ug sa ilang mga anak. Himoa nga ang amahan, ingon sa sacerdote sa iyang panimalay, magahalad sa halaran sa buntagon ug haponong halad, samtang ang asawa ug mga anak mohiusa diha sa pag-ampo ug pagdayeg. Sa balay nga ingon niana si Jesus mahigugma sa pagpabilin. 5 Ang Tigmantala sa Reformasyon, Vol. 57, No. 6 9

10 Sa matag puloy anan kinahanglan adunay piho nga takna alang sa buntag ug haponon nga pagsimba. Unsa ka angayan kini alang sa mga ginikanan nga tigumon ang ilang mga anak palibut nila sa dili pa mamahaw, aron sa pagpasalamat sa langitnong Amahan sa Iyang pag panalipud sa gabii, ug aron sa pagpangayo Kaniya sa tabang, giya ug pagbantay sa adlaw! Unsa ka haum, usab, kun ang kahaponon moabut, alang sa mga ginikanan ug mga kabataan nga magtigum pag usab sa Iyang atubangan ug magpasalamat Kaniya tungod sa mga panalangin sa adlaw nga minglabay! Ang simba sa pamilya kinahanglan dili mabut an sa mga sirkumstansya. Dili kay mag ampo usahay unya, kun duna kay daghang buhatonon, dili na. sa paghimo niana imong ginatudloan ang mga bata nga ang pag-ampo dili mahinungdanon. Ang pagampo gikinahanglan kaayo sa mga anak sa Dios, ug ang mga halad pasalamat kinahanglan mosaka ngadto sa Dios sa mabuntag ug hapon... Mga amahan ug mga inahan, bisan unsa ka dalionon sa imong mga patigayon, ayaw pakyasa ang pagtigum sa imong pamilya palibut sa altar sa Dios. Pangayo alang sa pagbantay sa mga balaang anghel diha sa inyong balay. Hinumdumi nga ang imong mga pinalangga natara sa mga tentasyon. 6 Usa ka panulondon sa pagkamanggihatagon Sa walay paglangan, si Abraham mibiya sa Egipto ug mibalik sa Canaan dato kaayo sa kahayopan, sa salapi ug sa bulawan. (Genesis 13:2). Si Lot sa gihapon uban kaniya, ug ilang namatikdan nga ang sibsibanan dili na paigo alang sa ilang mga kahayopan; ang panagbulag gikinahanglan. Bisan tuud si Abraham labaw sa pangidaron ug ang usa nga gitawag sa Dios, siya mihatag kang Lot sa unang pagpili kun diin siya gusto nga mopuyo. Hinaut unta nga walay pagkabingkil kanimo ug kanako, sa akong magbalantay ug sa imo, kay magsoon kita. Dili ba anaa man ang tibook nga yuta sa atubangan mo? Ginapakilooy ko kanimo, nga bumulag ka kanako. Kong umadto ka sa wala, ako moadto sa too, kong ikaw sa too, ako moadto sa wala (Genesis 13:8, 9). Ania ang halangdon, dili dalo nga espiritu ni Abraham napadayag. Unsa ka daghan ilalum sa samang hitabo, bisan sa mga katalagman, mogunit sa ilang mga katungod ug mga gusto! Unsa ka daghan sa mga panimalay ang nabungkag! Unsa ka daghan sa mga iglesia ang nabahin, naghimo sa kawsa sa kamatuoran nga pagya ug usa ka kaulawan taliwala sa mga dautan!... Ang pag ugba sa usa ka nagakaangay nga pamatasan, ang kaandam sa pagbuhat maingon sa buut natong buhaton sa uban nganhi kanato, magawagtang sa katunga sa mga kasakit sa kinabuhi. Ang espiritu sa pagpadaku-sakaugalingon maoy espiritu ni Satanas; apan ang kasingkasing diin ang gugma ni Cristo gipangga makapanag iya nianang gugma nga wala nagapaninguha alang sa kaugalingon. 7 Kining dili dalo nga espiritu napadayag usab diha sa mapa-taliwalaong hangyo ni Abraham alang sa mga pomuluyo sa Sodoma. Kinadak ang sayup ni Abraham Sa wala pa siya nahimong amahan sa mga matinud anon, si Abraham nakahimo sa usa ka dakung sayup pinaagi sa pag-una una sa Dios. Iyang gihunahuna nga siya ug ang iyang asawa makahimo sa pagtabang sa Dios nga matuman ang Iyang saad nga ang iyang mga kaliwatan mahimong usa ka dakung nasud. Tungod kay sila mga tigulang na, sila nagkasinabut nga si Abraham mouna ug kuhaon si Hagar, ulipon ni Sara, aron manganak. Kana nga sayup naghimo og hilabihang kasamok sa iyang panimalay! Ang saad sa Dios natuman Sa katapusan, bisan pa nga si Sara milabay na sa edad nga manganak ug si Abraham tigulang na kaayo, ang milagro sa usa ka anak nga lalake natawo ngadto kanila, ingon sa gisaad sa Dios. Ang pina-kamahinungdanon nga panulondon sa kaluwasan nga gikabilin ni Abraham ngadto sa iyang mga kaliwatan mao ang buhat sa pagtoo diha sa iyang kaandam nga mohalad ngadto sa Dios sa milagrong bata, si Isaac. Tungod sa pagtoo si Abraham, sa gisulayan siya, naghalad kang Isaac; sa pagkamatuod, ang nakadawat nga malipayon sa mga saad nagahalad sa iyang anak nga bugtong; Bisan siya nga tungod kaniya ginaingon: Diha kang Isaac paganganlan ang imong kaliwat; Nga nagaisip nga gamhanan ang Dios sa pagpabanhaw bisan gikan sa mga minatay; nga gikan didto siya sa usa ka dagway, iya usab nga gidawat (Hebreo 11:17-19). Ang sugo gipahayag diha sa mga pulong nga miyudyud sa kasingkasing sa amahan uban sa kasakit: Kuhaon mo karon ang imong anak, ang imong anak nga bugtong, nga imong pinalangga,... ug siya ihalad mo nga halad-nga-sinunog, (Genesis 22:2). Si Isaac mao ang kahayag sa iyang balay, ang pahalipay sa iyang tigulang nga pangidaron, labaw sa tanan ang manununod sa gisaad nga panalangin. Ang pagkawala sa maong anak pinaagi aksidente o sakit mahimong mopikas sa kasingkasing sa nagmahal nga amahan; kini mopatikuku sa iyang ubanong ulo uban sa kasubo; apan siya gisugo sa pag ula sa dugo sa maong anak pinaagi sa iyang kamot. Kini alang kaniya usa ka makalilisang dili mahimo. 8 Apan tapus sa daghang nagahigwaus nga pag-ampo, si Abraham misugod sa tulo ka adlaw nga panaw ngadto sa bukid uban sa iyang pinalanggang anak, aron tumanon ang tawag. Sa duol na sila sa tumoy sa bukid, si Isaac nangutana: Amahan ko, Ania karon ang kalayo ug ang sugnod, apan hain man ang nating carnero nga igahalad-nga-sinunog? Oh, daw unsa nga pagsulay kini! Daw unsa ang mga mabinationg pulong, amahan ko, milagbas sa kasingkasing ni Abraham! Dili pa dili pa siya makasulti kaniya karon. Anak ko, siya mitubag, Ang Dios sa Iyang kaugalingon magatagana sa nating carnero nga igahalad-nga-sinunog, (Genesis 22:7, 8). Sa natudlong dapit sila nipatindog sa halaran ug gibutang ang kahoy sa ibabaw niini. Unya uban sa nagakurog nga tingog, si Abraham mipadayag ngadto sa iyang anak sa langitnong mensahe. Uban sa kahadlok ug katingala nga si Isaac nahibalo sa iyang dangatan, apan siya wala mibalibad. Mahimo siyang moekyas sa iyang kamatayon, kun siya mibuut sa paghimo; ang gilapdusan-sakasubo tigulang nga tawo, naluya uban sa pagpakigbisog sulod sa tulo ka makalilisang nga mga adlaw, dili makasukol sa gusto sa baskog nga batan-on. Apan si Isaac nabansay sukad sa pagkabata sa andam, masaligong pagsunod, ug sa dihang ang katuyoan sa Dios gibuksan sa iyang atubangan, siya mitahan sa kinabubut ong pagsugot. Siya umalambit sa pagtoo ni Abraham, ug iyang gibati nga siya gipasidunggan nga gitawag sa pagtugyan sa iyang kinabuhi ingon nga halad alang sa Dios. Siya sa kalumo naninguha sa pagpagaan sa kasubo sa amahan, ug mipadasig sa iyang mga luyang kamot sa paghikot sa pisi nga mopahiluna kaniya sa halaran. Ug karon ang katapusang mga pulong sa gugma gikasulti, ang katapusang luha napaagas, ang katapusang gakus nahatag. Ang amahan miisa sa punyal aron sa pagpatay sa iyang anak, sa dihang kalit gipugngan ang iyang kamot. Usa ka anghel sa Dios nagtawag sa patriarka gikan sa langit, Abraham, Abraham! Gilayon mitubag siya, Ania ako, Ug usab ang tingog nadungog, Dili mo pagbakyawon ang imong kamot batok sa bata, dili ka magbuhat kaniya bisan unsa; ug karon naila ko nga ikaw nahadlok sa Dios, kay wala ka magdumili sa imong anak, imong bugtong nga anak, gikan Kanako (bersikulo 11, 12). 10 Ang Tigmantala sa Reformasyon, Vol. 57, No. 6

11 Dayon si Abraham nakakita sa usa ka carnero kansang mga sungay nagapus sa kasapinitan, ug gikuha dayon niya kini ug gihalad niya sa halad-nga-sinunog, salili sa iyang anak. Sa iyang kalipay ug pasalamat si Abraham naghatag og usa ka bag ong ngalan nianang sagradong lugar Jehova-Jereh, ang Ginoo magatagana, (bersikulo 13, 14). 9 Mga leksyon gikan sa kinabuhi ni Abraham 1. Walay popangutana nga pagsunod Ang walay popangutana nga pagsunod ni Abraham maoy pinaka-naila nga evidensya sa pagtoo nga makaplagan sa tibuok Biblia. 10 Daghan sa gihapon pagasulayan sama ni Abraham... Tingale sila kinahanglan nga matalikod sa ilang mga panarbaho nga nagasaad sa bahandi ug dungog, sa pagbiya sa nauyonan ug mapuslanong mga kaubanan, ug mobulag gikan sa kabanayan, sa pagsulod diha nianang makita nga dalan lang sa pagdumili-sa-kaugalingon, kalisud, ug pag'antus. Ang Dios adunay usa ka buluhaton nga ipabuhat kanila Usa ka kinabuhi sa pag-ampo Ang kinabuhi ni Abraham, ang higala sa Dios, usa ka kinabuhi sa pag-ampo... Mga amahan ug inahan, matag buntag ug hapon tiguma ang inyong mga anak paliang Tigmantala sa Reformasyon, Vol. 57, No. 6 but ninyo, ug diha sa mapaubsanong pag-ampo ibayaw ang inyong mga kasingkasing ngadto sa Dios alang sa tabang. Ang inyong mga pinalangga natara sa tentasyon ug pagsulay. Kada adlaw nga mga kasamok moabut sa dalan sa batan on ug hamtong. Kadtong buut magkinabuhi sa pailub, mahigugmaon, malipayong kinabuhi kinahanglan mag ampo. Ang kadaugan mabatunan lang pinaagi sa hugot ug lig on nga tumong, makanunayong pagtukaw, ug makanunayong tabang gikan sa Dios. 12 balaod Ug usab, Siya naila Ko, aron magasugo siya sa iyang panimalay sa ulahi niya, aron magabantay sila sa dalan ni Jehova, nga sa pagbuhat sa pagkamatarung ug sa katarungan; aron nga si Jehova makapadala sa ibabaw kang Abraham niadtong ginapa-mulong mahatungod kaniya, (Genesis 6:25; 18:19)... Walay pagbudhi sa kama-tuoran diha sa kabahin ni Abraham alang sa dinalo nga katuyoan Ang halangdon ug dili dalo nga espiritu Hinumdumi ang panig ingnan ni Abraham sa iyang kinaiya ngadto ni Lot. Dili magtagad sa iyang kaugalingong mga butang, kondili ang tagsa-tagsa kaninyo sa mga butang sa uban usab (Filipos 2:4). 7. Usa ka pamatuod sa tibuok universo 4. Gugma alang sa mga nagakalaglag nga mga kalag Bisan tuud nga si Abraham giluud sa mga sala sa Sodoma, siya nagtinguha nga ang mga makasasala maluwas. Ang iyang lalum nga tinguha alang sa Sodoma nagpakita sa kabalaka nga angay natong bation alang sa dili mahinulsolon. Kinahanglan atong panggaon ang pagdumot sa sala, apan kalooy ug gugma alang sa mga makasasala. Nagpalibut kanato mao ang mga kalag nga padulong sa kalaglagan maingon ka walay paglaum, ka makalilisang, maingon nianang nahitabo sa Sodoma. Matag adlaw ang kaluwasan sa uban masira. Matag takna ang uban misaylo na sa maabut sa kalooy. Ug hain man ang mga tingog sa pagpasidaan ug paghangyo aron sa pag agni sa makasasala sa pagkalagiw gikan sa makalilisang nga paadtuan? Hain na ang mga kamot nga gituy od sa pagbira kaniya gikan sa kamatayon? Hain na kadtong kinsa uban sa pagpaubos ug malahutayong pagtoo nangalyupo sa Dios alang kaniya? Ang amahan nga maayong nidumala sa iyang panimalay Ang pamatuod sa Dios mahitungod niining matinud anong patriarka ingon niini, si Abraham nagsunod sa Akong tingog, ug gibantayan niya ang Akong tulomanon, ang Akong mga sugo, ang Akong mga pamatasan, ug ang akong mga 6. Usa ka pagtoo nga nagabuhat Sa diha nga ang Dios nagsugo niini nga patriarka sa paghalad sa iyang bugtong anak, siya misunod pinaagi sa pagtoo. Ang sakripisyo nga gipangayo gikan ni Abraham dili lamang alang sa iyang kaugalingong kaayohan, ni sa kaayohan alang sa magsunod nga kaliwatan; apan kini usab alang sa pagtudlo sa walay sala nga mga salabutan sa langit ug sa ubang mga kalibutan. Ang natad awayanan tali ni Cristo ug Satanas ang natad diin ang plano sa pagtubos gihimo maoy libro sa pagtoon sa universo.... Maoy malisud bisan sa mga anghel ang paghangop sa misteryo sa pagtubos sa pagsabut nga ang Commander sa langit, ang anak sa Dios, mamatay alang sa sad an nga tawo.... Sa diha nga ang kamot sa amahan gipugngan sa dihang iya nang patyon ang iyang anak, ang carnero nga gitagana sa Dios gihalad nga halili ni Isaac dayon ang kahayag napadan ag diha sa misteryo sa pagtubos, ug bisan ang mga anghel sa mas tin aw nakasabut sa katingalahang tagana nga gihimo sa Dios alang sa kaluwasan sa tawo. 15R Mga Referensya The Acts of the Apostles, p Counsel to Parents Teachers and S, pp. 182, Patriarchs and Prophets, p Ibid. 5 Ibid., p Child Guidance, p Patriarchs and Prophets, pp. 132, Ibid., p Ibid., pp. 152, Ibid., p Ibid., pp. 126, My Life Today, p Patriarchs and Prophets, p Ibid., pp. 140, Ibid, pp. 154,

12 Ang Matinudanon nga Batan'on Dominggo, December 4, 2016 Ni Eli Tenorio da Silva Sa balay sa iyang amahan Ang sugilanon ni Jose maoy pinakamahinuklogon ug mapanimpalaron nga asoy nga atong makita diha sa Biblia. Ang iyang pamilya, sa daghang mga paagi gubot. Siya gimahal pag ayo sa iyang inahan nga si Rachel, ug sa iyang amahan nga si Jacob, apan gikasinahan ug gidumtan sa iyang mga igsoon. Ang sala ni Jacob gipasaylo. Ang limbong, pagbudhi, bakak, ug ang uban pang dili mga maayong elemento sa kinaiya naut ut sa hudno sa kinabuhi hangtud nga ang pagtoo sa iyang amahan ug apohan napadayag sa kinabuhi ni Jacob. Bisan pa niana, ang mga linungtaran sa iyang sala ug kadautan sa pagpangasawag daghan nagauban sa iyang panimalay ug nagadala sa mga pait nga bunga. Ang iyang mga asawa puno sa pangabugho; ang iyang mga anak palaaway, putong, ug walay-pagpugong. Kini nga mga 12 linungtaran nakapasubo ni Jacob ug nagdala kaniya sa kaguol ug kahangawa. Unya si Jose natawo. Siya miabut ingon nga tambal og humpay sa kasingkasing sa tigulang nga patriarka, usa ka gasa gikan sa langit aron sa paglipay ug pagdasig kaniya. Siya lahi sa iyang mga igsoon; ang iyang talagsaong katahum nagpakita lamang sa sulodnong katahum sa hunahuna ug kasingkasing.... Ang mga kinaiya nga sa ulahi nagpaila kaniya sa Egipto kalumo, kabuutan, matinud anon nadayag nang daan sa iyang inadlaw nga kinabuhi. 1 Si Jose matinud anon, maayo, ug manggihunahunaon sa balay sa iyang amahan, ug kini nga kamatinud anon nag andam kaniya alang sa mas dakung buluhaton. Gibaligya ingon nga ulipon Ang mga igsoon ni Jose wala sa ilang balay sa pipila ka mga bulan. Aron adunay igong pasibsiban alang sa ilang mga panon, sila miadto sa layong lugar. Si Jacob gimingaw sa iyang mga anak ug nagpadala kang Jose sa pagpangita kanila ug balitaan siya sa ilang kahimtang. Si Jose malipayong misunod sa iyang amahan ug mibiya sa iyang balay. Pinaagig damgo ang Dios nagpadayag kang Jose nga siya mahimong malampuson ug mauswagong tawo. Ang iyang kaugmaon masanagon. Apan ang Dios wala nagpahibalo ni Jose sa presente ug sa iyang umalabut. Ang Tigmantala sa Reformasyon, Vol. 57, No. 6

13 Tapus sa pagbaklay sa kapin 104 ka kilometro, nakauban ra gyud ni Jose ang iyang mga igsoon. Siya malipayon ug nagmaya niini nga higayon sa pagkakita kanila ug migahin og higayon uban nila. Bisan sa kamaldito sa iyang mga igsoon, si Jose sa gihapon naghigugma kanila. Ang kaayo ug gugma ni Jose alang sa iyang mga igsoon gibugtian og pagdumot. Siya nahadlok sa ilang mapanimaslanong tinan awan, kapungot, bugalbugal, ug mga panghasi nga nagpakita sa ilang mopatayay nga tumong. Nianang higayona, ang kahayag nga midan ag gikan sa usa kamatarung nga kinabuhi nagahasol niadtong kinsa wala makabig. Ang mga igsoon ni Jose buut nga mopatay kaniya. Ilang gibunlot siya ug gihuboan sa iyang kupo, ug dayon walay kalooy nga mihulog kaniya sa balon. Samtang sila nanglingkud sa pagkaon sa kalan on nga iyang gidala alang kanila, si Jose nag-antus didto sa balon diin didto gipasagdan nga mamatay sa gutom. Apan pinaagi sa Diosnong pag-atiman siya nalingkawas: Wala madugay dihay pundok sa mga nagpanaw nga nagakaduol. Usa kini ka grupo sa mga negosyanteng Ismaelhanon gikan sa unahan sa Jordan, padulong sa Egipto uban ang mga pahumot ug uban pang mga baligya. Si Juda karon misugyot nga ibaligya ang ilang igsoon niining mga hentil nga negosyante kay sa pasagdan nga mamatay.... Niini nga sugyot ang tanan miuyon, ug si Jose sa madali gikuha gikan sa balon. Sa pagkakita niya sa mga negosyante ang makalilisang nga katinuoran misantup sa iyang hunahuna. Ang maulipon maoy kapalaran nga labawng kahadlokan kay sa kamatayon. Diha sa usa ka pagagulo sa kahadlok siya mihangyo sa usa ug sa uban pa sa iyang mga igsoon, apan kawang. 2 Kanunay makapasakit nga isalikway, saypon pagsabut, ug daugdaugon, apan mas makapasakit kun ikaw isalikway sa imong gihigugma! Layo nga panaw ang Egipto. Naginusara, layo sa puloy anan ug gikan sa iyang mga gimahal ug mga nagmahal niya, si Jose siguro nakapamalandong, Hain na man ang saad nga gihatag kanako sa Dios diha sa damgo? Nausab kaha ang Dios? Diha sa byahe, sila miagi duol sa Canaan, ug gikan sa layo iyang makita ang mga bungtod nga gipuy an sa iyang amahan. Hunahuna sa kahadlok ug kaalaut miabut. Makita pa ba pag-usab ang iyang amahan? Iyang gibati nga dili andam sa pag-atubang sa mapait nga kinabuhi sa pagkaulipon. Unya ang iyang hunahuna miliso ngadto sa Dios sa iyang amahan. Sa iyang pagkabata siya gitudloan sa paghigugma ug sa pagtahud Kaniya. Kanunay sa balongbalong sa iyang amahan mamati siya sa mga sugilanon sa panan awon nga nakita ni Jacob samtang siya mikalagiw gikan sa iyang puloy anan usa ka hininginlan ug usa ka layas. Siya gisuginlan sa saad sa Ginoo ngadto kang Jacob, ug sa unsa nga sila nangatuman giunsa, diha sa takna nga gikinahanglan, ang mga anghel sa Dios miabut ug nagtudlo, naghumpay, ug mipanalipud kaniya. Ug siya nakakat on sa gugma sa Dios sa paghatag alang sa mga tawo og usa ka Manunubos. Karon kining tanang mga hamiling leksyon misantup nga klaro kaayo sa iyang atubangan. Si Jose nagtoo nga ang Dios sa iyang mga amahan maoy iyang Dios. Siya dayon ug didto mihatag sa iyang kaugalingon sa hingpit ngadto sa Ginoo, ug siya miampo nga ang Magbalantay ni Israel mahimong uban kaniya sa yuta sa iyang pagkasinalikway. 3 Sa kinabuhi, ang mga wala ginadahum mahitabo, ug ang mga wala dahuma dili masaysay pinaagi sa rason ug dili masabut sa hunahuna sa tawo. Sa diha nga ang dili masaysay mahitabo, mahimo nga atong mahatag sa hingpit ang atong mga kaugalingon sa Dios, o mosukol batok Kaniya. Ang pagpili ato. Usa ka higayon nagbuhat ko uban sa tigulang na nga ministro kinsa nagsugilon kanako sa usa ka otso anyos nga batang lalake kinsa kanunay nagtrabaho uban sa iyang amahan sa rilis. Ang bata nahigugma sa iyang amahan ug nakakat on sa pagsunod kaniya nga malipayon ug walay ukon ukon. Usa ka adlaw, nga nagtrabaho ang bata ug ang iyang amahan sa rilis, nalingaw kaayo sila sa ilang trabaho ug wala kabantay sa train nga paspas nagkaduol. Kasagaran, kadtong naa sa dalan mao ang katapusang makadungog sa train hangtud nga kini naana, tungod sa kasaba nga naa sa matag kilid. Mao kini ang nahitabo sa amahan ug iyang anak. Sa higayon nga ang amahan milingi ug nakakita sa train, nga paspas kaayong nagkaduol sa iyang anak. Wala nay panahon alang sa amahan nga makakab ut kaniya. Imbis mokab ut, siya misinggit, Hapa sa yuta ug ayawg lihok! Sa walay paglingi o paghunong aron makasabut, ang bata misugot dayon ug ang train miagi sa dalan ibabaw niya, nga wala magpigsat kaniya. Siya naluwas sa pagsalig ug pagsugot, bisan wala makasabut. Sa kaso ni Jose, wala pa siya nasayud kun ngano ang maong pagsulay miabut kaniya, apan sa usa ka hinungdan kinahanglan siya moagi sa skwelahan sa kasakitan aron maandam alang sa mas daku nga kagamitan, aron sa pagtuman sa plano sa Dios alang sa iyang kinabuhi. Si Jose tawo, luyo ning tanan. Siya adunay sama kanato nga mga tendensya ngadto sa sala maingon sa imo ug kanako karon. Siya adunay mga sayup nga kinahanglan korehian. Sa balay siya gipalibutan sa pagpangga sa iyang amahan, ug siya naanad nga silbihan inay sa pagsilbi sa uban. Kinahanglan siya makakat on sa dili pagsalig sa bukton nga unod, apan pinaagi sa pagtoo makahimo sa pagtan aw ug paggunit sa kamot sa Dili makita. Si Jose nakakat on nga ang krus moabut pag una dayon ang korona. Gisulayan sa Egipto Pag abut niya sa Egipto, si Jose gibaligya ingon nga ulipon. Sulod sa napulo ka tuig nag alagad siya sa kapitan ni Faraon, si Potifar. Sulod sa napulo ka tuig nga pagalagad kang Potifar, ang tanan nga iyang ibutang sa pag atiman ni Jose molambo, ug niana nasabtan ni Potifar nga ang Dios nag uban ni Jose. Si Jose nahimong malampusong tawo, ug ang Biblia naghatag sa sekreto sa iyang kalampusan: Ug si Jehova diha naguban kang Jose, sa pagkaagi nga siya nahimong tawo nga mauswagon: ug didto siya sa balay sa iyang agalon nga Egiptohanon (Genesis 39:2). Si Jose nagtrabaho alang sa iyang kalampusan, ug ang Dios nagpanalangin sa iyang mga paningkamot. Nawala na ang pinatuyangang mga taras sa pagpalabi. Wala siya magpaabut nga ang kauswagan usa ka resulta sa usa ka milagro. Siya nasayud nga ang kalapusan dili makab ut nga walay direktang paningkamot, ug sa kamatinud anon siya mibuhat uban sa tibuok kasingkasing ug kusog aron sa paghimaya sa Dios ug sa pagpanalangin sa uban. Sa diha nga ang kauswagan mosunod sa iyang mga panigkamot, iyang gihatag ang dungog sa iyang kalampusan ngadto sa Dios. Adunay usa ka sugilanon sa usa ka batan ong lalake kinsa nangita og trabaho sa uma. Sa iyang pagpakigsulti sa maguuma, ang mag uuma nangutana unsa ang iyang mga abilidad, nga ang batan on mitubag: Makahimo ko sa pagkatulog bisan sa mabagyohong gabii. Ang maguuma wala makasabut ug nangutana pag usab: Unsay imong abilidad? Ang tubag mao gihapon: Makahimo ko sa Ang Tigmantala sa Reformasyon, Vol. 57, No. 6 13

14 pagkatulog bisan sa mabagyohong gabii. Wala na may kapilian, ang mag uuma nag ukon-ukon sa pagpatrabaho sa batan on. Ang iyang mga kabalaka nahumpay sa dihang ang batan on nagsugod sa pagtrabaho, ug ang mag uuma nakamatikod nga siya matinud anon ug kugihan. Siya misugod sa pagpangga sa batan on ug nakalimot na sa iyang dili masabut nga tubag. Usa ka gabii ang mag uuma ug ang iyang asawa nakamata sa tunga-tunga sa gabii tungod sa mga hangin ug nagsingabut nga bagyo. Ang mag uuma midagan ngadto sa batan on aron pagpukaw kaniya aron andamon ang uma alang sa bagyo. Iyang gitoktok ang pultahan balik-balik, apan ang batan on wala gyud mimata. Ang mag uuma mibiya sa iyang kalagut, nagplano nga iyang pahawaon ang batan on sa buntag. Unsay hinungdan sa katabang sa uma nga kon, sa diha nga atong labawng gikinahanglan, dili momata aron tabangan ko? iyang hunahuna. Sa diha nga ang mag uuma miadto aron tabunan ang tractor, iyang nakita nga kini natabunan na. Sa diha nga siya miadto sa mga hayop sa kwadra, iyang nakita nga ang mga hayop maayo na nga pagkahiluna. Ang tanan nga iyang buut buhaton aron maandam sa bagyo, iyang nakita nga humana. Unya iyang nahinumduman ug nasabtan ang tubag sa batan on: Makahimo ko sa pagkatulog bisan sa mabagyohon nga gabii. Si Jose ingon niini nga tawo; iyang gibuhat ang iyang mga katungdanan nga matinud anon ug makahimo sa pagpahulay nga malinawon. Bisan gilibutan sa tanang sari sa mga tentasyon, wala siya nainpluwensyahe pinaagi sa mga pasundayag sa kalibutan o nabalda gikan sa iyang katungdanan nga magmatinudanon ngadto sa Dios. Kini nga gawi nagganoy ni Potifar nga tagdon si Jose ingon nga iyang anak, kay sa ingon nga ulipon. Siya na karon kauban na sa mga pinaka-labaw nga mga tawo sa nasud. Siya gilibutan sa pagkamadios-dioson, garbo, bahandi, ug batasan sa pinaka-malamboong nasud kaniadto nga naglungtad. Apan wala siya maulaw sa iyang relihiyon. Iyang gihimong klaro diha sa tanan niyang kalampusan nga siya ulipon sa Dios. Ang Dinasig naghisgot ni Jose nga usa ka ambungan nga batan on. Ang iyang katahum inanay nga mibihag sa pagtagad sa asawa sa iyang agalon, ug siya nagaagni kaniya sa paglapas sa balaod sa Dios. Siya nasayud nga ang mga resulta mosunod, bisan iyang isalikway o dawaton ang iyang pag agni. Kon iyang dawaton, siya magpanalipud kaniya ug magahimo sa iyang katungdanan diha puloy anan nga siguro. Kon iyang isalikway, siya magahimo sa iyang kinabuhi nga makalolooy. Sukad kaniadto hangtud niana siya nagpabilin nga wala mahugawi pinaagi sa mga kadunutan nga nagkaylap sa hentil nga yuta; apan kini nga tentasyon, hilabihan ka kalit, hilabihan ka kusog, hilabihan ka madanihon unsaon kini pagtagbo? 4 Maoy makalipay hunahunaon nga ang mga anghel nakasabut ug nabalaka ug mosimpatiya kanato sa atong mga kabalaka, kay sa ingon niini ang sugilanon nagpadayag, ang Dinasig nag ingon sa mga anghel nga nagbantay uban sa mainitong kaikag: Uban sa dili maasoy nga kabalaka, ang mga anghel nagtotok sa talan awon. 5 Ang iyang tibuok kaugmaon nagadepende diha sa desisyon sa usa ka gutlo. Ang prinsipyo ba modaug? Siya ba kaha magmatinud anon sa Dios? 6 Sa dihang nag atubang niini, ang kinadak an sa mga tentasyon, si Jose wala mipili alang sa hayahay apan nagbarug nga lig on uban sa determinasyon nga iyang gihimo sa daghan nang mga tuig ang milabay sa diha nga siya unang gikuha gikan sa iyang balay. Siya mobarug alang sa iyang pagtoo ug alang sa Dios nga iyang gialagaran. Ang iyang tubag ngadto sa asawa sa iyang agalon mao: Unsaon ko paghimo kining dakung pagkadautan, ug sala batok sa Dios? (Genesis 39:9). Samtang ang mga sirkumstansya sa kinabuhi nagporma kaniya, si Jose usab kinahanglan mohimo sa aktibo nga pagpili aron sa pagpabiling matinud anon. Ang paglikay sa tentasyon dili sayon, dili bisan sa atong mga bayani sa Biblia. Apan, pinaagi sa samang gahum nga gitanyag nganhi kanato karon, si Jose natakus sa pagsalikway sa dautan. Ang Dios andam sa pag andam sa matag usa kanato sa pagbarug nga lig on alang Kaniya, bisan pa niana sa dihang moabut ang panahon, kita kinahanglan mopili ug mobuhat niana sa atong kaugalingon bisan sa temporaryong linungtaran. Si Jose misalikway sa agni sa pagpakasala batok sa iyang Maglalalang, ug unsa ang misunod mao ang kaligutgut sa babaye nga sa hilabihan naibug sa iyang gawasnong dagway, apan kinsa dili makakita ni makadayeg sa iyang sulodnong katahum. Ingon nga resulta sa iyang kamatinudanon, si Jose gibilanggo diin ang mga bantay nagtratar kaniya uban sa kabangis. Apan ang Ginoo nag uban kang Jose, ug ang iyang tinuod nga kinaiya misidlak, bisan sa kangitngit sa bilanggoan. Gikan sa pagka-binilanggo ngadto sa pagka-gobernador Si Jose padayong nagmatinud anon diha sa iyang ubos nga buhat ingon nga binilanggo, ug ang Dios padayon nga nagdumala sa iyang kinabuhi. Pinaagi sa providensya sa Dios, si Jose miabut sa presensya ni Faraon, kinsa nakakita kang Jose nga mao lamang ang usa kinsa makaluwas sa Egipto gikan sa dakung hulaw ug kagutom. Si Jose nahimong gobernador sa Egipto, ug usab sa mga nagpalibut nga mga katawohan kinsa malaglag usab tungod sa hulaw nga molapdos sa rehiyon. Ingon nga gobernador sa Egipto, si Jose ikaduha lang ni Faraon, apan siya nagpadayon nga maayo, masaligan, ug matinud anon sa tanang butang una ngadto sa Dios dayon ngadto kang Faraon. Uban sa tanang gahum nga gihatag kaniya, si Jose sa kasayon makahimo sa pagpanimalos sa iyang mga igsoon, maingon man sa dautang asawa ni Potifar. Apan wala niya buhata, tungod kay siya sa gihapon nagmahal sa mga wala nagmahal kaniya. Inay sa pagsilot sa iyang mga igsoon, iyang gipakita ang kalooy, naghatag, nag-abi'abi, ug nagpanalipud kanila. Mga leksyon gikan sa kinabuhi Jose ni Ang ka importante sa mga ginagmayng butang: Si Jose matinud anon sa mga ginagmay nga mga katungdanan ug sa iyang gawi sa mga nagapalibut kaniya. Siya naglakaw nanghibalo nga siya naglakaw diha sa presensya sa Dios. Ang iyang kamatinud anon sa mga ginagmayng butang nag andam kaniya alang sa kalampusan; iyang nabatonan ang pabor sa kahimuot sa Dios ug sa mga tawo. Ang kinabuhi labaw sa tanan nagalangkob, dili sa dagkung mga sakripisyo ug makapatingala nga mga kalampusan, apan sa mga ginagmay nga butang. Kini maoy pinaka-kasagaran nga pinaagi sa gagmayng mga butang nga daw dili angayan tagdon nga ang dakung maayo o dautan madala diha sa atong mga kina- 14 Ang Tigmantala sa Reformasyon, Vol. 57, No. 6

15 buhi.... Sa pagbuhat lang sa prinsipyo diha sa mga pagsulay sa inadlaw nga kinabuhi nga kita makabaton og gahum aron sa pagbarug nga lig on ug matinud anon diha sa pinaka-delikado ug pinakalisud nga kahimtang. 7 Pailub: Sa Iyang langitnong kaalam, ang Dios wala magpakita kang Jose sa mga pagsulay nga iyang atubangon, ug naghimo kaniyang maghulat sa daghang mga tuig sa pagtan aw sa Iyang mga saad sa mahimayaong mga adlaw matuman. Magpailub usab kamo; lig-ona ang inyong mga kasingkasing: kay ang pagabut sa Ginoo haduol na (Jacobo 5:8). Ang pailub maingon man ang kaisug adunay mga kadaugan. Pinaagi sa kaaghop ilalum sa pagsulay, maingon nianang kaisug diha sa mga patigayon, mga kalag madaug ngadto kang Cristo. Ang Cristohanon kinsa magpakitag pailub ug kamaya ilalum sa kaguol ug pagantus, kinsa motagbo bisan sa kamatayon mismo uban ang kalinaw ug kakalma sa dili matarug nga pagtoo, mahimong makahimo alang sa evangelyo nga labaw pa kay sa iyang mahimo sa taas nga kinabuhi sa matinud anong pagbuhat. 8 Pagdumili-sa-kaugalingon: Aron mahimong matinud anon ngadto sa Dios nga iyang gihigugma, si Jose midumili sa iyang kaugalingon sa oportunidad nga mabatonan ang pabor ug pagbati sa asawa ni Potifar, bisan, sa iyang nakita, nga ang iyang pagkamatinud anon makahatag lang kaniya sa paglutos ug pag antus. Angay natong pilion ang sakto tungod kay kini sakto, ug itugyan ang mga linungtaran sa Dios. 9 Kadto lang kinsa mga umalambit ni Cristo diha sa Iyang pagdumili sa kaugalingon ug pag antus ang mahimong umalambit uban Kaniya sa Iyang himaya. 10 Ang pagdumili-sakaugalingon mao ang dili pagbuhat sa sayup nga ipabuhat sa imong kagustohan. Kini maoy pagsupak sa tentasyon sa pagsukol uban sa mga pulong ug buhat; sa pagpugong sa imong kaugalingon gikan sa pagpanaway sa uban; sa pagpailub uban niadtong kansang batasan makalain ug makapungot; sa pagbuhat nga makugihon nga walay usa nga buut mobuhat, dili aron dayegon o tungod kay obligasyon, apan tungod kay ang Dios buut nga imo ning himoon uban sa dili matay'og nga pag unong. Ang pagdu-mili-sa-kaugalingon mao ang pagsilbi sa uban sa diha nga ang unod nagapakigbisug kanimo nga silbihan ang kaugalingon. Gugma: Si Jose usa ka hulad ni Cristo. Siya naghigugma niadtong mga dili angayan higugmaon, niadtong nagsalikway kaniya. Gugma ang nakahimo niyang mopasaylo ug moluwas niadtong nagdagmal kaniya. Si Jose nakasinati sa gugma ni Jesus, ug niana siya nahimong usa ka tuburan sa kinabuhi, usa ka tigpahat sa gugma ni Jesus. Sa diha nga kita makasabut nga kita gihigugma ug gipasaylo sa Dios, niana ug niana lang, nga kita makahimo sa paghigugma ug sa pagpasaylo. Panapus Ang Dios makabuhat uban sa atong mga limitasyon; Siya makahimo sa pag ayo sa atong mga sayup. Bisan sa iyang mga kasaypanan, si Jose nagmadaugon. Kining matinudanong batan on mibutang sa iyang kaugalingon sa mga kamot sa Dios, ug mihukom nga ang Dios himoon niyang sa iyang kinabuhi. Ikaw ba usahay dili ka sabut mahitungod sa mga plano sa Dios alang kanimo? Dili na kinahanglan, ug dili bisan makahimo sa pagsabut sa tanan Niyang plano tungod kay ang Iyang mga hunahuna ug ang Iyang mga paagi mas taas kay sa ato. Apan dunay usa ka butang nga naa ra nimo: ang pagdesisyon nga magmatinud anon ngadto Kaniya, bisan sa mga sirkumstansya, ug sa pagsalig Kaniya kanunay ug magtoo nga Siya makahimo sa pagpasaylo kanimo ug sa pag ayo bisan sa imong kinadak ang mga sayup. Ang tanan nga nahimo ni Jose mahitungod sa pagsalikway sa tentasyon mao ang hiniusang paningkamot tali niya ug sa Dios. Siya gibansay sa pagsalig sa Dios sa iyang mga maagian, apan kinahanglan usab siya nga mopili mismo sa pag ingon dili ngadto sa tentasyon. Dili ni butang nga siya ra ang maghimo. Ang Dios nagaandam sa matag usa kanato sa pagbarug nga lig on alang Kaniya, apan kita ang mohimo sa lihok. Kinahanglan mopili ta ug mohimo niana. Dili ni sayon alang ni Jose. Dili kini sayon alang kanato. Sa diha nga kini sa kanindot giusa ingon nga sugilanon, kini daw sayon kaayo, apan dili na ingon ana kasayon. Ikaw ba lahi ingon nga si Jose lahi? Si Jesus ba nagasidlak pinaagi kanimo? Ikaw ba nagkinabuhi sa matinud anon, madaugong kinabuhi? Kita nagkinahanglan og gahum aron magkinabuhi maingon ni Cristo. Siya nagsaad: kamo makadawat og gahum. kita nagkinghanglan ni Jesus aron modaug sa gubat ibabaw sa sala, sa pagbungkag sa mga pader sa kadalo ug katapulan, sa pagkab'ut ug pag-usab sa mga tawohanong kasingkasing. Hinaut si Jesus mahimong tinuod sa akong kinabuhi ug sa inyong kinabuhi ingon nga Siya diha sa kinabuhi ni Jose. Siya moanhi na sa dili madugay aron pagkuha kanato pauli sa atong balay. Higayon na nga mosidlak! R Mga Referensya 1 Patriarchs and Prophets, p Ibid., p Ibid. pp. 213, Ibid., p Ibid. 6 Ibid. 7 The Ministry of Healing, p The Acts of the Apostles, p The Great Controversy, p Selected Messages, bk. 2, p Ang Tigmantala sa Reformasyon, Vol. 57, No. 6 15

16 Ang Maayo ug Lumo nga Pangulo Merkules, December 7, 2016 Ni L. Tudoroiu Ang gasa Ang sugilanon ni Moises maoy usa nga nakapanaw sa tibuok kalibutan, usa ka handumanan ngadto sa pagdayeg ug pagtahud nga iyang nakuha diha sa daghang mga kaliwatan ug mga kultura. Moises ang ngalan nga naghimo sa tibuok nasud nga Judio nga miburot sa garbo ug nanghambug sa kabantog niining inila nga manluluwas. Apan luyo unsay nahibaloan sa kalibutan mahitungod ni Moises, o bisan unsay ipaila sa tradisyon sa mga Judio niining inilang tawo sa Dios, unsa lang gyud ang nagpabilin sa mga tawo mao ang matahum nga sugilanon sa Biblia nga mahinumduman sa mga bata ang sugilanon sa gamayng arka uban sa naghilak nga gamayng bata nga si Moises. Ang Dios sa Israel maloloy-on nga 16 1 nagtan aw sa Iyang gidaugdaug nga katawohan sa 400 taas nga mga katuigan sa pagkaulipon. Karon ang Tigmugna sa panahon andam sa pagtuman sa tagna ug pagluwas sa Iyang katawohan pinaagi sa gasa nga pagatawgon Moises. Ang liput Si Moises misulod sa talan awon sa diha nga ang kadalo ni Faraon, kasilag, ug perso-nal dinautan nga mga ambisyon miabut sa kinapungkayan. Si Moises mao ang tubag sa Dios alang sa masakiton-sagarbo nga emperio sa Egipto. Ang Egiptohanong faraon naglaum nga ang kamatayon ni Jose magpala sa handu- manan sa iyang nasud sa Dios ni Jose nga nagpreserbar kanilang tanan. Hinuon kita makabasa nga sa labing gisakit ang mga Hebreohanon sa mga Egiptohanong kapatas, sa labi hinoon nga midaghan sila, ug labi pa nga mitubo sila (Exodu 1:12). Bisan kanus-a ang mga katawohan nga nagrepresentar sa iglesia sa Dios mag atubang sa pinaka-bangis nga paglutos ilalum sa lain-laing mga hari ug mga emperador, inay nga mogamay midaghan hinoon. Sa ingon ang gugma sa Dios napakatag sa daghang mga kasingkasing taman sa mahimo ug nahitabo nga ang Dios ni Moises mao ang mahimong Dios sa umalabut nga kaliwatan sa daghang tomotoo. Ang Tigmantala sa Reformasyon, Vol. 57, No. 6

17 Langitnong Providensya Sa tibuok hulagway, daw ang pagkatawo ni Moises dili sakto sa panahon ug sa dapit. Apan ang Dios sa langit dili kinahanglan nga magsaysay kang bisan kinsa sa Iyang mga tumong ug katuyoan. Busa, sa maong higa-yon ang pagtoo sa mga ginikanan ni Moises si Amram ug Jochebed nakusgan ug ang Ginoo miganti sa ilang kaisug. Ang pagtoo ni Jochebed dili matugkad sa tawo, ug ang mga anghel sa Dios gipadala aron sa pagpanalipud sa bata alang sa iyang importante kaayo nga tahas. Ang mao gayud nga mando nga gituyo aron paglaglag sa bata giwakli sa Providensya. Usa ka lomulupyo sa Egipto Sa ingon nga ang gamayng arka nga bugang naglutaw sa Nilo, ang mga hangin ug ang sulog sa dakung suba misunod sa kabubut on sa Dios, nagmaniho niana ngadto sa dapit diin ang anak nga babaye ni Faraon miadto aron maligo. Sa sinugdanan siya natingala, apan sa diha nga iyang giablihan ang arka, ug nakita ang kinalooyan sa mga makalolooy, ang iyang kasingkasing natandog sa hilabihan ug natandog pinaagi sa kahimtang sa gamayng bata. Karon si Moises adunay inahan ug puloy anan ug sukad niana, ang Egipto adunay kaugmaon. Ang bayani niini nga kapitulo mao si Jochebed, ang matuod nga inahan nga naghatag sa bata sa kina-maayohan sa tanang mga pinakamaayong edukasyon nga nadawat sa usa ka tawo. Si Jochebed mao ang inahan nga nakigbugno batok sa panahon, ug siya migamit sa matag segundo, nagaihap sa mga adlaw, midaginut sa mga gabii, hangtud nga ang masakit nga higayon moabut sa dihang ang iyang anak moatubang sa pinaka-malalangong pagsulay diin matagbo sa tawo sa ilang panahon. Ingon nga usa ka sinagop nga apo ni Faraon ug manununod sa trono, si Moises nakadawat sa kinatas ang pagbansay sa militar ug sa pangkatawohan ingon nga heneral siya tawo sa panggubatan. Sa katapusan siya nahimong idolo sa nasudnong garbo. Ang kinanindutan nga talanawon nga mahanduraw sa tawohanong mata napasundayag sa atubangan ni Moises; ang kamadanihon sa kalibutan ug ang kaluho sa mga kalipayan anaa sa iyang mga tiil, andam nga mopasamot sa iyang mga pagbati ug motagbaw sa iyang kaugalingon. Siya ba mahulog, o siya ba mobarug alang sa iyang unang gugma, ngadto sa Dios sa iyang pagkabata? Si Moises haum nga mokuha sa pagkalabaw diha sa mga kadagkuan sa yuta, aron mosidlak diha sa mga sawang sa pinaka-mahimayaong gingharian, ug sa pagtabyog sa setro sa iyang gahum.... Ingon nga batid sa kasaysayan, magbabalak, batid sa pangatarungan, heneral sa kasundalohan, ug magbabalaod siya nagbarug nga walay makatupong. Apan bisan pa sa kalibutan nga naa sa iyang atubangan, siya adunay kusog sa pagdumili sa maulog-ulogong mga bahandi, kadaku, ug kabantog, Gipalabi niya ang pag-antus uban sa katawohan sa Dios (Hebreo 11:25). 1 Sa ngalan sa justicia Ensakto nga sa diha nga ang kalibutan sa Egipto andam nga makakita sa kausaban aron magsiguro sa kaugmaon niini nga emperio, si Moises nakahimo sa dili mapasaylo nga buhat ug nahimong usa ka magbubudhi sa nasud. Sa pagpatay sa Egiptohanon, si Moises nahulog sa samang sala sa iyang mga amahan, sa pagkuha ngadto sa ilang kaugalingong mga kamot sa buhat nga gisaad sa Dios nga buhaton. Dili kabubut on sa Dios nga ang iyang katawohan luwason pinaagi sa gubat, ingon sa gihunahuna ni Moises, apan pinaagi sa Iyang kusganong gahum, aron nga ang himaya mahimong mahatag lamang Kaniya. Apan bisan pa niining dinali-dali nga buhat mipaibabaw ang Dios aron sa pagtuman sa Iyang mga katuyoan. Si Moises dili andam alang sa iyang dakung buhat. 2 Sa panan aw sa uban ang buhat ni Moises ensakto, base sa tawohanong katarungan ug moralidad. Ang tawohanong mga sulbad kanunay mas inila kay sa mga sulbad sa Dios, tungod kay sila nagalakip sa tawohanong katakus, nagatagbaw sa iyang nailad nga tawohanong tendensya nga mosulay nga matakus sa kaluwasan. Ang kamadali-dalion ni Moises sa pagpatay sa Egiptohanon gimandoan sa mapangahasong espiritu. Ang pagtoo nagalihok diha sa kusog ug kaalam sa Dios, ug dili diha sa paagi sa mga tawo. 3 Unsa ka daghan ang gipatay, gipaantus, gilutos, o gipalagpot sa ngalan sa Dios o sa ngalan sa justicia? Bisan kanus a nga kita napuno sa samang mga emosyon nga mopaingon sa pagsakmit sa atong pagtoo ug pagsunod sa Dios, kita mapariha nga mo-buhat sa samang paagi diha sa tinuod nga pangkatilingban, relihiyoso, o binalaod nga kahimtang. Si Moises, ang umalabut nga Faraon, ang tawo sa espada, kinahanglan matawo pag usab, apan dili siya andam. Ang mahimong magluwas kinahanglan nga maluwas una gikan sa ilang kaugalingong pagdumot sulod nila. Espirituhanong pag-opera gikinahanglan aron sa pagputol sa dugay nang napundok nga pagdumot batok sa Egiptohanong kaulipnan; si Moises nagkinahanglan sa usa ka bag ong kasingkasing ug sa usa ka bag ong espiritu. Ang kalayo Ang mga inpluwensya nga nagpalibut [ni Moises] sa Egipto ang sa iyang ina-ina, ang iya mismong taas nga ranggo ingon nga apo sa hari, ang mga pagpatuyang sa bisan diin, ang kamaayo, ang kamalimbongon, ug ang kahan ay sa bakak nga relihiyon, ang katahum sa madios-diosong pagsimba, ang solemning gantong sa gambalay ug estatuwa tanan kini nagbilin og halalum nga pagpasantup diha sa iyang naglambo nga hunahuna ug nagholma, sa ubang kahimtang, sa iyang mga batasan ug kinaiya. Panahon, kausaban sa mga palibut, ug pagpakigsulti sa Dios makakuha niini nga mga dagta diha sa hunahuna. Kini nagkinahanglan sa kabahin ni Moises mismo sa usa ka pagpakigbisog ingon sa tibuok kinabuhi aron pagwagtang sa mga bakak ug sa pagdawat sa kamatuoran, apan ang Dios maoy iyang katabang sa diha nga ang away hilabihan ka bug at alang sa tawohanong kusog. 4 Kon atong tan awon ang kasaysayan ni Moises, dali natong mamatikdan nga ang iyang kinabuhi nabahin sa tag 40 ka bahin. Sa edad nga 40, siya andam nga mohari sa kalibutan pinaagi sa gahum sa espada. Siya andam nga moluwas sa iyang nasud pinaagi sa tawohanong kusog apan dili andam nga mogiya sa katawohan sa Dios gikan sa kaulipnan. Ang Providensya naghukom nga gikinahanglan siya ibutang sa laing 40 ka mga tuig aron pagtangtang sa Egipto gikan sa kasingkasing ni Moises. Mao kini ang kasinatian sa 40 ka tuig nga pagbansay ni Moises didto sa kamingawan. Aron sa paghatag niana nga kasinatian, ang Walay Kinutuban nga Kaalam wala mag isip sa panahon nga taas kaayo o ang kantidad mahal kaayo. 5 Ang ipabuhat Sa mga edad nga 80, si Moises sa katapusan nakasabut nga dapat siya magbalantay, dili manggugubat ug niana siya nakadawat sa sugo gikan sa Dios uban Ang Tigmantala sa Reformasyon, Vol. 57, No. 6 17

18 nianang aghop ug mapaubsanong espiritu nga ang Biblia nagtawag kaniya nga mapi-naubsanon kaayo, labaw kay sa tanang mga tawo sa ibabaw sa yuta., (Numeros 12:3). Si Moises wala lang naghunahuna sa Dios, siya nakakita Kaniya. Ang Dios mao ang iya kanunay nga ginatan aw. Wala gayud siya milingi gikan sa Iyang nawong. Kang Moises ang pagtoo dili banabana; kini katinuoran. Siya nagtoo nga ang Dios sa pinasahe nagdumala sa iyang kinabuhi ; ug diha sa tanang detalye iyang giila Siya. Alang sa kusog sa pagsukol sa tanang tentasyon, siya misalig Kaniya. 6 Ang pangulo Ang ka talagsaon ni Moises mitunga sa higayon sa dakung pagka-apostasiya; ang pagsimba sa bulawan nga baka. Siya mibarug nga lig on batok sa sala sa iyang nasud, apan iyang gitimbang ang kahimtang sa diha nga ang iyang gugma alang kanila nagdasig nga siya mo ampo sa mahimong pinaka-talagsaong pag-ampo nga malitok sa mamalatyon. Sa pagsulod sa campo, si Moises milabay sa mabagang duut sa mga gahudyaka, ug migunit sa dios-dios, gisalibay kini sa kalayo. Sa ulahi iya kining gipulbos, ug tapus gisabyag sa tubod nga nagagikan sa bukid, gipaimon niya ang katawohan niini. Sa ingon nakita ang ka walay hinungdan sa dios nga ilang ginasimba. 7 Mao ni ang kahulogan sa pagbarug nga lig on batok sa sala. Tingle makita nga way kalooy, apan kini sakto nga buhat tungod sa lunsay nga gugma alang kanila ingon nga katawohan ug sa iyang pagpangabugho alang sa dungog ug himaya sa Dios. Gugma nga dili ubos sa justicia nagakinahanglan nga kining salaa [pagsimba sa bulawang baka] pagahukman. Ang Dios mao ang magbalantay maingon man ang pangulo sa Iyang katawohan. Iyang pagaputlon kadtong determinado sa pagsukol, aron sila dili mogiya sa uban sa kalaglagan. Kini kalooy sa Dios nga ang linibo mag antus, aron sa pagsanta sa paghukom diha sa minilyon. Aron sa pagluwas sa daghan, Iyang silotan ang dyutay. 8 Ang tribo ni Levi wala miapil sa pagsimba sa dios-dios, ug ang uban gikan sa ubang tribo nagpakita sa paghinulsol. Apan ang dakung pundok, kasagaran sa sagol nga panon maoy nanguna sa paghimo sa nating baka, nagpagahi sa ilang pagsukol. Sa ngalan sa Ginoo, Dios sa Israel, si Moises karon nagsugo niadtong naa sa iyang toong kamot, kinsa nagpabilin sa ilang mga kaugalingon nga walay buling sa pagdios-dios, sa pagsakub sa ilang mga espada ug patyon ang tanan kinsa nagpagahi sa pagsukol. Ug nangapukan sa katawohan niadtong adlawa ang totolo ka libo ka tawo (Exodus 32:28). Sa walay pagtagad sa ranggo, kabanay, o panaghigala, ang nagulo sa kadautan giputol; apan tanan kinsa naghinulsol ug nagpaubos sa ilang kaugalingon gikaloy an. 9 Mao kini ang justicia nga kabahin sa pag ugba sa kinaiya ni Moises sa lugar sa Dios. Tapus niana, siya miadto aron sa pagpataliwala niadtong mga sad an, apan naghinulsol. Nakasala kamo ug usa ka dakung sala, siya miingon, ug karon motungas ako ngadto kang Jehova; tingali magabuhat ako ug halad-sa-pagtabon sa sala alang sa inyong mga sala. Siya mitungas, ug sa iyang pagsugid atubangan sa Dios siya miingon, Oh, kining katawohan nakasala og usa ka dakung sala, ug nagbuhat sila og mga dios nga bulawan. Apan karon, kong pasayloon Mo ang ilang sala ; ug dili ugaling, palaa ako, ginaampo ko Kanimo, gikan sa Imong basahon nga gisulatan Mo. (Exodu 32:30-32). Unsa nga pag-ampo kini! Sa daghang mga katuigan kita naghandum nga moawit sa awit ni Moises ug sa awit sa Cordero apan dyutay lang ang nakasabut sa konsepto kun unsa ang kahulogan niining kantaha, unsa ang pagbati, unsa ang emosyonal nga sulod sa kasingkasing kun kitang tanan mokanta niining kantaha, ug sa unsa nga sukod kining kantaha mopadayag sa leksyon sa atong personal yutan ong panaw ug kasinatian. Kita ba nag ampo sama sa ampo ni Moises, nagingon: Ginoo, kon dili Mo dal on pagbalik ang akong anak nga lalake o ang akong anak nga babaye, kon dili Mo pasayloon ang sala sa akong katawohan, akong ginsakpan, kon dili Mo dawaton ang ilang paghinulsol, nan; kon dili, palaa ako, nag ampo ako Kanimo, gikan sa Imong basahon nga Imong gisulatan? Tapus sa personal nga paghunahuna niining tipik, nga kasaysayan akong nasabtan alang sa akong kaugalingon nga dili tanang tawo kinsa nagtawag sa iyang kaugalingon nga pangulo tinuod nga pangulo ug dili tanan mahimong pangulo. Mokiling ta sa pagtan aw nga si Moises ingon nga tawo sa espada ug si Aaron, iyang igsoon sa dugo, ingon nga desenting tawo, nagakaigo, maalam, hayahay, inila sa katawohan, ug madanihon kaayo. Apan diin si Aaron sa dihang si Moises nagapangalyupo alang sa iya usab nga kinabuhi? Diin siya nianang kahimtang sa pag ingon: Kon dili, palaa ako, nagampo ako Kanimo, gikan sa Imong basahon nga Imong gisulatan? Karon akong nasayran! Gapahayahay, mahigugmaon-sa-kasayon nga Aaron sa pagtandi mahigugmaon sa kaugalingon samtang si Moises nagahigugma sa panon. Si Aaron nahadlok tungod sa iyang kina-buhi, si Moises wala; si Aaron wala nabalaka sa katawohan sa Israel; si Moises andam nga magpakamatay alang kanila mao kana ang kalainan. Ako nangayo ni Ginoong Jesus sa kapasayloan alang kanatong tanan, sa tanang hitabo nga kita naa sa samang makasusubong, pildi nga kahimtang maingon kang Aaron. Sa laing bahin, pinaagi sa inadlawng pagtugyan, si Moises mitugot sa Dios nga siya mahimong unsa siya. Ako ba andam nga mohimo sa maong butang? Ang hingpit nga pagkasagol sa justicia ug kalooy nakakaplag sa hingpit nga pagka-angay sa kinabuhi niining dakung tawo sa Dios. Gawas kang Jesu-Cristo ug apostol Pablo (Roma 9:13), nia ang tawo nga andam makigbaylo og dadangatan uban sa katawohan. Ang iyang ngalan si Moises ug mao na kun ngano nga kita makakanta sa kanta ni Moises ug sa kanta sa Cordero. Ang panan awon Tapus sa daghang mga katuigan sa paghago uban sa mga masukolon, bagulbulan, gahig-ulo nga katawohan, si Moises na apsan sa kasaypanan sa iyang pagkatigulang. Sa usa ka gutlo sa kakapoy, ang iyang pailub mi-awop, ug ang tawoha-nong elemento napakyas sa paghatag sa himaya ngadto sa Dios. Ang edaran nga Moises milapdos sa bato makaduha. Hunghongan lang unta ang bato, apan tungod sa paglapdos niini siya gayud misalikway sa simbolo ni Cristo. Sa iyang pagkuha sa dungog ug gahum ngadto sa iyang kaugalingon, si Moises nagpakaulaw sa iyang Maglalalang. Sa usa lang ka ponto, sa usa lang ka higayon tapus sa daghang mga tuig nga pagsunod, si Moises nakabuhat sa usa ka sayup nga nagputol sa iyang kaugmaon diha sa yutang saad. (Deuteronomio 3:23-26). Ang dakung Magmamando sa mga nasud nagdeklarar nga si Moises dili mangulo sa katawohan sa Israel ngadto sa maayong yuta, ug ang tininuod nga 18 Ang Tigmantala sa Reformasyon, Vol. 57, No. 6

19 hangyo sa ulipon sa Dios dili makakuha sa kausaban sa Iyang gipamulong. Siya nahibalo nga siya mamatay. Bisan pa man wala siya milunga sa iyang pag atiman sa Israel bisan usa ka gutlo. Siya sa kamatinud anon naninguha sa pag-andam sa katilingban sa pagsulod sa gisaad nga panulondon. 10 Daw unsa nga pangulo, nahibalo nga dili na siya kabahin sa Proyekto nga Yutang Saad! Karon nawad an na sa prebilehiyo alang sa iyang kaugalingon, apan siya sa gihapon nagpreserbar sa samang espiritu sa pagsakripisyo sa kaugalingon nga alang sa Israel. Wala siya militok og bisan unsa nga pagbasol kang bisan kinsa; siya mapaubsanon, walay bagolbol, midawat sa iyang kapalaran ug misunod sa Dios nga walay giapas. Ang ikaduhang inila nga pag-ampo sa kinabuhi ni Moises, gilitok alang sa iyang kaugalingon: Nagaampo ako Kanimo, paagia ako, ug magatan-aw ako niadtong yuta nga maayo, nga anaa sa tabok sa Jordan, niadtong maayong bukid, ug sa Lebanon (Deuteronomio 3:25). Ang kinamaayohan nga pulong nga mahimo sa tawo, ang kinakusgan nga pagbati, ang kinalaluman ug nagaagulo nga paghangyo gibutang diha sa matag ginhawa nianang ampoa. Bisan pa niana mao kini ang unang higayon nga si Moises nakadungog sa pulong DILI gikan sa Usa nga iyang mahal nga Higala, Labaw, Magtatambag, ug labaw sa tanan iyang Dios. Ang tanang mga pag-ampo gitubag nga Oo gawas Ang Tigmantala sa Reformasyon, Vol. 57, No. 6 niining usa. Daw unsa kasakit kini alang kaniya, bisan pa man siya nagpaubos nga misugot ngadto sa tingog nga nagaingon: Tumungas ka... sa bukid sa Nebo,... Ug tan-awa ang yuta sa Canaan, nga Akong gihatag aron mapanag-iya sa mga anak sa Israel; ug mamatay ka sa bukid nga diin ikaw motungas, ug igaipon ka sa imong katawohan (Deuteronomio 32:49, 50). Si Moises kanunay magbiya sa campo, sa pagsunod sa langitnong mando, aron sa pagpakigsulti sa Dios; apan siya karon mobiya sa usa ka bag o ug misteryuso nga lakaw. Molakaw siya aron i-uli ang iyang kinabuhi sa mga kamot sa iyang Maglalalang. Si Moises nahibalo nga siya mag inusara nga mamatay; walay higala nga tugutan nga makaatiman kaniya sa iyang mga pagpinal. 11 Apan ang atong Dios kinsa kanunay usa ka kahibulongan nga Dios ug usa ka katingalahan nga Dios nagpreserbar sa kinatapusan, pinakatam is nga leksyon alang sa Iyang higala nga si Moises alang sa katapusan. Unsa ang nakahimo nakong masubo ug moyukbo sa tiilan ni Jesus kining katapusan.... Sa diha nga si Jesus nagsulti nga dili siya makasulod sa yutang saad, si Moises walay laing makita sa unahan gawas sa lubnganan. Naa siyay paglaum nga mabanhaw; iyang nasayran nga gipasaylo siya tungod kay halos dihadiha ang iyang paghinulsol. Ang Dios nagpakita kaniya nga Siya mipasaylo kaniya, apan uban sa gulang na, gikapuy nga mga mata, si Moises makita lang sa katapusan sa iyang kinabuhi. Usa sa mga kina-nindutan nga mga pakigpulong nga nalitok sa tawohanong mga dila mao ang pakigpulong sa panamilit ngadto sa iyang pinalangga nga panon. Walay hitabo sa panaw sa paggula nga ang Israel namati uban sa hilabihang pagtahod, pagbati, kaguol sa pagmahay, kalooy, ug mga luha alang sa ilang pangulo maingon niining katapusang pakigpulong ni Moises. Sila nanaghilak; kon aduna lang unta silay mahimo sa pagpabilin kaniya ila gyud unta nga himoon bisan ang pagsimba sa iyang patay nga lawas, kon mahimo. Walay laing higayon nga si Moises ilang gibilhan pag ayo kay sa karon, apan ang hukom sa Dios hugot. Ang katapusang gakus nahatag, ang katapusang mga pulong nasulti. Nabug atan sa paghunahuna alang sa iyang mga hinigugma, gikapoy, ug naluya, siya nag inusara nga misaka sa bukid. Daw unsa ka mabination nga magbalantay! Ang tibuok langit nagtan aw sa hitabo. Oh, kon ang mga mata ni Moises mabuksan, kon bisan sa usa ka sigundo lang iyang makita ang iyang hinigugmang HIGALA naglakaw tupad niya.... Apan, wala, imnon niya ang kopa nga mag-inusara ug mamalandong ilalum sa inpluwensya sa iyang Agalon, sa iyang kagahapon, sa karon, ug sa umalabut nga kinabuhi. Sa katapusan, ang gugma sa Dios mibungkag sa mga panganod sa iyang hunahuna nagwagtang sa kangitngit ug nagdala g kahayag sa tanang lawak niini. Uban sa tibuok kusog sa Iyang langitnong gugma, ang Ginoo nagpakita ngadto kang Moises sa umalabut nga panahon, ang dakung away, ang hitabo hangtud sa pagsira sa kasaysayan sa diha nga iyang nakita nga ang usa kinsa miabli sa ganghaan sa Balaang Siyudad mao si Cristo! Unsa ka makagagahum nga gutlo, unsa nga diskobre! Paigo na, mituaw ang iyang kasingkasing. Ako mauban Kaniya didto. Si Moises nakakita nga ang dungog nga gihatag ni Cristo kaniya sa hilabihan labaw kaayo kay sa iyang gidahum. Ang yutan ong gisaad nga yuta mihanap diha sa dili ikatumbas nga pagtandi uban sa dakung panan'awon nga iyang nakita. Dayag gayud nga si Moises usa sa mga dagkung bayani sa Biblia, nagsimbolo ni Jesu-Cristo ang Manunubos sa kalibutan sa tanang aspeto sa iyang kinabuhi, milakip sa iyang kaugalingon diha sa mga pag-antus sa iyang katawohan, sa kamapuanguron misabut sa ilang panginahanglan ug mga kaloyahon. Ug sa katapusan, ang langit mao si Jesu-Cristo nga atong Manunubos Siya ang kahulogan, ang hinungdan sa tanang butang ang atong gibuhat niining kinabuhi-a ug sa kinabuhi sa umalabut. R Mga Referensya Patriarchs and Prophets, p [Emphasis added.] 2 Ibid., p Fundamentals of Christian Education, p [Emphasis added.] 4 Patriarchs and Prophets, p [Emphasis added.] 5 Education, p. 64. [Emphasis added.] 6 Ibid., p. 63. [Emphasis added.] 7 Patriarchs and Prophets, p Ibid., p Ibid., p Ibid., p Ibid., p [Emphasis added.] 1 19

20 Ang Propeta sa Pagpasig-uli Biernes, December 9, 2016 Ni A. C. Sas Ang kahimtang sa Israel Sa kaadlawan ni haring Ahab, ang katawohan sa Israel anaa sa hilabihan nga pagka-apostasiya. Ang hari mismo mao ang nangulo sa makalilisang nga kahimtang. Ang Biblia nagpahibalo kanato nga si Ahab ang anak ni Omri, naghimo sa dautan sa mga panan-aw ni Jehova labaw pa sa tanan nga nanghiuna kaniya. Ug nahitabo, nga ingon sa usa lamang ka magaan nga butang kaniya ang paglakaw sa mga sala ni Jeroboam ang anak ni Nabat, nga iyang gipangasawa si Jezebel ang anak ni Etbaal, nga hari sa mga Sidonhanon, ug miadto ug mialagad kang Baal, ug misimba kaniya, ug nagtukod siya ug usa ka halaran kang Baal sa balay ni Baal, nga iyang gitukod sa Samaria. Ug gibuhat ni Ahab ang usa ka Ashera; ug si Ahab naghimo sa labaw pa 20 sa pag-hagit kang Jehova, ang Dios sa Israel, sa pagpasuko kay sa tanang hari sa Israel nga nanghiuna kaniya (1 Hari 3033). Si Baal gisimba ingon nga pinakalabaw nga langitnon, ang dios sa katabunok. Ang hari, mga pari, ug mga propeta ang tanan nagsimba niining bakak nga dios. Wala kaayo tay daghang inpormasyon mahitungod ni Elias sa wala pa siya miadto kang Ahab. Ang Biblia nagpaila kaniya sa kalit ingon nga si Elias nga Thisbinhon. Siya gikan sa Thisbi, usa ka lungsod sa Galaad. Si Elias wala maghatag og pinasaheng pasiuna ngadto sa hari; sa yano iyang gisulti ngadto kaniya ang mensahe sa Ginoo. Talagsaon ang iyang mensahe: Ingon nga buhi si Jehova, ang Dios sa Israel, sa kang kinsang atubangan ako nagatindog, walay tun-og bisan ulan niining mga tuiga, kondili sumala sa akong pulong (1 Hari 17:1). Siguro gayud, ang hulaw ug ang gutom misunod ug tungod sa kakulang sa pagkaon sa kayutaan, ang Dios nagsugo sa propeta nga magpuyo daplin sa sapa sa Cherith, duol sa Suba sa Jordan, diin Siya nagsaad nga magpakaon kaniya. Siya nagpadala og tinapay ug unod nga pagkan on, ug naghatag sa tubig gikan sa sapa aron iyang mainum. Sa madali, ang hulaw nahimong hilabihan ka terible nga gani ang sapa sa Ang Tigmantala sa Reformasyon, Vol. 57, No. 6

21 Cherith nahubas. Busa, ang Ginoo nagpadala ni Elias ngadto sa balay sa usa ka balo ug sa iyang anak. Siya gisugo nga sultihan ang balo nga kuhaon ang iyang katapusang kumkom sa harina ug lana aron himoan siya sa gamay nga tinapay, ug unya maghimo alang sa iyang kaugalingon ug sa iyang anak. Daw dinalo kaayo tan awon nga magpahikay og una sa balo og pagkaon, ug unya sunod ang iya ug sa iyang anak. Apan niining paagiha siya gisulayan. Pinaagi sa Pagtoo siya misugot ug ang Ginoo sa kahibulongan mipalugway sa pagkaon sa iyang puloy'anan hangtud ang hulaw natapus. (Tan awa ang Hari 17:10-16.) Si Elias gipadala kang Ahab Ang hulaw hilabihan ka makalilisang nga wala na gyuy bisan sagbut nga makaon sa mga mananap. Ug ang gutom mabug-at kaayo sa Samaria (1 Hari 18:2). Ang hari nasuko pag ayo ug nagpatawag ni Elias, nagbasol kaniya sa nagalabi nga kalamidad sa diha nga siya mihimamat kaniya uban sa gipasabut sa pasangil: Ikaw ba ang magsasamok sa Israel? (bersikulo 17). Ang mensahero sa Dios wala nahadlok ni nalisang, apan hinuon nagbadlong sa hari, nag ingon: Ako wala makasamok sa Israel; kondili ikaw, ug ang balay sa imong amahan, tungod kay inyong gisalikway ang mga sugo ni Jehova, ug ikaw nagasunod sa mga Baal (bersikulo 18). Nagabadlong sa mga sala sa katawohan Karon si Elias nangulo pinaagi sa pag ingon sa hari nga tigumon ang tanang katawohan ug ang mga propeta ni Baal aron magtagbo didto sa Bukid sa Carmel. Ang mando gipatuman pinaagi sa usa nga daw nagtindog diha sa presensya ni Jehovah; ug si Ahab misugot dayon, ingon nga daw ang propeta mao ang hari, ug ang hari usa ka sakup. 1 Sa diha nga sila nagkatigum na, 450 ang mga propeta ni Baal, 400 ang mga propeta sa kalasangan (1 Hari 18:19), ug ang mga katawohan, si Elias naghagit kanilang tanan uban sa diretso, makapasantup nga mensahe: Hangtud kanus-a ba nga magakiangkiang kamo sa taliwala sa duha ka daplin? Kong si Jehova Dios man, sumunod kamo kaniya; apan kong si Baal nan sumunod kamo kaniya. Ug ang katawohan wala tumubag kaniya bisan usa ka pulong (bersikulo 21). Ang katawohan anaa sa hilabihan nga kasamok ug sa hilabihan nagpagahi pinaagi sa paglapas nga sila dili makaila tali sa tinuod nga Dios ug ni Baal. Sila naghilum. Walay usa diha sa dakung pundok ang nangahas sa pagpakita sa ilang pagunong kang Jehovah. Sama sa mangitngit nga panganod, ang limbong ug kabuta milukop sa Israel. Dili kalit kining ikamatay nga pagkaapostasya miabut kanila, apan anam-anam, sa siging palingoglingog sa mga pulong sa pasidaan ug pagbadlong nga gipadala sa Dios ngadto kanila. Ang Kada pagbiya sa saktong pagbuhat, kada pagdumili sa paghinulsol, nagpalalum sa ilang sala ug naggiya kanila palayo gikan sa Langit. Ug karon, niini nga krisis, sila mipadayon sa pagdumili sa ilang pagbarug alang sa Dios. 2 Gilibutan sa mga linibo, si Elias maisugong mibarug nga nag-inusara. Apan ang mga langitnong anghel kadapig niya. Nakig-atubang sa mga propeta ni Baal Si Elias mihagit sa mga katawohan sa paghatag kang Jehovah ug sa mga sumosunod ni Baal sa kahigayunan nga ang matuod nga Dios magatubag pinaagi sa kalayo. Ingon nga resulta, maisugon tanawon ug masinupakon, apan uban sa kahadlok sulod sa ilang sad'an nga mga kasingkasing, ang mga mini nga pari nagandam sa ilang altar, nagbutang og kahoy ug halad; ug unya misugod sa ilang mga paghugyaw. Ang ilang syagit malanog ug milanog pabalik-balik sa mga kalasangan ug sa mga nagpalibut nga mga kabunturan, sa pagtawag sa ngalan sa ilang dios, nagaingon, O Baal, pamatia kami (bersi-kulo 26). Ang mga pari nagpalibut sa altar, ug uban sa paglukso-lukso ug paglimbag-limbag ug pagsinggit, uban sa paglagnot sa buhok ug paghiwa sa ilang unod, naghangyo sa ilang dios nga tabangan sila. Ang buntag milabay, kaudtuhon miabut, ug wala gihapoy evidensya nga si Baal nakadungog sa mga singgit sa iyang mga nailad nga mga sumosunod. Walay tingog, walay tubag, sa ilang tarantadong mga pag-ampo. Ang halad nagpabilin nga mao ra gihapon. Sa ilang pagpadayon sa ilang tinarantado nga devosyon, ang maro nga mga pari kanunay misulay sa pagpangitag paagi nga maduslitan nilag kalayo ang altar ug magpatoo sa mga tawo nga ang kalayo miabut direkta gikan ni Baal. Apan si Elias nagbantay sa tanang lihok; ug ang mga pari, naglaum sa walay paglaum alang sa higayon nga makalimbong, nagpadayon sa ilang way hinungdan nga seremonya.... Sa katapusan, ang ilang mga tingog nangapagaw tungod sa pagsinggit, ang ilang mga bisti nadagtaan sa dugo tungod sa mga samad nga ilang gituyo pagsamad, ang mga pari nangaluya. Uban sa mao gihapon nga kadasig ila na karon gisagulan ang ilang mga paghangyo uban sa mga ngil'ad nga pagpanunglo ngadto sa ilang dios-nga-adlaw, ug si Elias padayong nagbantay pag'ayo; kay siya nasayud nga kon sa bisan unsang paagi ang mga pari molampus sa pagdagkot sa ilang altar og kalayo siya dihadiha kuniskunison. Ang kagabhion hapit na. Ang mga propeta ni Baal gikapoy, naluya, naglibog. Ang usa magsugyot sa usa ka butang unya ang usa lain pud, hangtud nga sa katapusan sila mihunong sa ilang mga paningkamot. Ang ilang mga pagsyagit ug mga pagpanunglo wala na milanog sa Carmel. Sa kaluya sila miundang sa bangga. 3 Gipasig-uli ang pagsimba sa matuod nga Dios Takna na alang sa gabhion nga halad, ug si Elias nagsugo sa katawohan, Duol mo kanako (bersikulo 2). Ingon nga sila nagakurog nga nanuol, siya milantaw sa naguba nga altar diin ang mga tawo nagsimba sa Dios sa langit, ug nag'ayo niini. Alang kaniya kining pundok sa naguba mas bililhon kay sa tanang matahum nga mga altar sa mga hentil. Sa iyang pag'ayo niining karaang altar, si Elias nagpakita sa iyang pagtahud alang sa pakigsaad nga gihimo sa Ginoo uban sa Israel sa diha nga sila mitabok sa Jordan ngadto sa Yutang Saad. Mipili sa dosi ka bato, sumala sa gidaghanon sa mga kabanayan sa mga anak ni Jacob,... Ug gigamit niya ang mga bato sa pagtukod og usa ka halaran sa ngalan ni Jehova.(bersikulo 31, 32). 4 Sa dili pa si Elias magpaabut og kalampusan sa iyang buhat, sa dili pa siya makapangayo sa Dios og tubag sa iyang mga pag-ampo, kinahanglan mohimo usa siya sa buhat sa pagpasig-uli. Ug iyang gibuhat kini. Iyang giayo ang altar sa Dios nga naguba. Dili hangtud nga kini nga reformasyon makompleto nga ang ulan mapaabut. Ang altar natapus, ang propeta naghimo og kanal libut niini, ug, sa nabutang na niya ang kahoy sa han ay ug naandam ang baka, iyang gipahiluna ang halad ug Ang Tigmantala sa Reformasyon, Vol. 57, No. 6 21

22 nagsugo sa mga tawo nga bubuan ang halad ug ang altar sa tubig. pun-a ninyo ang upat ka barel, siya misugo, ug ibubu diha sa halad nga sinunog, ug sa kahoy. Ug siya miingon, kaduha-a. Ug sila mibuhat niini sa makaduha. Ug siya miingon, Buhata sa makatulo, ug sila mihimo niana sa makatulo. Ug ang tubig miawas palibut sa altar; ug siya nagpuno sa kanal usab sa tubig (bersikulo 3335). 5 Si Elias wala nanginahanglan og mga inoras aron makadawat sa tubag sa iyang pag-ampo. Ang Biblia nagsulti kanato nga dihadiha dayon sa iyang pag-ampo, ang kalayo mikanaug gikan sa langit ug milamoy sa halad. Ang iyang pag-ampo mubo ug ngadto sa tuyo: Pamation mo ako, Oh Jehova, pamation Mo ako, aron nga kining katawohan mahibalo nga Ikaw mao si Jehova nga Dios, ug nga gipabalik mo pag-usab ang ilang kasingkasing. Unya ang kalayo ni Jehova nahulog, ug misunog sa halad-nga-sinunog, ug sa kahoy, ug sa mga bato, ug sa abug, ug gitilap ang tubig nga dinha sa kanal (bersikulo 37, 38). Sa diha nga ang mga tawo nakasaksi sa makagagahum nga pagpakita sa tubag sa Dios sa pag-ampo ni Elias, ang ilang tubag positivo. Ug sa pagkakita sa katawohang tanan niana, giduko ang ilang mga nawong: ug sila nanag-ingon: Si Jehova, siya mao ang Dios; si Jehova, siya mao ang Dios (bersikulo 39). Tapus niining katingalahang pagpadayag sa gahum sa Dios, si Elias miingon kanila: Kuhaa ang mga manalagna ni Baal; ayaw pagpakalagiwa ang usa kanila, ug gidala sila kang Elias ngadto sa sapa sa Cison, ug gipamatay sila didto (bersikulo 40). Ang dakung buhat sa pagreforma nahimo. Karon sila makahulat sa panalangin sa ulan nga moabut. Si Elias mitungas sa bukid aron sa pag-ampo, ug ang iyang pagtoo gisulayan sa hilabihan sa diha nga 22 siya nangayo sa ulan. Kaunom siya miampo, ug walay ilhanan o timailhan sa ulan. Sa ikapito, ang sulogoon ni Elias miabut uban sa balita: Tan-awa, dihay mituybo nga usa ka panganod gikan sa dagat, ang kadiyutayon ingon sa kamot sa usa ka tawo (bersikulo 44). Ang tanang katawohan nalipay sa pagkakita sa ulan nga miabut, gawas ni Jezebel ang rayna. Usa ka babaye nga napatig-a sa sala, siya mitubag uban sa usa ka mapait nga hulga sa paglaglag sa propeta sa Dios maingon nga siya naglaglag sa mga mini nga mga propeta. Si Elias sa kamingawan Usab ang pagtoo ni Elias gisulayan. Siya mikalagiw ngadto sa kamingawan, naghunahuna nga siya nalang usa ang magsisimba sa tinuod nga Dios. Karon siya buut nga mamatay, busa siya naghangyo sa Dios nga kuhaon ang iyang kinabuhi. Gikapoy ug naluya, siya nakatulog ilalum sa kahoyng enebro. Usa ka anghel miduol kaniya, nagpukaw kaniya ug nag-agda kaniya sa pagkaon sa tinapay nga giluto ibabaw sa uling ug miinum gikan sa usa ka tibud-tibud sa tubig nga iyang gidala. Tapus sa pagkaon ug paginum siya natulog pag usab. Ang anghel nag-agda kaniya sa ikaduhang higayon sa pagkaon ug pag-inum, kay ang iyang panaw ngadto sa Bukid sa Horeb hilabihan ka layo. Siya mipanaw 40 ka adlaw sa pagadto sa Bukid sa Dios, ug duol sa bukid siya misulod sa langub diha sa kamingawan aron malikay sa mga ihalas nga mga mananap. Ang Dios nagpadalag usa ka anghel ug nangutana kaniya: Unsay imong gibuhat dinhi, Elias? Si Elias mipahayag sa iyang reklamo: Ako nangabugho sa hilabihan tungod kang Jehova, ang Dios sa mga panon; kay ang mga anak sa Israel mingsalikway sa Imong tugon, gigun-ob ang Imong mga halaran, ug gipatay ang Imong mga mana- lagna pinaagi sa pinuti: ug ako, ako na lamang ang nahabilin; ug gipangita nila ang akong kinabuhi, aron sa pagkuha niini (1 Hari 19:9, 10). Ang Dios nagsugo kang Elias nga mogawas gikan sa langub. Ang usa ka makusog kaayo nga hangin mihuros, ug tapus niana adunay usa ka linog, ug unya ang kalayo. Apan ang Ginoo wala niining tanan. Ang usa ka hinay, gamayng tingog nadungog pag-usab, Unsay imong gibuhat dinhi, Elias? Ang propeta misubli gihapon sa samang reklamo. Sa diha nga siya naghunahuna nga ang tanan natapus na ug siya lang usa ang nagpabiling matinud-anon ug karon ang iyang kinabuhi gihulga ang Ginoo nagpadayag ngadto kaniya nga wala pa natapus ang tanan. Aduna pay 7,000 ka mga matinud anon nga mga Israelhanon kinsa wala misimba kang Baal. Karon ang Ginoo nagsugo kang Elias sa pagbalik dili sa Carmel, apan unahan sa amihanan sa Damascus ug aron sa pagdihug og usa ka hari sa Syria, magdihog sa laing hari sa Israel, ug sa pagdihog og usa ka propeta nga mopuli kaniya. Ang buhat sa Dios kinahanglan dili mahunong. Angay kini nga magpadayon ug molapad. Komparasyon tali ni Elias ug ni Juan Bautista Elias Si Elias usa ka dakung propeta. Si Elias gitudloan sa kamingawan. Si Elias nagbadlong sa hari. Si haring Ahab adunay sayup nga ka minyoon. Si Jezebel nagpatay sa mga propeta sa Dios. Si Elias nadiskoryo ug nabalo. Si Elias tigpasig-uli ug reformador. Si Elias naglambo sa kinan-an. Si Elias gihulga sa kamatayon. Ang Tigmantala sa Reformasyon, Vol. 57, No. 6

23 Juan Bautista Si Juan Bautista usa ka dakung propeta. Si Juan Bautista gitudloan sa kamingawan. Si Juan Bautista nagbadlong sa hari. Si haring Herodes adunay sayup nga kaminyoon. Si Herodias hinungdan sa pagpatay ni Juan Bautista. Si Juan Bautista may pagduhaduha. Si Juan Bautista usa ka reformador. Si Juan Bautista vegetarian. Si Juan Bautista gipatay. Komparasyon tali ni Juan Bautista ug sa salin nga katawohan sa Dios Juan Bautista Si Juan Bautista usa ka tigpasig-uli, o reformador Si Juan Bautista vegetarian. Si Juan Bautista nag-andam sa dalan alang sa unang pag-anhi ni Jesus. Si Juan Bautista misagup sa kayano sa pamisti. Si Juan Bautista nagngalan sa sala sa iyang tinuod nga ngalan. Si Juan Bautista namatay sa pagsulti sa kamatuoran. Ang salin nga katawohan sa Dios Ang katawohan sa Dios mga tigpasiguli ug mga reformador. Ang katawohan sa Dios mga vegetarian. Ang katawohan sa Dios nagaandam sa dalan sa ikaduhang pag-anhi ni Cristo. Ang katawohan sa Dios misagup sa kayano sa pamisti. Ang katawohan sa Dios nagngalan sa sala sa iyang tinuod nga ngalan. Daghan sa mga katawohan sa Dios mga martir alang ni Cristo, nagalaban sa kamatuoran. Mga leksyon gikan sa kinabuhi ni Elias Adunay daghang mga leksyon nga atong makat'onan gikan sa kinabuhi ni Elias: Ang kinan an ni Elias mauswagon. Sa una, tinapay ug unod; dayon tinapay ug lana, ug tubig; ug dayon tinapay ug tubig. Sa panahon nga siya andam alang sa paglalin, siya nagkaon sa kinayanohan nga pagkaon. Maingon nga pinaagi sa pagtoo kita nagaandam alang sa paglalin, ang pag-uswag sa gihapon makita sa atong mga gawi sa kahimsog. Ang propeta way kokahadlok nagbadlong kang Ahab tungod sa iyang pagkaapostasya, sa iyang pagtalikod gikan sa tinuod nga Dios, tungod sa iyang pagtugyan sa iyang kaugalingon ngadto sa pagsimba sa diosdios, ug tungod sa iyang pagsulod sa ginadili nga kaminyoon ug niining tanan iyang gilimbongan ang katawohan. Si Elias nakasabut nga sa dili pa ang ulan moabut, usa ka buhat sa pagpahiuli kinahanglan matapus. Maingon man usab, sa dili pa ang latter rain igabubu, ang buhat sa pagpasig-uli, o reformasyon, kinahanglan makompleto ug ang katawohan sa Dios kinahanglan makaplagan nga walay sayup, andam alang sa panapus nga buhat sa Dios dinhi sa yuta ug andam alang sa paglalin. Kun, maingon ni Elias, ang mga ulipon sa Dios hasmagan sa kaguol ug kabalo, nagahunahuna nga walay kapuslanan ang pag-abante ug sa diha nga sila magplano sa pagbiya sa ilang buhat ug pagalagad sa Dios, ang gamay hinay nga tingog moa-but sa dulonggan, mangutana: Unsay imong gihimo dinhi? Ang tingog mohunghong nga maingon niini: Ako nagpadala kanimo sa pagbuhat sa Akong parrasan, apan kinsa ang nagpadala kanimo dinhi aron motago gikan sa Akong tawag? Ang mga ulipon sa Dios girepresentahan ni Elias mahimong kuhaon(sila mahimong maundang gikan sa ilang trabaho), apan ang buhat kinahanglan dili mahunong. Kini mopadayon sa uban hangtud ang tibuok kalibutan mahayagan sa presenting kamatuoran ang pagkamatarung ni Cristo, Iyang kinaiya nga napadan'ag gikan sa Iyang matinud anong katawohan. Uban nako o wala ang mensahe sa kaluwasan moabut sa kinatumyan sa kalibutan. Apan kini maoy dakung dungog ug pribilehiyo nga mahimong masig-ka-magbubuhat uban sa Dios! Aduna lamay usa ka butang nga magpabilin, ug mao ang atong nahimo alang kang Jesus. Ang tanan, ang Filistihanon uban sa tanan nilang bahandi kang kinsa gitabangan sa atong mga talento, malaglag. Ang mga kalag nga naluwas pinaagi sa atong mga paningkamot maoy mga bitoon sa atong mga korona ingon nga ganti sa mainitong pagbuhat alang sa Ginoo. Si Juan Bautista mao ang Elias nga moabut ug mopasig-uli sa tanang mga butang (Mateo 11:12-14; 17:11). Siya nagbadlong ni Herodes kinsa nalambigit sa sayup nga kaminyoon(mateo 14: 3, 4), maingon ni Elias nga nagbadlong ni haring Ahab kinsa usab adunay sayup nga kaminyoon. Si Juan Bautista usa ka vegetarian, 6 adunay yanong pagkaon sama ni Elias sa wala pa siya lalina. Ang katawohan sa Dios kinsa nagpaabut sa ikaduhang pag-anhi ni Jesus girepresentahan nila ni Elias ug Juan Bautista. Ug ang Ginoo nag-ingon: Ania karon, akong ipadala kaninyo si Elias ang manalagna, sa dili pa moabut ang daku ug makalilisang nga adlaw ni Jehova. Ug iyang pabalikon ang kasingkasing sa mga amahan ngadto sa mga bata, ug ang kasingkasing sa mga bata ngadto sa ilang mga amahan; tingali unya Ako moanhi ug samaran Ko ang yuta pinaagi sa usa ka panghimaraut (Malaquias 4:5, 6). Kadto sila nga magaandam sa dalan alang sa ikaduhang pag-anhi ni Cristo girepresentahan ni matinud anong Elias, maingon man ni Juan nga miabut sa espiritu ni Elias alang sa pag-andam sa dalan alang sa unang pag-anhi ni Cristo. Ang dakung suheto sa reforma kinahanglan lahugayon, ug ang hunahuna sa publico kinahanglan makutaw. Pagpugong sa tanang mga butang angay nga idugtong sa mensahe, aron sa pagliso sa mga katawohan sa Dios gikan sa ilang pagkamadiosdioson, sa ilang kaulit, ug sa ilang pag-usik'usik diha sa gasto sa bisti ug sa ubang mga butang. 7 Si Cristo nagpaabut uban sa matinguhaong pangandoy alang sa pagpadayag sa Iyang kaugalingon diha sa iglesia. Sa diha nga ang kinaiya sa Manunubos sa hingpit maparihasan diha sa Iyang katawohan, dayon siya moanhi aron sa pagkuha kanila ingon nga Iyang kaugalingon. Maoy pribilehiyo sa tanang Cristohanon, dili lang sa pagpaabut apan sa pagpadali sa pag-anhi sa atong Ginoong Jesu-Cristo. 8 Andam ka na ba? R Mga Referensya 1 Prophets and Kings, p Ibid., p Ibid., pp. 149, Ibid., p Ibid., pp. 151, Testimonies, vol. 3, p Ibid. 8 Christ s Object Lessons, p. 69. Ang Tigmantala sa Reformasyon, Vol. 57, No. 6 23

24 Ang Higanti sa Katarung ug sa Sabado, December 10, 2016 By R. Ionita Busa magmahingpit kamo, maingon nga ang inyong Amahan sa Langit hingpit (Mateo 5:48). Taas pa kay sa kinatas an nga maabut sa tawohanong hunahuna ang *mithi sa Dios alang sa Iyang mga anak. Pagkadiosnon pagkasama sa Dios mao ang kalab-uton nga angay makabut. 1 Ingon nga kita magpamalandong sa mithi sa Dios alang kanato, kita magabati nga kuyawan, o kaha way paglaum, kay ang tanan nakasala, ug nawad an sa himaya sa Dios (Roma 3:23). Kita ba ugma damlag makaabut niining mithi-a? Kita ba makahimo sa pagkinabuhi sa kinabuhi sa makanunayong paglambo, ug dili lamang nianang kutay sa mga *mithi pangandoy, handum <English, God s ideal < nagpasabut sa kahabugon sa kahingpitan nga buut sa Dios nga mamao kita. 24 pag-uswag ug mga pagka-us'os? (Roma 7:14-19). Oo, pinaagi Kaniya kinsa nagkinabuhi sa usa ka hingpit nga kinabuhi sulod sa 33½ ka tuig, kita mahimong labaw pa sa mananaug! Ang Iyang kinabuhi nahatag na kanato. Dili ta maluwas tungod sa atong pagtuman, apan kita motuman tungod kay kita giluwas na nabanhaw uban Kaniya sa bag'ong kinabuhi, gibag-o pinaagi sa Iyang Espiritu, bag'ong binuhat diha ni Cristo Jesus ug nabistihan sa Iyang pagkamatarung! (Roma 6:4, 6, 8; 2 Corinto 5:17). Ang Ginoo wala lang nagbutang sa mithi Siya sa kadagaya, nagbubu sa Iyang gracia nganhi kanato ug nagpadayag sa Iyang mga paagi ug sa Iyang gahum, ug dugang pa Siya naghatag kanato sa makapadasig nga mga tawohanong panig-ingnan diha sa Iyang pulong. Ang pulong sa Dios wala lang nagbutang sa mga dagkung prinsipyo sa kamatuoran ug katungdanan nga kinahanglan magdumala sa atong mga kinabuhi, apan kini usab nagtanyag, alang sa pagpadasig kanato, ang kasaysayan sa daghan kinsa nakapakita sa panig'ingnan niining mga prinsipyoha. Mga tawo ilalum sa samang mga pagbati kanato. (Jacobo 5:17) nakig-away sa mga Ang Tigmantala sa Reformasyon, Vol. 57, No. 6

25 tentasyon ug midaug diha sa kusog sa usa nga Labing Gamhanang Magtatabang. Ilalum sa mga kalisdanan nga mas dagku pa kay nianang kita gitawag sa pagtagbo, mga tawo nagmatinumanon sa ilang katungdanan ug ngadto sa Dios. 2 Ikaduha lang ni Jesus sa kinaiya Taliwala niini nga mga panig'ingnan adunay usa nga misanag alang sa himaya sa atong Ginoo sa pinaka-talagsaong paagi: Gawas sa usa nga hingpit nga Sumbanan, walay lain nga gihulagway diha sa balaang mga panid usa ka kinaiya nga mas takus sun'on kay sa kang propeta Daniel. Sa pagkabatan'on natara sa tanang mga pagdani sa harianong sawang, siya nahimong tawo nga dili mabawog sa katarung ug kamainiton sa pag-alagad sa Dios. Siya nailalum sa grabing tentasyon ni Satanas, apan ang iyang kinaiya wala mipaling, ni ang iyang tumong nausab. Siya lig'on diin ang daghan mauyonon; siya matinud'anon diin sila mga mini; siya kusgan diin sila huyang. Si Daniel usa ka habog nga cedro sa Lebanon. 3 Ang habog nga cedro sa dili mabawog nga katarung ilalum sa nagangulob nga Babelonia unsa pa may mas makapadasig kanato karon, ingon nga kita sa dili madugay magaatubang sa bagyo sa Babelonia ugma! Kining usa ka matahum nga kinabuhi, usa ka makapadasig nga kasinatian! Gikan sa madagayaong kinabuhi uban sa iyang mga ginikanan sa Jerusalem nalakip sa mga halangdon nga sari sa mga tawo diha sa Jerusalem gikadinahan ingon nga hininginlan ngadto sa Babelonia; gikan sa kasub'anan sa pagkaulipon, ngadto sa kabantog sa harianong universidad taliwala sa mga palasyo ug mga templo sa emperio sa kalibutan; gikan sa katungdanan sa pagka-punoan nga nagamando sa tibuok emperio ngadto sa langub sa mga leon, kining tawohana nagasidlak alang sa iyang Dios ug walay mga debuho sa kaaway nga nakapaling kaniya! Mapaubsanon, halangdon, adunay usa ka masanagong pangutok, walay lama sa pag-alagad sa mga tigdaugdaug niya ug sa iyang hinigugmang Manunubos, nagamando sa emperio apan sa gihapon walay sipyat sa iyang takna sa pag-ampo, ang kinabuhi ni Daniel nahimong usa ka padasig sa daghang mga kaliwatan. Unta ang pagtoo, katarung, ug devosyon ni propeta Daniel mabuhi diha sa kasingkasing sa mga katawohan sa Dios karon. Walay laing panahon nga kining mga halangdon nga mga kinaiya mas gikinahanglan sa kalibutan kay sa karon. 4 Giunsa man niining tawohana nga nailalum sa samang mga pagbati kanato, milampus ilalum nianang bug'at nga mga sirkumstansya? Kon kita makasabut sa mga nakapa-aghat kaniya, kita madasig nga mosunod sa mao gihapon nga mga prinsipyo, mogamit sa samang espirituhanong ginamiton diha sa atong kaugalingong kasinatian, ug makapaabut sa samang mga resulta. Busa, magmainampoon kita sa pagsusi sa ubang mga aspeto sa mga kasinatian ni Daniel: Ang pundasyon Alang sa Burj Khalifa, ang kinahabugan nga tinukod sa tawo sa atong kalibutan karon nagtindog sa kahabugon nga metros (2,716.5 feet) ang pundasyon nga 45,000 metros cubico, mitimbang sa kabug aton nga 110,000 ka tonilada (110 milyon kilos), nagalangkob sa mga 1/7 sa kinatibuk'an nga kadaghanon sa cemento nga gigamit alang sa tibuok gambalay. Tinuod ang mga turista kasagaran modayeg sa makita lang bahin sa torre, dili ang 50- metros nga pundasyon nga gilubong. Apan kinsa ang makahimo sa pagduhaduha sa ka importante sa maong pundasyon? Maingon man usab, unsa man ang pundasyon sa kinaiya nga nabatunan ni Daniel, ang higanti sa katarung 5 ang pinaka-maayo nga gipresentar sa Biblia, nga sama ni Jesus? Giunsa niya nga makabaton sa pagsalig sa mga napulo ka mga emperador ingon nga pinaka-maayo nga punoan sa mga pangulo bisan usa ka dumuloong, bisan pa man usa ka ulipon? Ang mga ginikanan ni Daniel nagbansay kaniya diha sa iyang pagkabata sa batasan sa estrikto nga pagpugong. Sila nagtudlo kaniya nga siya kinahanglan mopahiuyon ngadto sa balaod sa kinaiyahan sa tanang batasan sa kinabuhi; nga ang iyang kinan'an ug inimnan adunay direkta nga inpluwensya diha sa iyang lawasnon, utoknon, ug moral nga kinaiya, ug siya manubag sa Dios sa iyang mga abilidad; kay siya nagagunit kanilang tanan ingon nga gasa gikan sa Dios, ug kinahanglan dili, sa bisan unsang buhat, mapaunano o mapabakol sila. Ingon nga resulta niini nga pagtudlo, ang balaod sa Dios natuboy sulod sa iyang hunahuna, ug natahud sa iyang kasingkasing. 6 Sa pag-asdang sa mga taga-babelonia sa Jerusalem, ang yutan ong bahandi ug kahimtang sa katilingban sa kalit giagaw pinaagi sa kalit nga pagkaulipon. Apan ang iyang harianon, espirituhanong bahandi dili gayud maagaw ang pagsabut sa pagpugong ug ang halalum nga pagsabut sa responsibilidad, sa mga tulobagon ngadto sa Dios sa tanan niyang mga talento. Kining halangdon nga batan'on uban sa iyang tulo ka mga higala nakasabut sayo pa sa kinabuhi nga aduna lamay Usa nga mahimong pundasyon (1 Corinto 3:11), halapad, daku, walay katapusan ug sila hugot nga mi-desisyon nga magtukod sa ilang kinabuhi ibabaw niini! Kining [ginikanhon] nga edukasyon alang kang Daniel ug sa iyang mga kauban mao ang paagi sa ilang paglahutay taliwala sa makapaluya nga inpluwensya sa sawang sa Babelonia. Makusganon ang mga tentasyon nga nagapalibut nila diha sa dunot ug luho nga sawang, apan sila nagpabilin nga wala mabulingi. Walay gahum, walay inpluwensya, nga makapabiya kanila gikan sa mga prinsipyo nga ilang nakat'onan sa sayong kinabuhi pinaagi sa pagtoon sa pulong ug mga buhat sa Dios. 7 Ang matinud'anong buhat sa mga ginikanan nga mahadlokon sa Dios adunay dili masukod nga mga resulta, magatandog dili lamang sa usa ka panahon, apan sa walay katapusan. Ang katawohan sa Israel miagi sa mga malisud nga mga panahon. Paglapas ug pagkama-diosdioson nagdala sa katalagman ibabaw sa nasud. Apan kini nga mga pamilya nakadumala sa pagpahiluna sa mga butang sa ilang insaktong dapit diha sa ilang kinabuhi sa puloy'anan, sa pagpahiluna sa ilang mga unahonon sa ka insakto. Kini nagadalag paglaum sa atong kaadlawan. Ang mga haligi Ang malig'on nga mga gamut natanum sa ilang pagkabata nagdala sa ilang sa mga bulahang resulta. Si Daniel ug ang iyang mga higala makahimo sa pagpangatarungan nga tungod sa ilang mga malisud nga kahimtang, dili maayo nga mosupak sila sa kabubut on sa hari ug sa ingon makapasuko kaniya ug magbutang sa kakuyaw sa ilang mga kinabuhi, magpaka-aron-ingnon nga ang usa ka gamay lang nga paglapas sa mga kamandoan sa Dios walay epekto. Apan si Daniel walay ukon-ukon. Ang pag-uyon sa Dios mas mahal kaniya kay sa pabor sa pinaka-gamhanan yutan-ong punoan mas mahal bisan sa kinabuhi mismo. Siya determinado nga Ang Tigmantala sa Reformasyon, Vol. 57, No. 6 25

26 mobarug nga malig-on sa iyang katarung, unsa man ang mahimong resulta. 8 Sa laing bahin, karon, nganong daghan kaayo ang mga anak sa Dios mapaling-paling ingon sa mga gagmay nga mga tawo-tawo diha sa pagbuut sa kaaway? Aron sa pagsalikway sa ilang kaugalingong kabubut on, ang ilang gipili nga tumong sa ilang pagbati o paningkamot, nagkinahanglan og sakripisyo diin sila nag-ukon ukon ug naluya ug mitalikod... Sila gusto sa maayo, sila mihimo sa pipila ka paningkamot sa pag-kab'ut niini, apan sila wala mipili niana; sila walay piho nga tumong sa pagkuha niana bisan sa pagtugyan sa tanang butang. 9 Sa kasinatian ni Daniel, ang determinasyon mao ang yawi (Daniel 1:8). Ang dungog sa Dios, ang himaya sa Iyang ngalan mas mahal niya bisan sa kinabuhi mismo! Ang tawohanon dili makahimo, pinaagi sa paggamit sa kabubut on, pagpaugnat sa pagpugong ug makapahilum sa bagyo sa pagbati sulod sa kasingkasing. Walay makahimo niana. Apan kita makahimo sa pagpili nga mopailalum sa atong mga kabubut on ngadto sa kabubut on sa atong Balaang Amahan, ug dayon ang atong kabubut on mahimong gamhanan-sa-nga-tanan! 10 (Filipos 4:13.) kini nga gahum, kini nga kusog makita diha sa mga kinabuhi sa tanang mga bayani sa pagtoo ug ang kinabuhi ni Daniel nagasidlak sa kina-ibabwan sa listahan. Padayong pagtubo nagpasabut padayong pakigbisug Si Daniel misugod nga maayo, uban sa saktong katuyoan ug dili mapaling nga determinasyon. Siya ba mopadayon sa samang linya? Apan magtan'aw ang tagsatagsa kong giunsa niya ang iyang pagtukod diha niana (1 Corinto 3:10). Wala ba ang daghan kinsa misugod nga maayo nakaplagan nga sa ulahi sa gubat sa kinabuhi nga ang kapakyasan kabahin sa tawohanong kalisud? Ania ang magpaila: Ang kinaiya dili moabut ingon nga sulagma. Kini dili mailhan pinaagi sa kalit nga kaukyab sa buut, usa ka lakang sa sayup nga padulngan. Kini mao ang balik-balik nga pagbuhat nga nakahimo niana nga gawi, ug magholma sa kinaiya alang ba sa maayo kun alang sa dautan. Ang saktong mga kinaiya maporma lamang pinaagi sa masingkamoton, walay kapoy-kapoy nga paningkamot, pinaagi sa paggamit sa matag piniyal nga talento ug abilidad alang sa himaya sa Dios... Kong ang mga batan on karon mobarug ingon sa pagbarug ni Daniel, kinahanglan ilang inaton ang matag espirituhanong ugat ug maskulo. Ang Dios dili buut nga sila magpabiling way alamag. Siya naghandum kanila nga makaabut sa kinatas'an nga ponto sa pinakalabing maayo. Siya nagtinguha kanila nga makaabut sa kinatas'ang ang ang sa hagdan, aron sila makatikang gikan niana ngadto sa gingharian sa Dios. 11 Kini nga tinguha sa Dios sa kadagaya natuman sa kinabuhi ni Daniel. Walay kapoykapoy nga paninguha, ang inadlaw nga paglambo sa bisan unsa nga gasa naghatud kaniya gikan sa himaya ngadto sa himaya, maingon nianang pinaagi sa Espiritu sa Ginoo (2 Corinto 3:18). Bisan si Daniel usa ka tawo nga sama kanato g mga pagbati, ang igsusulat sa dinasig nagpaila kaniya ingon nga usa ka dili masaway nga kinaiya. Ang iyang kinabuhi gipakita kanato ingon sa usa ka masanag nga panig ingnan kun maunsa ang tawo, bisan niining kinabuhi-a, kon iyang himo-on ang Dios nga iyang kusog ug sa maalamon mopalambo sa mga pribiliheyo ug mga kahigayonan nga iyang maabut. 12 Mga Prinsipyo Unsa ang paagi alang sa kinaiya nga wayikasaway? Unsay nakahimo niining matanga sa mga tawo nga hilabihan ka lahi gikan sa kadaghanan? Ania ang tubag: Ang Biblia nagatudlo sa mga tawo nga magbuhat sumala sa prinsipyo; ug bisan diin nga kita malampusong mibatok sa dautang inpluwensya, atong gipalig'on ang prinsipyo nga gihilabtan. Ang pag-panag-iya lang sa talento dili garantiya sa mapuslanon o kalipay niini nga kinabuhi. Saktong mga prinsipyo mao lamang ang basihanan sa tinuod nga kalampusan. 13 Ang mao gayud nga butang sa kamaisugon napadayag sa kinabuhi ni Daniel: Bisan [si Daniel] gilibutan sa pagduda ug katahap, ug ang iyang mga kaaway nagbutang og lit'ag alang sa iyang kinabuhi, apan sa gihapon siya nagpabilin sa kalma ug malipayong pagsalig sa Dios, wala gyuy kausa nga siya mitipas gikan sa prinsipyo. 14 Gikan sa kasaysayan ni Daniel kita makakat on nga ang estriktong pagsunod sa mga gikinahanglan sa Dios panalangin gayud, dili lang sa umalabut, way kamatayon nga kinabuhi apan niining kinabuhi-a usab. Pinaagi sa relihiyosong mga prinsipyo, ang mga tawo modaug ibabaw sa mga tentasyon ni Satanas ug sa mga debuho sa mga dautang mga tawo, bisan tuod kini nagkantidad sa daku nga sakripisyo. Unsa kaha kon si Daniel mipahiuyon niadtong hentil nga mga punoan ug milimud sa iyang Dios? Unsa kaha kon, sa unang pagsulod sa sawang, siya mitugyan ngadto sa dutdut sa tentasyon, pinaagi sa pagkaon ug pag-inum sa naandan sa mga taga-babelonia? Kanang usa ka sayup nga lakang labing siguro mogiya sa uban pa, hangtud, ang iyang kadugtongan sa langit maputol, siya unta nadala sa gahum sa tentasyon. Apan samtang siya misandig sa Dios uban sa way duhaduha, mainampoong pagsalig, siya dili pasagdan. Ang langitnong panalipud mao ang pasalig niadtong kinsa nangita niana, ug ang Dios dili makalimot sa Iyang pulong. 15 Kini nagkahulogan nga si Cristo ang Waykatapusang Bato sa Katuigan dili lamang mao ang Pundasyon; Siya ang Haligi, ang Sukaranan, ang Atup, ang Sinugdanan ug ang Katapusan. Siya mao ang Kasigurohan sa usa ka walay lama, malampusong kinabuhi. Pinaagi sa matinud anong pagaplikar sa Iyang pulong sa inadlaw nga kinabuhi, mosandig ngadto Kaniya maingon sa gihimo ni Daniel, ang tomotoo mahimong madaugon sa bisan asa nga ang ang sa iyang kinabuhi! Kini ang anindot nga saad alang kanimo ug kanako, bisan karon: Nabalanse pinaagi sa relihiyusong prinsipyo, mahimo kang mosaka sa bisan unsang kahabugon nga gusto mo. Kita malipay nga magtan aw kanimo nga misaka pataas ngadto sa kahalangdon nga gi-desinyo sa Dios nga imong makab ut. 16 Pakigsulti sa Labing-Gamhanan Unsaon pagkahitabo nga ang mga anak sa Walay-kinutubang Dios ubos kay sa mananaug diha sa gubat sa kinabuhi? O mas bati pa, naulawan, nalupig, napildi? Makasusubo, kini nahitabo tungod kay ang Dios mipasidungog sa Iyang mga anak ug nagrespeto sa ilang kagawasan diha sa wala pagpangayo sa Iyang tabang! Unsa ka subo kini alang Kaniya nga moingon kanila, Kamo dili moduol Kanako, aron makabaton kamo sa kinabuhi (Juan 5:40). Si Daniel gisulayan pag'ayo; apan siya midaug tungod kay siya mapaubsanon ug mainampoon sa espiritu. 17 Si Daniel usa ka tawo sa pag-ampo, ug ang Dios naghatag kaniya sa kaalam ug kalig on sa pagsukol sa tanang inpluwensya nga nagtinabangay sa pagbitad kaniya ngadto sa lit ag sa pagpatuyang. Bisan sa iyang kabatan on siya usa ka higanti sa katarung sa kusog sa Usa nga Gamhanan. 18 Unsa may bation sa usa ka higanti sa katarung diha sa sulod niya? Kay kong maluya ako, nan mahimong gamhanan ako (2 Corinto 12:10), sa kadaku magbukas sa mga bintana sa kasingkasing ngadto sa Tinubdan sa tanang kusog, kaalam, ug kalipay. Siya way salig sa kaugalingon ug sa hingpit nagsalig sa Usa nga Gamhanan. Uban 26 Ang Tigmantala sa Reformasyon, Vol. 57, No. 6

27 sa mapaubsanon nga espiritu siya nangayo ug nakadawat sa kahayag sa langit. Si apostol Pablo miingon nga gibuntog ko iyang lawas, ug gibutang ko kini sa pagkaulipon (1 Corinto 9:27). Ang gahum sa Dios sa libre gihatag sa usa nga ingon niana. Ang usa ka higanti sa katarung maoy tawo sa pagampo, kay kini ang gininhawa sa kalag. Kini ang sekreto sa espirituhanong gahum. 19 Ang pag-ampo maoy inadlawng gimbuhaton sa kinabuhi ni Daniel. Kahibulongan, bisan ang iyang mga kaaway nakahunahuna niini mahitungod kaniya sa diha nga sila naglaraw nga siya ikahulog sa langub sa mga leon. (Daniel kapitulo 6.) Si Daniel nasayud sa bili sa pagpakigsulti sa Dios, 20 ug wala siya nagtago niana aron sa pagpanalipud sa iyang kinabuhi gikan sa mga tawong abughu an. Walay makahimo sa pagputol niana! (Roma 8:35-39.) Pinaagi sa moral nga kaisug niining usa ka tawo [si Daniel] kinsa mipili, bisan sa atubangan sa kamatayon, nga mohimo sa saktong dalan inay sa politica, si Satanas napildi, ug ang Dios napasidunggan. Sa kaluwasan ni Daniel gikan sa gahum sa mga leon mao ang tataw nga evidensya nga ang Usa kinsa iyang gisimba tinuod ug buhi nga Dios. 21 Ang mga dagku nga gagmayng butang Kay sa Dios walay dili kaayo mahinungdanon; maingon man sa Iyang hinigugmang anak: Ang sekreto sa kusog ni Daniel makaplagan diha sa iyang makuti nga pagtagad alang nianang mga butang nga ginatawag sa kalibutan nga dili kaayo mahinungdanon. 22 Bisan diha sa iyang pag -ampo katulo sa usa ka adlaw, ni sa mga ginagmayng butang o sa dagkung mga buluhaton sa emperio nga siya nakulangan sa pagtagad sa tanang butang ingon dili mahinungdanon!ang iyang mga kaaway, human sa maminat-ngonong pagsusi sa tibuok niyang pagministeryo, walay hikaplagan bisan unsang sayup, bisan unsang lama! Ang Tigmantala sa Reformasyon, Vol. 57, No. 6 Usa ka yanong alagianan sa kahayag Si Daniel nahimong usa ka magtitipig sa Espiritu sa Dios usa ka labing maayong espiritu ang anaa kaniya" (Daniel 6:3). Pinaagi sa pagpakigsulti, pinaagi sa pagtotok, ang tawohanon nausab.23 Natingala, ang mga hari nakabantay sa langitnong presensya diha sa kinabuhi ni Daniel, "kaniya anaa ang espiritu sa mga balaang dios"! (Daniel 4:8). "Si Daniel nagmahal sa iyang tawohanong mga abilidad, apan wala siya misalig kanila. Ang iyang pagsalig anaa diha sa kusog nga gisaad sa Dios alang sa tanan kinsa moduol Kaniya sa mapainubsanong pagtugyan, magasalig sa kinatibuk'an diha sa Iyang gahum."24 Si Daniel wala sa dinalo nagkalipay sa mga pribilehiyo sa iyang tigdumala nga katungdanan, nagapahambog sa iyang katakus25 samtang ang katawohan sa Dios namiligro. Siya mihiusa sa iyang mga tinguha uban kanila, ang iyang kahimtang uban kanila, nangaliyupo alang sa iyang kaugalingon ug alang kanila (Daniel 9). Sa pagkatinuod, kining "gihigugma pag-ayo". (Daniel 10:11) anak sa tawo nga suud kaayong nakapadan'ag sa Hingpit nga Modelo. Kanunay siyang nagporma sa iyang espirituhanong panabut "uban ang pagpuasa, ug sa saput nga sako, ug sa mga abo" (Daniel 9:3), "nasubo ang [iyang] espiritu" ug "nalibug" ang iyang hunahuna (Daniel 7:15), nagpakigsusi "sa kahulogan" Daniel 8:15) sa mga butang nga natago. Ug hamili ang mga bahandi sa kahayag nga napadayag ngadto kaniya alang sa mangitngit nga katuigan nga umalabut. Mga leksyon alang kanimo ug kanako Karon ato na pud! "Pangayo'a ang mga saad sa Dios. Ang Ginoo mohimo sa tanan alang kanimo sa Iyang gihimo kang Daniel, kon ikaw mokooperar Kaniya maingon sa gihimo ni Daniel. Kamo mahimong mga mananaug pinaagi sa yano, mainitong pagsalig diha sa inyong Manunubos."26 "Barug sama ni Daniel, kanang matinud'anon nga dakung tawo sa kagamhanan, usa ka tawo kinsa walay tentasyon nga makadunot. Ayaw Siya pakyasa kinsa sa hilabihan nahigugma kanimo nga Iyang gihatag ang Iyang kaugalingong kinabuhi aron sa pagpala sa imong mga sala. Siya miingon, 'Kon wala Ako wala kamoy mahimo' (Juan 15:5). Hinumdumi kini. Kong nakahimo kag mga sayup, siguro nga mabatunan mo ang kadaugan kon imong nakita ang imong mga sayup ug magtagad kanila ingon mga sinyas sa pasidaan. Sa ingon ikaw makahimo sa kapildihan nga kadaugan, magpakyas sa kaaway ug magpasidungog sa Manunubos."27 " 'Pangahas nga ma-daniel, pangahas sa pagbarug nga mag-inusara!' Pagmaisugon sa pagbuhat sa insakto."28 "Si Daniel giisip nga sahi, ug ang tanang tawo kinsa naghimo sa Dios nga iyang magtatambag, ug kinsa nangita Kaniya sa kaaghup sa kasingkasing, paga-isipon sa kalibutan nga sahi. Apan kini ang pagtoo nga atong gikinahanglan, kini ang kasinatian nga angay natong batonan."29 "Ug sila nga mga manggialamon modan'ag ingon sa kahayag sa hawan sa kalangitan; ug sila nga makakabig sa daghanan ngadto sa pagkamatarung, mangahimong sama sa mga bitoon sa mga katuigan nga walay katapusan" (Daniel 12:3). Buut kaba nga usa uban kanila? Ang kantidad nabayran na, ang kadaugan nabatnan na! Ang desisyon, ang solemning desisyon nga mosidlak imo! Sidlak sa buhing kasanag, sidlak alang sa Ginoo! Amen! R Mga Referensya 1 Education, p ,3,4 The Review and Herald, November 7, My Life Today, p Christian Temp. and Bible Hygiene, p. 23. Kings, p Ibid., p [Emphasis added.] 9 God s Amazing Grace p Our High Calling, p The Youth s Instructor, July 27, The Signs of the Times, November 4, The Review and Herald, September 25, The Signs of the Times, November 4, Ibid. [Emphasis added.] 16 Fundamentals of Christian Education, p The Signs of the Times, November 4, My Life Today, p. 20. [Emphasis added.] 19 Messages to Young People, p The Signs of the Times, November 4, Ibid. [Emphasis added.] 22 The Signs of the Times, May 25, Lift Him Up, p Christian Temp. and Bible Hygiene, p Selected Messages, bk. 3, p Gospel Workers (1892), p Christ s Object Lessons, p Temperance, p The Signs of the Times, November 4, Prophets and 27

28 Nagki- nabuhi sa nga Kinabuhi Dominggo, December 11, 2016 Ni D. P. Silva Ang tawohanong rasa gilalang aron mopadan'ag sa kinaiya sa Dios ug aron sa paghimaya sa Iyang Maglalalang. Ang atong kinabuhi kinahanglan nga kauyon sa kabubut'on sa Dios sa hingpit. Si Adam ug Eva nakabaton sa tanang gikinahanglan aron makatuman sa katuyoan sa Ginoo sa ilang paglungtad. Ug samtang sila nagmintinar sa ilang pagpailalum ug pagtuman sa langitnong pulong, sila nagkinabuhi sa usa ka malipayon kaayo nga kinabuhi sa Eden. Sa Genesis kapitulo 3, atong makaplagan ang sinugdanan sa tibuok kulbahinam nga sugilanon sa tawohanon. Si Eva nabulag sa iyang bana ug misulod sa delikadong pakigtabi uban sa kaaway sa mga kalag. Si Satanas migamit sa tanan niyang kamalinglahon sa pag-ulog'ulog ni Eva, nagasaad kaniya sa kahigayonan nga mahimong "sama sa Dios" ang sama nga ideya nga ang labawng kaaway miugmad sa langit. Kini inila kaayo nga sugilanon. Si Eva misunod sa sugyot sa yawa ug nalimbongan pinaagi sa pagbaliwala sa piho nga mga pahimangno sa Dios. Siya mikaon sa ginadiling bunga ug mihatag kang Adam. "Si Adam wala malimbongi sa bitin, ingon kang Eva, ug dili ikapangulipas ni Adam ang dinalian nga paglapas sa positibong sugo sa Dios. Si Adam mapangahason tungod kay ang iyang asawa nakasala. Dili siya makahimo sa pagtan'aw maunsa si Eva. Siya nasubo, nasamok. Ug natental. Siya namati sa pagasoy ni Eva sa mga pulong sa bitin, ug ang iyang katul'id ug katarung misugod sa pagkapaling. Mga pagduhaduha mitunga sa kaisipan kon ang Dios ba nagtininuod sa iyang gisulti. Siya nagdinali sa pagkaon sa matintalon nga bunga." 1 Silang duha dayon gipagawas gikan sa Tanaman sa Eden aron sa pagkinabuhi sa lahi na kaayo nga kinabuhi. Sa diha nga ang magtiayon midawat sa mga pulong ni Satanas, nahimong mga higala sa yawa ug mga kaaway sa ilang Maglalalang. Karon ang ilang kinaiyahan nahimong dunot, ug sila wala nay gahum sa pagtuman sa kabubut'on sa Dios. Ilang gihangyo ang Ginoo nga tugutan lang sila nga magpabilin sa ilang paraiso sa kalipay ug nagsaad nga sila magmatinumanon sa Iyang pulong, apan ang Ginoo nagpahibalo kanila nga sa diha nga ang mga makasa-sala nabulag gikan Kaniya wala na silay kahigayunan nga 28 Ang Tigmantala sa Reformasyon, Vol. 57, No. 6

29 magpabilin sa Eden, diin sila adunay dalan ngadto sa kahoy sa kinabuhi. Bisan pa niana, sa Iyang dakung kalooy, ang Dios naghatag kanilag paglaum nga mapasig'uli pinaagi sa Iyang gracia. Sa Genesis 3:15, ang Ginoo miingon ngadto ni Satanas, kinsa migamit sa bitin ingon nga usa ka galamiton sa paglimbong sa magtiayon: " Ibutang Ko ang panagkaaway sa taliwala mo ug sa babaye, ug sa taliwala sa imong kaliwat ug sa iyang Kaliwat; Siya magasamad sa imong ulo, ug ikaw magasamad sa Iyang tikod." Niining diosnon nga pamahayag, ang Dios nagpatin'aw nga ang tawohanon nahimong sakup ni Satanas, ug ang tawohanong rasa nagkinahanglan sa pagpa-tunga sa Ginoo aron mausab ang makasusubong katinuoran. Ang Dios "magbu-tang sa panagaway" tali ni Satanas ug niadtong kinsa mopasakup sa ilang kaugalingon ngadto sa Ginoo. Dugang pa, Siya usab nagsaad nga magpadala og Manunu-bos, "ang Kaliwat sa babaye" si Jesu-Cristo, kinsa moabut nga walay sala, walay mga kahiligan sa makasasalang tawo sa pagdaug ni Satanas, magpahiuli sa nawala nga dominio, ug magkuha sa mahinulsulong mga makasasala nga magkinabuhi pag'usab nga kaharmonya sa Dios. Sa saktong panahon, si Cristo mikuha sa tawohanong kinaiya, nagkinabuhi sa hingpit nga kinabuhi diha sa hingpit nga kaharmonya sa Dios, ug namatay sa krus sa Calvaryo aron bayran ang silot nga angay sa tanang tawo. Siya dayon nabanhaw ug mikayab sa langit ug karon nagpataliwala alang kanato. Pinaagi sa Iyang hingpit ug matarung nga kinaiya nga gipaangkon ngadto sa mahinulsulong makasasala, si Cristo naghatag ngadto sa tawohanon sa tanang gracia nga gikinahanglan aron sa pagkinabuhi sa usa ka madaugong kina-buhi nga kaharmonya sa Dios. Ang tawohanong rasa gibutang sa kahabugon diin, sa pagpakigsulti sa Ginoo, karon ma-himo ang pagdaug sa kalibutan, sa unod, ug sa yawa. Niini nga han'ay, maabut ra nato ang gracia ni Cristo, nga gipadayag sa Iyang pulong. Dugang pa kita adunay gahum sa Balaang Espiritu, nga gipahat kanato uban sa tukma nga tabang sa mga balaang anghel ug ang kooperasyon sa mga tomotoo nga naa sulod sa iglesia sa Dios. Ang nagauna nga kondisyon nga gikinahanglan aron kita mahimong mga mananaug makaplagan diha sa atong kadugtongan sa Ginoo pinaagi sa pagtoo sa katakus ni Cristo. "Ang tawong makasasala makakaplag sa paglaum ug pagkamatarung diha lamang sa Dios, ug walay tawo nga magpabilin nga matarung kay sa siya adunay pagtoo diha sa Dios ug nagmintinar sa iyang buhing kadugtongan uban Kaniya." 2 Usa ka personal nga kasinatian uban ni Cristo Si Cristo nagaagda sa tanang makasasala nga mahimong Iyang mga matinudanong sumosunod. Sa Mateo 11:28-30, atong makit'an ang Iyang agda ug ang mga kondisyon diin kita mahimong mananaug: Si Jesus miingon: "Umari Kanako kamong tanan nga gikapuyan ug gibug'atan, ug papahulayon Ko kamo. Isangon ninyo ang Akong yugo, ug magtoon kamo Kanako, kay Ako maaghop ug mapinaubsanon sa kasingkasing, ug makakaplag kamo og pahulay sa inyong mga kalag. kay ang Akong yugo masayon, ug magaan ang akong lowan." Sa pagsumada, kita adunay agda, usa ka saad, ug ang kondisyon nga gikinahanglan aron mahimong mga mananaug: "Umari Kanako, kamong tanan." "Papahulayon Ko kamo." "Isangon ninyo ang Akong yugo ug magtoon kamo Kanako, kay Ako maaghop ug mapinaubsanon sa kasingkasing." "Makakaplag kamo og pahulay sa inyong mga kalag." Ang tanang mga tawo giagda sa pagdawat ni Cristo. Walay usa nga gisikway sa Iyang pag-agda, "Kay gihigugma sa Dios ang kalibutan, sa pagkaagi nga gihatag Niya ang Iyang Anak nga bugtong, aron ang tanan nga motoo Kaniya dili mawala, kondili may kinabuhi nga walay katapusan" (Juan 3:16, pagpasantup gidugang). Sa Mateo 16:24, si Cristo misubli sa agda ug naghatag sa mga kondisyon: "Kong kinsa ang buot magsunod Kanako, magdumili sa iyang kaugalingon, ug magpas'an sa iyang krus, ug sumunod Kanako (pagpasantup gidugang). Niining mubo nga bersikulo sa Biblia, atong makita ang upat ka sukaranang mga lakang sa dalan sa kaluwasan: "Kong kinsa ang buot." Kinahanglan ta modesisyon sa pagsunod ni Cristo pinaagi sa atong pagpili. Walay usa nga gipugos sa paghimo niana. Si Cristo modawat lang sa kinabubut'on. Hinuon, ingon nga mga ulipon sa sala, ang mga tawo walay gahum o kabubut'on nga mosunod ni Cristo. Unya, pinaagi sa Iyang kahibulongang gracia, ang Dios maghatag sa kabubut'on ug gahum alang kanato sa pagduol Kaniya ug mosunod Kaniya, kon kita buot nga himoong buot. "Kay ang Dios mao ang nagabuhat diha kaninyo sa pagbuot ug sa pagbuhat usab, alang sa Iyang maayong kahimut'an" (Filipos 2:13). "Magdumili sa iyang kaugalingon." Dili ta makasunod ni Cristo ug sa samang higayon mosunod sa mga mando sa usa ka dalo nga kasingkasing. Usab, pinaagi sa gracia sa Dios, pinaagi sa inpluwensya sa Balaang Espiritu, makadawat tag gahum sa pagdumili sa atong kaugalingong kagahi ug modawat sa Iyang kabubut'on. "Magpas'an sa iyang krus." Si Cristo wala magpasabut sa "Iyang" krus. Siya lang ang makapas'an sa Iyang krus. Kinahanglan atong dawaton unsa ang Iyang nahimo alang kanato pinaagi sa iyang krus, ug mopas'an sa atong krus, aron ilansang ang atong makasasalang tinguha ug kahiligan. Si apostol Pablo nagsaysay: "Apan halayo gayud kanako ang paghimaya, gawas diha sa krus sa atong Ginoong Jesucristo, nga pinaagi Kaniya ang kalibutan gilansang sa krus alang kanako, ug ako alang sa kalibutan."gilansang ako sa krus uban ni Cristo; ug dili na ako ang nabuhi, kondili si Cristo ang nabuhi sa sulod nako. Ug ang kinabuhi nga gikinabuhi ko karon sa unod, ginakinabuhi ko sa pagtoo sa Anak sa Dios, nga nahigugma kanako, ug mitugyan Siya sa Iyang kaugalingon alang kanako" (Galacia 6:14; 2:20). "Mitutol ako nianang paghimaya kaninyo, mga igsoon, nga akong gibatonan kang Cristo Jesus nga atong Ginoo. Namatay ako adlaw-adlaw." "Apan gibuntog ko ang akong lawas, ug gibutang ko kini sa pagka-ulipon" (1 Corinto 15:31; 9:27). "Mosunod Kanako." Pinaagi sa pagtoon sa pulong sa Dios, makaila ta ni Cristo ug pinaagi sa Iyang makaluwas nga gracia, makahimo kita sa pagsunod sa Iyang panig'ingnan sa makanunayong pakig-uban sa Dios, bug'os nga pagtugyan, ug pagtuman sa Iyang kabubut'on, maingon man kadaugan kang Satanas ug sa sala. Pagdaug sa kalibutan Sa Iyang ampo alang sa pagpataliwala, si Cristo naghangyo sa Iyang Amahan alang sa Iyang mga sumosunod: "Ako dili magaampo nga kuhaon mo sila sa kalibutan, kondili nga imo silang panalipdan gikan niadtong dautan" (Juan 17:15). Sa kaalam sa Dios ug katuyoan, kinahanglan ta nga magkinabuhi niini nga kalibutan hangtud sa ikaduhang pag-anhi ni Cristo. Apan kinahanglan dili ta mahugawan sa mga sala, pamatasan, ug mga buhat sa kalibutan. Pinaagi ni Pablo, ang Dios nagtawag kanato nga mabulag gikan niadtong kinsa ilalum sa pagkontrolar sa prinsipe niini nga kalibutan. "Dili kamo magpasangon og samang yugo uban sa mga dilimatinohoon; kay unsaon man pagpanagkakuyog sa pagkamatarung ug sa pagkamasupilon? Kun un saon man pag-inambitay sa kahayag uban sa Ang Tigmantala sa Reformasyon, Vol. 57, No. 6 29

30 kangitngit? Ug unsaon man pagkaangay ni Cristo uban kang Belial? Kun unsa ang kaambitan sa matinohoon uban sa dilimatinohoon? Ug unsaon man pagkaangay sa templo sa Dios uban sa mga larawan? Kay kita mao ang templo sa Dios nga buhi, matud pa sa giingon sa Dios: Magapuyo Ako kanila, ug magalakaw sa taliwala nila, ug Ako mahimong Dios nila, ug sila mahimong katawohan Nako. Tungod niana: Manggula kamo sa taliwala nila, ug managpamulag kamo, nagaingon ang Ginoo; ug dili kamo maghikap sa mahugaw; ug pagadawaton Ko kamo; ug Ako mahimong Amahan ninyo, ug kamo mahimong anak Nako, lalake ug babaye, nagaingon ang Ginoo, ang Makagagahum" (2 Corinto 6:14-18). Atong makita kini nga kadaugan ibabaw sa kalibutan sa kinabuhi ni Juan Bautista, pananglitan. Ang iyang kinabuhi "hilabihan ka makiangayon, mailhan uban sa pagpaubos ug pagdumili sa kaugalingon. Ang iyang mga pagtolon'an, mga tambag, ug mga pagbadlong, mga masibuton, sinsero, ug maisugon. Sa iyang tahas, wala siya miliko sa too ni sa wala aron sa pagdani sa pabor ug mga pagdayeg ni bisan kinsa. Siya wala nagtinguha sa kalibutanong dungog o kalibutanong dignidad, apan mapaubsanon sa kasingkasing ug kinabuhi, ug wala miangkon sa dungog nga dili iya." 3 Si Juan, ang apostoles sa gugma, nagpahayag: "Kay ang tanan nga gipanganak sa Dios, nakadaug sa kalibutan; ug kini mao ang pagdaug nga midaug sa kalibutan, nga mao ang atong pagtoo. Kay kinsa ba ang makadaug sa kalibutan, kondili ang mitoo nga si Jesus mao ang Anak sa Dios?" (1 Juan 5:4, 5). Pagdaug sa unod Diha sa Galacia kapitulo 5, adunay duha ka mga nagakalahi nga kahimtang, nagapahayag nga "ang unod nagakaibug batok sa Espiritu, ug ang Espiritu batok sa unod; kay kini sila nagasupakay ang usa ug usa, aron dili ninyo pagbuhaton ang mga butang nga buot ninyo" (bersikulo 17). Dayon si Pablo naghubit sa buhat sa unod: "Karon mahayag ang mga buhat sa unod nga mao kini: Pagpakighilawas, kahugawan, kaulag, pagsimba sa mga dios-dios, lumay, mga pagdinumtanay, mga panagaway, mga pangabugho, mga kaligutgut, mga pagpundokpundok, mga pagka-bahinbahin, mga pagbulag gikan sa matuod nga pagtoo; mga kasina, mga paghuboghubog, mga pagpatay sa isigkatawo, mga kaulit, ug mga butang nga maingon-ingon niini, nga gipasidaan ko kaninyo, ingon nga gipasidaanan ko kamo pag-usab, nga kadto sila nga nagabuhat sa maong mga butang, dili makapanunod sa gingharian sa Dios" (bersikulo 19-20). Ang New International Version nagapahayag sa pasidaan batok niini nga mga buhat sa mas binag-o nga mga termino ingon nga "salawayon nga pakighilawas, hugaw ug hilas nga mga buhat, ingon man sa pagsimba sa mga diosdios ug sa pagpamarang. Makita usab kini sa pagdinumtanay, pagbingkilbingkil, sa kasina, sa kapungot, sa kahakog, sa pagkabahinbahin, pagkamasinahon, pagkapalahubog, pagkamapatuyangon sa lawasnong kaibog ug uban pang mga butang nga sama niini." Apan si Pablo mipadayon sa paghubit sa bulahan nga kaatbang: "ang gugma, kalipay, pakigdait, pagkamapailubon, pagkamahinuklogon, pagkaayo, pagkamatinumanon; pagkaaghup, pagpugong sa kaugalingon. Batok sa maong mga butang walay kasugoan" (bersikulo 22, 23). Tapus sa paghubit sa mga buhat sa unod ug sa bunga sa Espiritu, ang apostol usab naghatag sa yawi sa kadaugan sa Cristohanong kinabuhi: "Ug sila nga mga iya ni Cristo, gilansang nila sa krus ang unod uban sa mga tinguha nga lawasnon ug sa mga kailibgon niini. Kong magpuyo kita sa Espiritu, maggawi usab kita pinaagi sa Espiritu" (bersikulo 24, 25). "Kadtong kinsa miapil sa lumba sa pisikal nga kusog alang sa madunot nga ganti nakasabut nga gikinahanglan ang hugot nga pagpugong gikan sa tanang pagpatuyang nga makaluya sa pisikal nga mga gahum.... "Unsa ka labaw pa gayud kadtong kinsa miapil sa lumba sa evangelyo, magpugong sa ilang mga kaugalingon gikan sa supak sa kasugoan nga pagpatuyang sa gana ug 'maglikay kamo sa mga kailibgon nga lawasnon, nga nagapakiggubat batok sa kalag' (1 Pedro 2:11). Sila kinahanglan magmapinugnganon sa tanang panahon. Ang samang pagpugong nga naghatag kanilag gahum sa pagbaton sa kadaugan sa usa ka higayon, kon permihon, mohatag kanila sa dakung bintaha sa lumba alang sa korona sa kinabuhi." 4 Sa ato pa, ang atong kadaugan, nagadepende sa pagtugyan sa atong kinabuhi kang Cristo ug maginiyahan sa Balaang Espiritu pinaagi sa Pulong sa Dios. "Apan salamat sa Dios nga gahatag kanato sa kadaugan pinaagi sa atong Ginoong Jesu-Cristo" (1 Corinto 15:57). Pagdaug sa yawa Si Satanas daku nga kaaway ni Cristo. Siya misugod sa iyang pagpakiggubat batok sa atong Manluluwas sa langit ug nagpadayon diri sa yuta. "Dihay usa ka gubat sa langit: Si Miguel ug ang iyang mga manolonda miasdang sa pagpakiggubat sa dragon; ug nagapakiggubat usab ang dragon ug ang iyang mga manolonda. Ug sila wala makadaug, ug walay hingkit'an nga dapit alang kanila sa langit. Ug gisalibay ang daku nga dragon, ang daan nga bitin, nga ginanganlan. Yawa ug Satanas, siya nga nagalimbong sa tibook nga kalibutan; gitambug siya, ug uban kaniya gipanalibay ang iyang mga manolonda". (Bugna 12:7-9). "Ang atong punoan nga kaaway mao ang yawa. Siya gipaila ingon nga usa ka nagangulob nga leon nagalibut-libut kinsa ang iyang matukob. Sa diha nga iyang makit'an ang mga tawo kinsa nahimong mapahitas'on, ingon sa iyang kaugalingon didto sa langit, ug puno sa pangabugho, ug ambisyuso alang gahum ug ka labaw, siya nasayud unsaon sila paggiya pinaagi sa iyang mga tentasyon aron sila *mamiga sa ilang mga gahum alang sa iyang paggamit, ug mahimong iyang mga ahente aron sa pagdaut sa ilang isigkatawo. Siya andam sa pagbuhat pinaagi sa mga tawohanong ahente sa paagi nga magtago sa iyang kaugalingon gikan sa panan'aw, aron nga siya maka-maniobra sa dugtong sa mga sirkumstansya nga mogiya sa mga tawo palayo gikan sa Dios, mogiya kanila layo gikan sa kahugpongan ug pakigkauban niadtong kinsa nadugtong ni Cristo, ug magainpluwensya kanila sa paghimo sa buhat sa pagpasuko, pagpasakit, ug pagpaluya niadtong kinsa nahigugma kang Jesus. Ang lamat sa tentasyon nagagunit niining mga kalaga sama sa makabibihag nga haylo. "Ang tagsatagsa ka tawo ginatintal, sa diha nga siya ginaguyod sa iyang kaugalingong kailibgon, ug ginadani'. (Jacobo 1:14). Ang pagtugyan ngadto sa tingog sa maninintal, ang ginatintal mitugyan sa pagkamatarung ug prinsipyo, ug inay nga moliso dayon ngadto sa Dios uban sa pagkasubo ug paghinulsol, siya miputol sa katapusang sumpay diin ang gahum sa Dios makabuhat alang kaniya, ug ang hades midaug tungod kay siya natukob sa kaaway. Sa diha ang kaaway maglingla sa kalag ug magbitik sa yam'angan nga mga tiil, siya dayon mopresentar sa Dios ingon nga dili mapugngan ug dili mapasayloon, magingon nga walay kapuslanan ang pagsugid sa sala karon, kay ang Dios dili mopasaylo. Ayaw papaminawa ang kalag nga natental sa *mamiga (sa English <prostitute> verb) gikan sa pulong biga sa cebuano. Ang pamiga sa ibabaw nagpasabut sa pagkabigaon sa gahum dili sa lawasnon. 30 Ang Tigmantala sa Reformasyon, Vol. 57, No. 6

31 tingog sa magsusumbong ug tigdaut, ug kuhaa ang way paglaum nga apostata, ug ibutang didto sa kangitngit sa tungang gabii. Hinumdumi ang saad sa Dios. Siya nagingon, 'Bumalik ka kang Jehova, nga imong Dios; kay ikaw nahulog tungod sa imong kasal'anan. Dad-a ninyo ang mga pulong, ug bumalik ngadto kang Jehova; umingon kamo Kaniya: Kuhaa ang tanang kasal'anan, ug dawata kami sa pagka-maloloy'on' (Oseas 14:1, 2). Ang Ginoo motubag, 'Ayohon Ko ang ilang mga pagkasuki, sila higugmaon Ko sa walay bayad; kay ang Akong kasuko mibulag kaniya' (bersikulo 4). Bulag sa kaaway, ug pangitaa ang presensya ni Jesus; uban sa mga luha sa pagsugid ug uban sa kasubo sa pagbasol sa gihapon magaduso sa imong hangyo diha sa trono sa gracia, ang Ginoo mamati, ang Ginoo motubag; balik kay basin maulahi na kaayo."5 Si Juan nga Revelador nagpamatuod unsaon kini nga kadaugan mahimo. Siya naghulagway: "Ug nadungog ko ang usa ka dakung tingog sa langit, nga nagaingon: Karon miabut na ang kaluwasan, ug ang gahum ug ang gingharian sa atong Dios, ug ang pagbulot'an sa Iyang Cristo: kay gitambug ang magsusumbong sa atong mga igsoon, nga nagasumbong kanila sa atubangan sa atong Dios sa adlaw ug gabii. Ug siya gidaug nila tungod sa dugo sa Cordero, ug tungod sa pulong sa iyang pagpamatuod, ug wala nila paghigugmaa ang ilang kinabuhi hangtud sa kamatayon. Tungod niana, managlipay kamo, oh mga langit, ug kamo nga nagapuyo diha kanila. Alaut ang yuta ug ang dagat: Kay ang yawa nanaug kaninyo nga puno sa dakung kaligutgut, sa hingang Tigmantala sa Reformasyon, Vol. 57, No. 6 baloan niya nga hamubo na lamang ang iyang panahon" (Bugna 12:10-12, pagpasantup gidugang). Atong nakita sa ibabaw giunsa ni Juan paghulagway ang gubat ug ang kadaugan sa katawohan sa Dios: "Siya gidaug nila tungod sa dugo sa Cordero, ug tungod sa pulong sa iyang pagpamatuod, ug wala nila paghigugmaa ang ilang kinabuhi hangtud sa kamatayon." "Makiggubat kini sila [sa politikanhon ug relihiyusong mga gahum] batok sa Cordero, ug pagadaugon sila sa Cordero kay siya mao ang Ginoo sa mga ginoo ug ang Hari sa mga hari; ug ang mga kauban niya mga tinawag, ug mga pinili, ug mga matinumanon" (Bugna 17:14). Imo bang nakita? Ang kadaugan nadaug na ni Cristo alang kanato, ug kadtong kinsa uban Kaniya usab mahimong mga mananaug pinaagi sa ilang pagkahiusa uban sa ilang Manunubos. Sila gitawag, ug pinili, ug matinumanon. Kita ba mahimong mananaug? Klaro! Hangtud nga kita magpabilin sa atong pagtoo kang Cristo ug magamintinar sa buhing kadugtongan uban Kaniya. Ang awit sa kadaugan gisulat ni Pablo diha sa Roma 8 haum kaayo nga itapus niini nga mensahe: "Busa unsa ang atong igaingon niining mga butanga? Kong ang Dios dapig kanato kinsa ang batok kanato? Siya nga wala magpagawas sa Iyang kaugalingon nga Anak, kondili nagatugyan Siya alang kanato nga tanan, ngano man nga dili usab Niya ihatag kanato sa walay bayad ang tanang mga butang? Kinsa ang makagsumbong batok sa mga pinili sa Dios? Ang Dios mao ang nagapamatarung. Kinsa ba ang nagahukom sa silot? Si Cristo Jesus mao ang nagpakamatay: labi pa gayud, ang gibanhaw gikan sa mga minatay, ang atua usab sa toong kamot sa Dios, nga mao usab ang nagapangamuyo alang kanato. Kinsa ang makapahamulag kanato sa gugma ni Cristo? Ang kaguol ba, kun ang kasakit, kun ang paglutos, kun ang gutom, kun ang pagkahubo, kun ang katalagman, kun ang hinagiban? Ingon sa nahasulat na: Tungod kanimo ginapamatay kami sa tanan nga adlaw; ginaisip kami ingon sa mga carnero sa ihawan. Dili, kondili niining tanang mga butanga kita labaw pa kay sa mga mananaug pinaagi Kaniya nga nahigugma kanato. Kay nasayud ako, nga bisan ang kamatayon, bisan ang kinabuhi, bisan ang mga manolonda, bisan ang mga kagamhanan, bisan ang mga butang karon, bisan ang mga butang nga palaabuton, bisan ang mga gahum, Bisan ang kahitasan, bisan ang kahiladman, bisan kinsa sa uban nga mga binuhat, sila dili arang makapahamulag kanato gikan sa gugma sa Dios, nga anaa kang Cristo Jesus nga atong Ginoo" -(bersikulo 31-39). R Mga Referensya Confrontation, p. 86. Testimonies for Ministers, p The SDA Bible Commentary [E. G. White Comments], vol. 5, p Ibid., vol. 6, p The Review and Herald, December 11,

32 angtigmantala sa Periodical Postage PAID Roanoke, VA Reformasyon P.O. Box 7240 Roanaoke, VA Mibalhin? Palihog pahibaloa me. Madaugong Kinabuhi Sila mitamay ug miyubit, Kay ang ilang batakan mas higpit. Uban nagtan'aw nga sila nabuntog. Apan kada usa mananaug. Lain na usab mao si Daniel, Propeta kansang kalisud Kaulipnan, mga paghulga Unya pangulo sa nasud. Sila miabut sa kasaysayan E atras ang orasan: Ang usa nga nailhan Si Enoc iyang ngalan. Sila mga tawo lamang Makasasala ug maluya. Apan sa madali sila midaug! Kay si Jesus ilang giya. Unya si Abraham misunod. Iyang anak gihalad, Apan ang Dios mipakgang ug Ang kadaugan nakuptan. Dyutay lang atong nanganlan; Kini sila pipila lamang. Kay kita, usab, giagda Nga modaug sama nila! Unya dunay Jose Sinakit sa mga igsoong lalake. Mapasayloon ug halangdon Alang sa uban kinabuhi. Mubo na karon ang panahon Alang sa dyutay nga panon Mananaug tun'an ta Uban kanila ikaw ba? Sa kamatayon gidayeg tanan, May rosas Ilang lubnganan; Apan kinabuhi puno sa kalisdanan: Si Moises atong nailhan. Ang dalan tiptip, ug Ang agianan masakit, Apan hinumduman nato; Cordero namatay alang kanato. Usa ka propeta kansang kaisug Atong gidayeg nga bantug: Ang Dios mitubag kang Elias Uban sa kalayong mapintas. Sa pagtan'aw kasingkasing matunaw Sa ganansya dili sa kalugi; Sa pagbutang sa tanan Sa krus nga tiilan. B. Montrose RGA