Education for Justice Fact Sheets By Mid-Minnesota Legal Aid and Legal Services State Support Education for Justice P.O. Box 14246 St. Paul, MN 55114 e4j@mylegalaid.org Cov Kev Pab Rau Neeg Pej Xeem Tsis Tau Xam Xaj Public Benefits For Non-Citizens Cov kev pab rau neeg pej xeem tsis tau xam xaj muaj kev cov nyom heev. Vim lawv cuam tshuam nrog kev cai lij choj tuaj nyob teb chaw no thiab kev cai pab neeg. Cov kev cai lij choj no tau hloov ntau heev ob peb xyoos dhau los. Kom paub meej txog koj tus kheej, tham nrog ib tug kws lij choj uas paub txog kev cai lij choj rau txoj kev tuaj nyob teb chaws no thiab tej kev pab. Cov kev pab rau pej xeem txhais tias yog cov nyiaj txiag uas feem tswv them tuaj pab ib tus neeg los yog ib tsev neeg txoj kev noj qab hauv huv xws li zaub mov noj, khaub ncaws hnav, vaj tse los yog them nqi kho mob. Cov kev pab sib txawv raws nws cov nyiaj pab pej xeem. Cov kev pab muaj kev cai ceev seb tsuas yog leej twg thiaj tsim nyog tau kev pab. Muaj cov kev cai seb tib neeg tsis yog neeg xam xaj puas tsim nyog tau kev pab. Kom paub seb koj puas tsim nyog tau kev pab, koj yuav tsum paub tias koj tuaj nyob teb chaw no yog nyob mus hom neej tawg rog. Xyuas koj cov neej tawg rog ntaub ntawv. Tam sim no INS hloov lawv lub npe mus ua USCIS (Kev Pab Rau Neeg Pej Xeem Xam Xaj). Ua ntej no peb xav tham txog cov kev pab uas koj thiaj yuav thov tau. Tau cov kev pab rau pej xeem kuj tsim kev nyuab thaum mus thov daim npav ntsuab rau tej txhia neeg, tiam sis tsis yog nyuab rau txhua tus neeg tuaj tshiab. Qhov nyuab no yog nyob ntawm seb koj tuaj nyob teb chaws no raws zaj twg. Nco ntsoov xyuas 3 yam thaum koj nyeem tsab ntawv lus tseeb no: Yam kev pab twg thiaj yog yam tsim nyog rau koj Seb tau yam kev pab puas tsim kev nyuam rau koj mus thov daim npav ntsuab Seb yog tau yam kev pab puas ua nyuab rau koj txoj kev txais tos cov tsev neeg tshiab tuaj nyob rau teb chaws Asmeskas Cov Tib Neeg Khiav Kev Puas Ntsoog Cov tib neeg khiav kev puas ntsoog txhais tias yog cov neeg uas khiav tuaj nyob teb chaws Asmeskas kom dim kev puas ntsoog ntawm nws lub teb chaws. Tsis yog txhua tus neeg tau txoj cai tuaj nyob los ntawm USCIS vim yog txoj kev no. Tsuas yog tej cov teb chaws uas cov nom tswv tsim kev kub ntxhov rau pej xeem uas USCIS thiaj pom zoo txais tos. Xyuas koj cov neej tawg rog ntaub ntawv. Yog koj tuaj nyob raws ib hom kev nram no, tej zaum koj yuav tau kev pab los ntawm tseem fwv: Neeg tawg rog poob teb chaws, Neeg raug txim, 2013 Kom tau kev pab ntxiv mus xyuas www.lawhelpmn.org I-2 pg. 1
Tus neeg raug xa rov qab, tiam sis USCIS cheem tos vim koj lub teb chaws muaj kev puas ntsoog Tuaj vim yog haiv neeg Cuban los yog Haitian. Qhov nov txhais tsis tau hais tias txhua leej neeg tuaj Cuba thiab Haiti tuaj vim nws yog cov haiv neeg no, tiam sis yog cov neeg uas raug txim nyob rau teb chaws Asmeskas uas yog tuaj vim yog haiv neeg Cuban los yog Haitian, los yog cov neeg thov nyob teb chaws no nraim kev tsim txom los yog cov uas USCIS pib cais los yog tshem tawm. Neeg ntshav Asmeskas. Qhov nov txhais tau tias tsuas yog cov me nyuam leej txiv yog neeg xam xaj Asmeskas nyob rau tej lub teb chaws neeg Esxias yav Qab teb Sab hnub tuaj rau cov xyoo tua rog nrog Nyab Laj. Cov neeg tuaj nyob raws cov hom no yog cov hu tau tias cov neeg tuaj nyob tsim nyog teb chaws no. Lawv muaj cai tau kev pab nyiaj SSI, nyiaj MFIP, nyiaj GA, nyiaj muas noj thiab ntawv pab them nqi kho mob Medical Assistance. Yog koj tsis yogi b twg neeg khiav kev puas ntsoog mus phab peb. Nyiaj Ssi (Supplemental Security Income) Hom kev pab no them nyiaj hli $698.00 yog tias koj yog ib tug neeg laus los yog xiam oob qhab thiab ua tsis taus hauj lwm. Qhov nyiaj no yuav tsawg yog cov neeg koj nrog nyob pab koj them koj lub nqi tsev los yog yuav zaub mov los yog koj sib yuav thiab koj tus txij nkawm ua hauj lwm los yog tau nyiaj SSI. Tej zaum nws kuj yuav tsawg dua yog koj muaj ntxij nkawm thiab koj ntxij nkawm tau nyiaj SSI. Tej cov me nyuam xiam oob qhab kuj tau nyiaj SSI. Koj mus thov nyiaj SSI ntawm lub chaw ua hauj lwm Social Security. Kom nrhiav tau ib lub chaw thov nyiaj ze koj, hu rau 1-800-772-1213. SSI muaj kev cai lij choj rau cov tib neeg tsis tau xam xaj: Yog koj tau nyiaj SSI ua ntej Yim Hlis 22, 1996, koj muaj cai noj nyiaj SSI mus li tsis muaj txwv sij hawm. Yog koj tuaj nyob teb chaws no raws kev cai lij choj ua ntej Yim Hli 22, 1996 tiam sis koj tsis tau nyiaj SSI dhau los, koj muaj cai tau nyiaj SSI mus li tsis muaj txwv sij hawm raws li koj txoj kev xiam oob qhab.koj yuav tsis tau nyiaj SSI raws koj lub hnub nyoog. Yog tias koj tuaj nyob rau hauv teb chaws Asmeskas tom qab lub Yim Hli 22, 1996, ces koj tsuas muaj cai tau nyiaj SSI mus 7 lub xyoo txij hnub koj tuaj txog hauv teb chaws Asmeskas raws li USCIS ib qhov kev pom zoo saum toj no los yog txij hnub koj tau txaisib hom kev pom zoo los ntawm USCIS. Thaum twg 7 xyoo tag lawm, yuav tsis muaj nyiaj SSI tuaj ntxiv lawm kom txog thaum twg koj mus xeem xam xaj tau. Tej zaum koj yeej tau ob los peb xyoo ntxiv thiab. Nyiaj MFIP (MN Family Investment Program) Hom no pab cov tsev neeg uas muaj me nyuam. Qhov nyiaj hli ntawd yog nyob ntawm seb tsev neeg muaj pes tsawg leej. Feem ntau cov tsev neeg tuaj tshiab raws kev cai lij choj yeej tau nyiaj MFIP mus 60 lub hlis (5 xyoos). Feem niam txiv coob uas tau nyiaj MFIP yuav tsum tau nrhiav hauj lwm ua. Lawv yuav tsum ntsib nrog MFIP cov neeg nrhiav hauj lwm kom nrhiav tau cov hauj lwm uas lawv ua tau kom tsis noj nyiaj MFIP lawm. Tej thaum koj kuj tau mus kawm hauj lwm tsis tau yog mus nrhiav hauj lwm. Kawm lus Askiv kuj yog ib txoj kev kawm hauj lwm, I-2 pg. 2
tiam sis lub xeev MN muaj kev txwv cia koj kawm ntawv ESL ntau npaum li cas xwb thaum uas koj noj nyiaj MFIP. Cov neeg noj nyiaj MFIP kuj tau ntawv them nqi kho mob MA (Medical Assistance) los them cov kws kho mob thiab tuam tsev kho mob rau lawv cov me nyuam. Ntau cov niam txiv kuj tau ntawv them nqi kho mob MA thiab. Nug tus neeg tuav koj cov ntaub ntawv nyiaj txiag. Koj kuj tau nyiaj muas noj los paub muas zaub mov noj thiab. Nyiaj General Assistance (GA- General Assistance) Hom no feem ntau yog pab rau cov tib neeg nyob ib leeg los yog muaj txiv nkawg uas tsis muaj nyiaj hli. Koj yuav tsum muaj ntaub ntawm xws li daim npav ntsuab nyob tau teb chawv U.S. thiaj li tau GA. GA them $203.00 tauj ib lub hli xwb. Yog koj tau nyiaj GA, koj kuj tau nyiaj muas noj thiab. Koj kuj tau ntawv pab them nqi kho mob GAMC (General Assistance Medical Care) los them nqi kws kho mob thiab tuam tsev kho mob. Yog tias koj xiam oob qhab tej zaum koj yuav thov tau MA thiab. Nug tus neeg tuav koj cov ntaub ntawv nyiaj txiag. Nyiaj GA muaj kev cai tshwj xeeb rau cov tib neeg uas tsis tau xam xaj. Yog koj tsis tau nto 70 xyoo thiab tuaj nyob rau hauv teb chaws Asmeskas tau 4 xyoos, kom yuav tsum tau nyiaj GA, koj yuav tsum rhais kauj ruam mus xeem xam xaj Asmeskas. Koj tsis tas ua qhov no yog koj nyob tsev laus. Qhov nov txhais tias koj yuav tsum: Yuav tsum kawm ib chav ntawv xeem xam xaj, kawm nyeem ntawm, kawm ntawm ESL, los yog nyob tos yuav kawm ib chav ntawv. Muaj npe yuav mus xeem los yog yuav mus txais ntawv xeem xam xaj dhau, LOS YOG Tsis tau ntawv xam xaj vim koj xeem tsis dhau 2 zaug los yog tsis to taub cov kev cai thiab dej num ua ib tug tib neeg pej xeem Asmeskas. Nyiaj Muas Noj Cov neeg khiav nraim kev puas ntsoog tau nyiaj muas noj. Tiamsis muaj ib co neeg khiav teb chaws tsis muaj cov nyiaj muas noj thawj 5 xyoo nyob haus US. Tabsi koj yuav tau mus ua neeg xeem xam xas. Yog Koj Tsis Yog Ib Tus Neeg Khiav Nraim Kev Puas Ntsoog Tej zaum koj yog hom neeg tsim nyog nyob teb chaws no thiab kuj tau cov kev pab rau pej xeem saum toj no yog tias koj yog: Tus neeg nyob teb chaws no mus li raws kev cai lij choj (muaj daim npav ntsuab) USCIS kaw tau tsawg kawg yog ib xyoos Ib tug poj niam raug tsim txom los yog raug hawv, yog nws yog neej asmeslikas los yog muaj cai nyob rau lub teb chaws no. Nyiaj SSI thiab nyiaj muas noj muaj kev cov nyom dua lwm hom kev pab. Yuav ko tau nyiaj muas noj koj yuav tau to 5 xyoo tabsi koj cov menyuam tsis tau to koj yuav tsis tau nyiaj SSI. Nyob ntawm seb thaum twg koj tuaj rau hauv Asmeskas teb lawm thiab koj tuaj nyob raws li neej tawg rog kev pom zoo hom twg. Feem ntau, kom tau nyiaj SSI, koj yuav tsum yog neeg dig muag los yog xiam oob qhab thiab tuaj nyob rau hauv teb chaws Asmeskas ua ntej lub Yim Hli 22, 1996. Yog koj muaj lus nug txog kev nrhiav cov kev pab no, hu rau lub chaw khiav kev cai lij choj. I-2 pg. 3
Yog Koj Muaj Neeg Tos Koj Tuaj Teb Chaws Asmeskas Coob leej muaj cov neeg nyob teb chaws Asmeskas tos lawv tuaj. Tus neeg tos yog ib tug neeg xam xaj Asmeskas los yog muaj daim npav ntsuab (ntawv raws kev cai lij choj tuaj nyob mus li) uas txaus siab tos koj tuaj rau teb chaws Asmeskas. Tus neeg tos koj tuaj nyob tes chawv Asmeskas yuav tsum saib xyuam koj thaum koj nyob rau huav U.S. Cov neeg tos no yuav tau cog lus rau USCIS hais tias yog muaj hnub koj cia li pluag, lawv yuav tau yug koj. Yog koj ib tug txheeb zeb tos koj tuaj teb chaws Asmeskas no tom qab lub Kaum Ob Hlis 1997, tseem fwv yuav suav tau koj tus txheeb zeb cov nyiaj tam li yog koj cov. Qhov nov yuav ua rau koj tau txais kev pab cuam xws li nyiaj hli nyuaj zog. Cov kev pab rau pej xeem muaj txwv nyiaj hlis. Tej zaum suav xam tus neeg tos koj tuaj cov nyiaj hli ces cuag li koj muaj nyiaj hli ntau tshaj txoj kev cai qhov kev txwv nyiaj hlis kom tsim nyog tau kev pab. Tej zaum koj yuav tau ntawv them nqi kho mob thaum muaj kev ti tes ti taw ceev. Koj cov menyuam yeej tau nyiaj muas noj. Suav xam tus neeg tos koj cov nyiaj txiag yuav tsis muaj feem xyuam rau koj yog tias nws yuav ua rau kom koj tsis muaj noj haus los yog tsis muaj vaj tse nyob los yog koj los sis koj tus me nyuam raug kev tsim txom los yog raug tus neeg tos koj tsim txom phem heev. Yog koj tuaj tau vim ntaub ntawv visa los yog lwm txoj kev tom qab Kaum Ob Hlis 18, 1997, tseem fwv xam tsis tau koj cov nyiaj hli rau cov kev pab tsuas yog rau MFIP xwb thiab tsuas yog xam tau mus ib ntus luv luv kawg xwb. Tham nrog lub chawj khiav dej num kev cai lij choj yog koj muaj lus nug txog seb puas suav xam tus neeg tos koj cov nyiaj hli tam li yog koj cov. Yog Tias Koj Tau Ua Ib Tug Tub Rog Los Yog Tab Tom Yog Tub Rog Rau Teb Chaws Asmeskas Koj tau nyiaj SSI tsis muaj txwv sij hawm yog tias koj laus zus los yog xiam oob qhab. Tej zaum koj kuj tau nyiaj MFIP, ntawv pab them nqi kho mob MA (Medical Assistance) thiab nyiaj muas noj. Tej zaum koj kuj tau nyiaj GA, tiam sis kom yuav tau rhais kauj ruam mus xeem xam xaj Asmeskas (xyuas saum toj). Koj tus txij nkawm thiab koj cov me nyuam tsis tau muaj txij nkawm kuj tsim nyog tau cov kev pab no. Tu siab cov tub rog Hmoob thiab Nplog tsis tau xam tias yog tub rog Asmeskas. Cov Neeg Tuaj Nyob Thiab Tsis Muaj Ins Ntaub Ntawv (Cov Tuaj Tsis Muaj Ntaub Ntawv) Cov neeg tuas nyob uas raws kev cai tiam sis tsis nyob ntev piv txwv, xws li cov neeg tuaj xyuas, cov neeg kawm ntawv, los yog cov neeg tuaj ua hauj lwm ib ntus. Cov neeg tsis muaj ntaub ntawv yog cov uas tsis tau kev tso cai los yog USCIS tsis kheev nws nyob ntxiv hauv teb chaws Asmeskas lawm. Cov neeg no yuav tsis tau ib yam kev pab li, tshuas yog li nram no: Tej zaum koj tau ntawv them nqi kho mob dawb thaum muaj kev ti tes ti taw yog tias koj yog neeg laus, xiam oob qhab, tsis tau muaj hnub nyoog 18 xyoo los yog cev xeeb me nyuam thiab koj yuav nyob Teb Chaw Asmeskas mus li. Cov poj niam cev xeeb me nyuam tau ntawv pab them nqi kho mob dawb rau tag nrho lub sij hawm nws xeeb me nyuam txog thaum yug tus me nyuam thiab 60 hnub tom qab yug me nyuam tag. I-2 pg. 4
Thaum koj kos npe thov ntawv them nqi kho mob, koj yuav tau qhia rau tias koj siv tsis tau MA vim yog txoj kev USCIS pom zoo rau koj tuaj nyob teb chaws no. Tsis txhob teb tej nqe lus nug txog koj txoj kev tuaj nyob teb chaws no. Tej zaum koj kuj tau ntawv pab them nqi kho mob los ntawm lub koom haum pab cov tib neeg raug kev tsim txom Center for Victims of Torture, (612) 436-4800. Yog koj tab tom yuav hloov koj li ntawv tawg rog, tej zaum koj kuj yuav tau txais tsoom fwv kev pab xwm li nyiaj hli los yos ntawv mus kho mob. Koj yuav tau txais tshais thiab su tom tsev kawm ntawv pab, poj niam, me nyuam mos, menyuam (WIC) kev pab yuav mis, kev xav tshuaj los ntawm feem kev pab cuam dawb, thiab kev pab cuam ntawm tsev pib kawm ntawv. Cov Tsev Neeg Uas Muaj Ib Tug Neeg Tuaj Tsis Muaj Ntaub Ntawv Ib tsev neeg yog ib pab neeg nyob ua ke hauv ib lub tsev los yog ib chav tsev. Lawv tsis tas yuav yog kiag tib tsev neeg txheeb ze. Cov neeg tsis muaj ntaub ntawv yog tias lawv tsis tau txoj kev cai los ntawm USCIS tuaj rau hauv teb chaws Asmeskas los yog lawv txoj cai tas sij hawm lawm. Ntau cov tsev neeg muaj tej tug neeg uas yog xam xaj Asmeskas los yog tuaj muaj ntaub ntawv zees thiab ib txhia tuaj tsis muaj ntaub ntawv. Nram no yog ib cov ua piv txwv: Tej zaum tus niam tus txiv tsis muaj ntaub ntawv muaj me nyuam yug teb chaws Asmeskas. Cov me nyuam tau nyiaj MFIP, nyiaj muas noj thiab ntawv pab them nqi kho mob, tiam sis tus niam tus txiv ntawd yuav tsum tau kos npe thov cov kev pab no. Yog koj tuaj tsis muaj ntaub ntawv koj kos npe thov kev pab tau rau koj cov me nyuam. Tsis txhob teb tej nqe lus nug txog koj txoj kev cai tuaj nyob teb chaws no. Tsuas teb tias Kuv tsuas yog thov kev pab rau kuv cov me nyuam xwb. Vim yog txoj kev kuv tuaj rau teb chaws no, yuav tsis muaj kev pab rau kuv. Tus neeg muaj daim npav ntsuab (ntawv raws kev cai lij choj tuaj nyob mus li) kuj thov tau kev pab thaum nyob nrog tus phooj ywg, tus txheeb ze los yog tus txij nkawm uas tuaj tsis muaj ntaub ntawv. Yog koj nyob nrog tsev neeg sib txuam pes daws ib yam li muaj ib co tau ntawv nyob Teb Chaws Asmeskas ho ib co tsis muaj ces tham nrog ib tug kws lij choj ua ntej koj thov kev pab. I-2 pg. 5
Yog Tau Cov Kev Pab Cuav Yuav Tshwm Sib Dab Tsi Rau Koj Yog Koj Yog Neeg Tawg Rog Tau Daim Npav Ntsuab Yog koj los sis ib tug neeg hauv koj tsev neeg yuav mus thov daim npav ntsuab (ntawv raws kev cai lij choj tuaj nyob mus li) rau 3 lub xyoo tom ntej no, tham nrog ib tug kws lij choj ua ntej koj mus thov kev pab. USCIS muaj txwv tsis kheev muab npav ntsuab rau cov neeg uas muaj feem yuav tsim nuj nqis rau pej xeem. Tsim nuj nqis rau pej xeem yog tus neeg uas tau nyiaj txiag pab xws li nyiaj SSI, nyiaj MFIP los yog nyiaj GA (General Assistance). Yog koj tsev neeg tau txais cov kev pab rau pej xeem dhau 3 lub xyoos los, USCIS yuav xam pom tias koj yuav yog ib tug tsim nuj nqis rau pej xeem. Tham nrog ib tug kws lij choj. TIAM SIS qhov nuj nqi tsim rau pej xeem no tsis muab xam rau cov neeg tawg rog khiav teb chaws los yog cov khiav kev puas ntsoog. Nws kuj tsis muab xam yog tias hom kev pab uas koj tau tsis yog nyiaj txiag xws li: Ntawv pab them nqi kho mob MA (Medical Assistance) WIC (Pab mis thiab khoom noj rau cov poj niam, me nyuam mos thiab me nyuam yaus) Kev pab vaj tse Kev pab yuav mob Kev pab them nqi hluav taws xob Ntawv them nqi kho mob rau cov poj niam cev xeeb me nyuam Kev zov me nyuam Ua Ib Tug Neeg Tos Ib Tsev Neeg Tuaj Rau Teb Chaws Asmeskas Yog koj xav tias yuav tos leej twg tuaj rau ob peb lub xyoo tom nej no, koj yuav tau tsis txhob kos npe thov kev pab. Tej zaum USCIS yuav txiav txim tsis cia koj ua tus xuas nyiaj txiag yug tus neeg tuaj tshiab yog tias koj thov tau nyiaj txiag pab koj xwb thiab. Thaum twg koj yuav mus thov nyiaj koj muaj txoj kev cai tau ib tug neeg txhais lus yog tias koj xav tau ib tug. Tseem fwv cov chaw ua hauj lwm muab kev pab yuav tsum muaj tus neeg txhais lus pub dawb rau cov tib neeg hais tsis tau lus Askiv zoo. Lawv yuam tsis tau kom koj coj ib tug neeg txhais lus, tiam sis koj yeej coj tau ib tug txhais lus yog tias koj xav coj. Xyuas peb tsab ntawv qhia tseeb txog I-3 Koj Cov Kev Cai Tau Ib Tug Neeg Txhais Lus. Yuav nrhiav lwm yam Legal Aid Society ntaub ntawv, nrog rau cov ntawv ua tham txog hauv daim ntaub ntawv no, mus saib tos www.lawhelpmn.org/lasmfactsheets. Txhob siv daim ntawv qhia no yog tias nws twb ua tawm los dhau ib xyoos lawm. Sau ntawv rau peb kom tai cpv mtawv kho hloov tshiab, daim ntawv qhia txhua yam uas muaj tiag, los yog lwm hom siv los qhia. Cov ntawv qhia uas muaj tiag yeej muab lus teb tsis tas rau ib qho teeb meem kev cai lij 2013 Mid-Minnesota Legal Assistance. Cov ntaub ntawv no rov muab tsim tawm dua tau thiab siv rau tsis yog lag luam thiab kev kawm xwb. Tas nrho txoj cai tshwj tseg. Qhov lus ceeb toom no yuav tsum nyob ntawm txhua txhua daim ntawv luam. Txwv ncaj nraim tsis pub rov muab tsim tawm thiab faib rau suav daws yam yuav nyiaj ua lag luam. I-2 pg. 6