MATUMIZI YA FACEBOOK KWA BIASHARA. Kwa Wanaoanza

Transcription

1 1 Matumizi bora ya Facebook kwa Biashara MATUMIZI YA FACEBOOK KWA BIASHARA Kwa Wanaoanza For IT Services & Web Solutions Web: Phone:

2 2 Matumizi bora ya Facebook kwa Biashara Yaliyomo MATUMIZI YA FACEBOOK KWA BIASHARA... 1 Sehemu 1: Utangulizi Kuhusu Facebook... 3 Utangulizi... 4 Ni nini Facebook... 6 Kwanini unatakiwa kujali... 6 Misamiati ya Facebook... 7 Sababu za kutumia Facebook... 8 Sehemu 2 : Kurasa ya Biashara Kiundani... 9 Kurasa binafsi VS Kurasa ya biashara Kuanzisha Kurasa ya biashara Ongeza ubora wa kurasa yako Kurasa VS Kikundi Kujitangaza kwenye Facebook Mkokotoo wa ubora wa taarifa Mambo 10 bora kwa Bashara yako Jinsi ya kupima matokeo ya Facebook Makamilisho na maarifa zaidi... 25

3 3 Matumizi bora ya Facebook kwa Biashara Sehemu 1: Utangulizi Kuhusu Facebook

4 4 Matumizi bora ya Facebook kwa Biashara Utangulizi Kama unasoma Makala hii, utakuwa umeshawahi kusikia kitu kinachoitwa mitandao jamii (Social Media), vitu kama Twitter, Facebook, LinkedIn nk ndivyo vinavyoitwa Mitandao Jamii. Wengi wetu tumekuwa tukitumia mitandao jamii kusasisha (updates) juu ya yanayojiri kwenye maisha yetu kama kutuma picha au taarifa za matukio mbakimbali. Je umeshawahi kujiuliza ni jinsi gani biashara yako inaweza kunufaika na mitandao jamii? Makala hii ni mahususi kwa hilo. Mitandao jamii imekuwa moja ya nyenzo imara kabisa ya kujitangaza na kuwafikia walengwa wengi kwa uharaka na mapana zaidi kwa njia ya mtandao. Jiulize swali dogo tuu, je kwa siku za karibuni umekuwa ukitumia njia gani kufahamu juu ya bidhaa au huduma fulani. Je kwa kutumia tangazo la kwenye TV au Radio ambapo hauna uhakika hata saa ngapi wataonesha tangazo unalohitaji? Au kwa kupitia gazeti ambapo wengi wetu sasa inapita hata mwezi bila kusoma gazeti lililochapishwa? Au ni mara ngapi umetumia muda wako kusoma lundo la s kwenye sanduku la za matangazo (Junk s)? Siku hizi watu wamebadilika sana, wateja hupendelea kutafuta huduma toka mahali ambapo wanapata taarifa zote kwa upamoja tena pindi wanapohitaji, baadhi ya njia watumiazo kwa sana ni kama; kwa kutumia mitambo ya utafutaji (search engines) au toka kwa marafiki zao walio kwenye mitandao jamii (Social networks). Na huko ndiko kunakoshibisha njaa ya huduma na kujibu maswali yao yote. Je wewe ni mmoja wa watoa huduma wanaoshibisha njaa ya taarifa za huduma au kujibu maswali ya wateja? Facebook siyo sehemu ya kupotezea muda kama wengi wanavyofikiria, pia siyo sehemu ya vijana peke yake na wala siyo sehemu ya kukimbiwa na wafanyabiashara makini. Facebook ni sehemu inayounganisha watu pamoja, na wewe kama mfanyabishara makini, Facebook ni sehemu sahihi itakayokuwezesha kujitanua na kukutana na wateja wengi wa sasa na wa baadae. Ndiyo, Facebook inaweza kuwa na changamoto nyingi sana kwa mfanyabishara, ni ngumu sana kumshawishi mkurugenzi wako juu ya faida za Facebook kibiashara kumpelekea kuiingiza Facebook kwenye mipango kazi ya kujitangaza (Marketing Strategies), ila kama utajipanga huku ukiwa na uelewa mzuri, kuvifahamu na kuvitumia vizio (metrics) thabiti, basi utafurahia matunda yatokanayo na Facebook.

5 5 Matumizi bora ya Facebook kwa Biashara Twende kazi, ili kuwasaidia wafanyabiashara na Wakurugenzi juu ya matumizi thabiti ya Facebook kibiashara, kitabu hiki kimelenga na kujikita moja kwa moja kukuongoza kwenye kila kitu muhimu unachotakiwa kukifahamu kwenye matumizi thabiti ya Facebook kwa biashara yako. Utakapomaliza kitabu hiki, basi utakuwa na uelewa mzuri siyo tuu kuhusu Facebook yenyewe, bali pia mahusiano yake na biashara yako.

6 6 Matumizi bora ya Facebook kwa Biashara Ni nini Facebook Facebook ni mtandao jamii unaowaunganisha watu pamoja, mtandao huu unawakutanisha marafiki, wanafamilia, wafanyakazi na hata wapenzi. Kiufupi, Facebook inakukutanisha na wengine wenye vitu munavyofanana au kuingiliana (interest). Tangu kuanza kwake ambapo ilikuwa haswa kwa ajili ya wanafunzi wa vyuo, Facebook imeendelea kupanuka zaidi na siku hadi siku umeweza kuteka makundi mbalimbali ya watu likiwemo la wafanyabishara tunaloliongelea hapa leo. Kwanini unatakiwa kujali Takwimu za Machi 2014 zinaonesha kuwa, Facebook ina watumiaji Bilioni 1.3, na namba hii inaendelea kuongezeka siku hadi siku. Kulingana na takwimu za kwenye Wikipedia.com, Facebook ni mtandao wa pili kwa umaarufu duniani baada ya Google na pia ni mtandao jamii wa kwanza kwa umaarufu na kutembelewa, hivyo kuacha kutumia Facebook ni kutokuitendea haki boashara yako. Je ulidhani mteja wako hatumii Facebook? Takwimu zinaonyesha kuwa kuna idadi ya kutosha (zaidi ya 45%) ya watembeleaji wa Facebook Tanzania (Tamaza kulia) ambao hawapo kwenye kundi la wanavyuo. Hili ni kundi lenye uwezo mkubwa wa kutumia na kufanya maamuzi. Pia, idadi hii inazidi kuongezeka siku hadi siku na kuifanya Facebook kuwa ni sehemu muhimu kwa wanafanyabiashara. Kitu cha muhhimu kuzingatia ni kuwa, Facebook imekuwa ikitanuka siku hadi siku na mapokeo yake miongozi mwa watanzania yamezidi kuwa makubwa sana. Pia, ukweli ni kuwa, kwenye jamii nyingi za Kitanzania, vijana ndiyo wenye uelewa na matumizi makubwa ya Intaneti na huku wazazi (watu wazima) wakiwategemea kama daraja la kufikia kwenye ulimwengu wa.com, hivyo hata kwa wale walio chini ya miaka 24, hawawezi kupuuzwa moja kwa moja. Na pia inategemea aina ya biashara unayofanya, kuna baadhi ya biashara, kama mavazi hawa ndiyo walengwa wakuu.

7 7 Matumizi bora ya Facebook kwa Biashara Misamiati ya Facebook Jua maneno yatumikayo Facebook na maana zake; Application Ni program inayowawezesha watumiaji kugawana Makala, picha nk na kujichanganya na wengine. Fan Mtumiaji wa Facebook aliyependa (Like) kurasa wa kampuni au mtoa huduma. Friend 1.) (n) Uhusiano kati ya mtu na mtu kwenye Facebook; 2.) (v) Kumuongeza mtumiaji wa Facebook kuwa rafiki. Friend List Orodha ya marafiki. Group Ni kikundi cha watumiaji wa Facebook wenye mlengo unaofanana, mfano wanachuo, wajasiriamali nk. Mtu yoyote kwenye Facebook anaweza kutengeneza kikundi na kualika wengine. Kikundi kinaweza kuwa cha wazi au kilichofungwa, kwa kikundi kilichofungwa inamaana; wanakikundi tu ndiyo wanaweza kuona yanayoendelea kikundini. Like(s) 1. (v) kwenye Facebook ina maanisha umependa na unakuwa mpenda (Fan) kurasa hiyo; 2. (v) kwenye Facebook inamaanisha umependa makala, picha nk ya mtu mwingine.; 3. (n) Idadi ya watumiaji waliopenda kurasa. Page Kurasa rasmi kwa jili ya mtu maarufu, kikundi, bendi, bisahara, mahali, bidhaa au kitu chochote ambacho kitawezesha waliopenda (fans) kujumuika na kupata masasisho (Updates). Profile Kurasa binafsi ya mtu kuweza kugawana taarifa na wengine na pia kujumuika nao. Wall Uso wa mbele wa kurasa binafsi (profile) ambapo mtu anaweza kutuma kitu chochote kama taarifa (status), kupenda (like) kurasa (becoming a fan of a page) nk. Following Kufuatilia kurasa au mtu, hii inamaanisha, kila kitu kitakachofanyika na muhusika au wahusika, utaweza kukiona kwenye kurasa yako bila hata kwenda kwao. Page Likes Idadi ya watu waliopenda kurasa.

8 8 Matumizi bora ya Facebook kwa Biashara Sababu za kutumia Facebook Kuna sababu nyingi sana kwa mfanyabiashara zitakazompelekea kuamua kutumia facebook, baadhi ya sababu hizo ni kama; Kuweza kupatikana na watu wanaotafuta huduma/ bidhaa unayouza Kuwa karibu na wateja wa sasa na wale wa baadae Kutengeneza jamii ya wateja wa biashara yako kwa njia ya mtandao Kutangaza Makala, taarifa na vitu vingine muhimu kwa biashara yako Kuongeza mapato ya biashara Kwenye kitabu hiki, tutaangalia ni jinsi gani utaweza kutumia Facebook kufika malengo haya.

9 9 Matumizi bora ya Facebook kwa Biashara Sehemu 2 : Kurasa ya Biashara Kiundani

10 10 Matumizi bora ya Facebook kwa Biashara Kurasa binafsi VS Kurasa ya biashara Kwenye Facebook, Profile imetengenezwa kwa ajili ya mtu binafsi wakati Pages ni kwa ajili ya Biashara Kama unataka kuitumia Facebook kwa matumizi binafsi, basi tengeneza kurasa binafsi (Profile), na baada ya hapo utatakiwa kuifanyia mabadiliko na kuichunga ili kuzuia watu kujitumia vitu usivyovipenda. Na kama unataka kwa ajili ya biashara, basi kurasa wa biashara (pages) ndiyo chaguo bora kwako. Epuka kutengeneza kurasa binafsi (Profile) kwa ajili ya biashara. Profile ni kwa ajili ya matumizi ya mtu binafsi wakati page ni kwa ajili yamatumizi ya kibiashara. Kitu cha muhimu kuzingatia ni kuwa, Profiles zimetengenezwa mahususi kwa ajili ya watu na Pages kwa ajili ya biashara, hivyo kutumia Profile kwa ajili ya biashara utakuwa unajinyima fursa nyingi ambazo ungeweza kuzitumia kwa ajili ya biashara yako. Tutaziangalia fursa hizi kwa mapana yake kwenye sehemu zinazofuata. Tofauti muhimu kati ya Profile (Kurasa binafsi) na Page (Kurasa ya biashara) Kurasa ya biashara inakuwezesha kutoa uwezo wa uchungaji wa kurasa kwa mtu zaidi ya mmoja, hivyo kurasa moja inaweza kuongozwa na watu wengi. Hii inamaanisha, hata kama administrator aliyefungua kurasa wa Page akaacha kazi, utaendelea kuwa na umiliki wa kurasa. Pages huwa zinaonekana na kila mtu, pia zinaingia moja kwa moja kwenye mitandao ya utafutaji (search engines) na uthaminishaji, na nzuri zaidi, wateja wanao uwezo wa kuthaminisha ubora wa huduma / bidhaa yakokitu kinachoweza kuongeza imano kwa wateja. Pages huwa zimegawanyika kwenye makundi ambapo itasaidia siyo tu kujiweka sehemu inayokuhusu, bali pia matokeo mazuri ya utafutwaji. Kwa kutumia Pages, unao uwezo siyo tu wa kualika marafiki binafsi kuja kuupenda (like) ukurasa wako, bali pia watu wengine walioupenda wanaweza kuwaalika marafiki zaidi hivyo kutengeneza mtandao mpana zaidi. Kwa kutumia Page, unao uwezo wa kujitangaza kwa kulipia hivyo kuongeza Likes zadi na zaidi.

11 11 Matumizi bora ya Facebook kwa Biashara Profile ni kwa ajili ya marafiki, hivyo mtu yoyote hawezi kuwa rafiki yako mpaka ukubali maomboi yake, wakati kwenye Pages, mtu yoyote anaweza kulike kurasa ya biashara na kuwa fan. Kwa kutumia pages, unao uwezo wa kupata takwimu (analytics) juu ya mwenendo wa utumiaji wa kurasa yako hivyo kuwa katika sehemu nzuri zaidi ya kujipanga au kuandaa mipango ya kujitangaza na kujiboresha (Continual Service Improvement). Je unaogopa kuhusu habari za usalama juu ya matumizi ya Facebook? Au umetishwa na wale watu wanaotuma mambo ya hovyohovyo bila ridhaa yako? Usiogope, Facebook imekuja na mfumomzuri wa uchungaji wa taarifa binafsi (Privacy Setting), kitu cha muhimu ni wewe kujua ni jinsi gani utaamua nini kionekane kwa nani, unaweza kujichunga na kuzuia matumizi yasiyo sahihi kwenye Facebook iwe kwa ajili ya wewe binafsi au kwa ajili ya biashara.

12 12 Matumizi bora ya Facebook kwa Biashara Kuanzisha Kurasa ya biashara Kurasa ya biashara inafanana sana na ile binafsi (profile) isipokuwa hii ya biashara awali ya yote inaonekana na kila mtu, na mtu yoyote anaweza kuipenda na akawa fan bila hata kukubaliwa na mmiliki. Kuanzisha kurasa ya kampuni ni bure, ila inahitaji muda kuweza kuifanya iwe hai na yenye manufaa. Kuanzisha jurasa mpya nenda (Kumbuka: Unatakiwa kwanza ume umeshaingia kwenye Facebook kwa kutumia akaunti yako ya kawaida ili uweze kuanzisha akaunti ya biashara), baada ya hapo Facebook itakuongoza hatua kwa hatua. 1. Chagua aina ya kurasa Unatakiwa kuchagua aina ya kurasa unayotaka kutengeneza, kwa sasa kuna aina sita za kurasa unazowea kutengeneza kwenye facebook.

13 13 Matumizi bora ya Facebook kwa Biashara 3. Anzisha kurasa yako 2. Andika jina na kundi la biashara Hapa unatakiwa kuandika jina la biashara yako (mara nyingi ni jina la kampuni) na kundi la biashara. Kama ulichagua Local Business kwenye hatua ya kwanza, basi kutakuwa na sehemu nyingi zaidi zaidi ya kuandika. Fuatisha kidirisha kinachofuata ambacho kitakutaka uelezee kwa uchache kuhusu kurasa yako. Baada ya hapo kutaenda kidirisha kitakachokutaka upandishe picha (hapa unashauriwa kutumia Logo ya kampuni). Pia kuna vidirisha vingine kama cha kualika marafiki wako nk. Sehemu ya Add to Favorite inamaanisha kurasa yako itaoneka kwenye sehemu kuu na kukupa urahisi wa kuitembelea. Unapochagua add to favorite, kurasa yako itaonekana hapa. Kama usipochagua basi itaonekana chini yake. (Kumbuka: Unaweza kuruka (skip) kama unaona hautaki kufanya kwa sasa na utarudi tena baadae kuja kukamilisha).

14 14 Matumizi bora ya Facebook kwa Biashara 4. Maelezo ya kampuni Hapa andika maelezo mafupi yenye maana juu ya kampuni au biashara yako 5. Weka Website ya Kampuni Hapa utaweza kuweka website ya kampuni / biashara. Link hii itaonekana kwenye kurasa yako ya Facebook na Watu wataweza kuitembelea kupitia huko. 7. Kamilisha au Ruka 6. Andika jina la kurasa Hapa utaandika jina la kurasa yako, hakikisha unatumia jina fupi lenye kukumbukika kwani baada ya kumaliza, tovuti yako ya facebook itajulikana kama facebook.com/jinauliloweka. Pia jina hili linaweza kubadilishwa mara moja tu. Hivyo umakni unahitajika hapa. Unashauriwa jina lifanane na lile la website, mfano Dudumizi. Baada ya hapo, kamilisha hatua zilizobaki au kuziruka na uende kwenye kurasa yako. Kama tunavyofanya kwenye kurasa zetu, pia unaweza kuhariri (edit) kurasa ya biashara kwa kwenda kwenye setting kama inavyoonekana. Kuhariri kurasa Kila kitu kitatumwa kama Dudumizi, kama unataka kubadili kutuma kwa jina lako basi bonyeza change to (jina lako) Kumbuka, endapo wewe ndiye kiongozi (administrator) wa kurasa hii ya biashara, lakini kitu chochote utakachokituma kitatokea kama kimetumwa na kurasa na si wewe. Mfano, Mkata ni Admnistrator wa Dudumizi Tanzania, hivyo anapoingia kwenye kurasa ya Dudumizi Tanzania na kutuma Makala au kitu chochote, basi kitu hicho kitaonekana

15 15 Matumizi bora ya Facebook kwa Biashara kimetumwa na Dudumizi Tanzania na si Mkata. Ila, Facebook inakuwezesha kubadili mtindo huu na kutuma kama wewe kwa kubonyeza (change to..) kama inavyoonekana kwenye picha juu.. pia, unatakiwa kufahamu kuwa,ingawa wewe ni administrator wa kurasa yako, lakini unatakiwa kuupenda (Like), hii itasaidia kurasa yako kuonekana zaid kwakuwa jina lako litaonekana katika watu walioipenda kurasa hiyo. Bonyeza like kuupenda kurasa na kufuatilia kwa pamoja, au chagua Follow kwa kufuatilia pekee. Wewe kama mmiliki, unashauriwa kulike, kuna usemi wa kingereza unaosema charity starts at home (mambo mema yaanzie kwako)..

16 16 Matumizi bora ya Facebook kwa Biashara Ongeza ubora wa kurasa yako Hadi sasa tayari umeshakuwa na kurasa kwa ajili ya kampuni au biashara yako, kilichobaki ni kuitangaza ili kuweza kupata fans wengi zaidi. Unaweza kufanya vifuatavyo ili kuweza kungeza idadi ya fans; Wape sababu ya kuwa Fans. Watu wengi wamekuwa na kurasa za biashara au kampuni na kuishia patupu. Ili kuvutia watu wengi zaidi kuipenda kurasa yako, unatakiwa kuwapa sababu ya kufanya hivyo, mfano ni kutumia application zilizomo kwenye Facebook zinazokuwezesha kuweka video, chat nk. Pia hakikisha kurasa yako haifi njaa kwa kuwa tupu kwa siku nyingi. Pia andaa baadhi ya zawadi, mapunguzo au habari ambazo zinapatikana kwa walioipenda kurasa tu. Itambulishe kurasa yako. Je tayari unayo orodha ya au namba za simu za wateja? Watumie kuwataarifu juu ya kurasa yako ya Facebook. Hakikisha kurasa yako inapatikana kwenye mitandambo ya utafutaji. Ingawa kurasa zote za biashara zinakuwa wazi kwa mitambo hii, ila inawezekana ulikosea na kubadilisha machaguo fulani ambayo yanaweza kuifanya kurasa isionekane kwenye mitambo ya utafutaji. Hivyo, pitia kurasa yako haswa kwenye setting ili kuhakikisha kurasa yako ipo wazi kwa kila mtus. Tumia matangazo (Facebook Ads). Hii ni njia mojawapo ya kuongeza Fans, ila inatakiwa ifanyike kwa umakini sana, kwani lengo la kutumia Facebook siyo tu kuwa na Fans wengi, bali kuwa na Fans ambao wapo kwenye kundi la wateja wako na siku ya mwisho watakuwa ni wateja wako (Likes to Leads). Hivyo, hakikisha unapata ushauri toka kwa wataalamu juu ya njia sahihi za kuchunga matangazo kwenye Facebook. Kwenye kitabu hiki tumeelzea kwa uchache wake. Hakikisha tangazo lako limechunjwa kulingana na umri, eneo na hata elimu ya watu unaotaka kuwafikia, Facebook inayo uwezo wa kufanya haya yote. Unganisha Facebook na Website; Kama tayari unayo Website, hakikisha umeweka kitufe (icon) cha Facebook kinachowawezesha watembeleaji wa website kuja moja kwa moja kwenye kurasa yako ya Facebook. Pia, kama Website yako inayo nafasi ya kutosha, weka kadirisha kinachoonesha watu waliopenda kurasa yako hivyo kuvutia watu wengine zaidi kuipenda. (Kumbuka: Epuka kuwalazimisha watu kuipenda kurasayako, kuna baadhi ya Website huweka kadirisha kanachopop na kulazimisha kupenda la sivyo hautoweza kufanya lolote. Mtindo huu huweza kuwakimbiza watembeleaji au kupata Likes nyingi zisizo na maana.) Tembelea kurasa ya Dudumizi juu ya njia mbalimbali za kuifanya Facebook yako iwe hai.

17 17 Matumizi bora ya Facebook kwa Biashara Kurasa VS Kikundi Mara nyingi, unatakiwa kutengeneza kurasa kwa ajili ya bashara yako, ila kuna wakati, unaweza kufikiria kutengeneza kikundi kiwe ama nyongeza ya kurasa ama njia mbadala ya kurasa. Tofauti kumbwa kati ya kikundi na Kurasa ni kuwa, Kikundi (Facebook Group) ni kwa ajili ya watu wenye malengo yanayofanana wakati Kurasa ni kwa ajili ya Kampuni kujiunganisha na wateja (Fans) Faida kubwa ya Kurasa ukilinganisha na Kikundi ni kuwa, kurasa huwa inakuwa matokeo bora ya utafutwaji. Moja ya faida ya kikundi ni kuwa, Admin anaonekana kwa wana kikundi hivyo inarahisisha kwa wao kuwasiliana naye moja kwa moja. Pia kwenye kikundi admin anao uwezo wa kuchunga nani anaweza kuwa mwana kikundi kwa kukifanya kikundi kuwa cha faragha kwa waalikwa tu, au watu wote wanatakiwa kuhakikiwa na admin kabla hawajawa wana kikundi. Ingawa kwenye kurasa pia unaweza kuzuia mtu Fulani kujiunga na kurasa, ila ni kazi ya ziada kwani unatakiwa kujua ama jina lake ama atakayojiunga nayo, hivyo kazi inakuwa ngumu zaidi. Kurasa ya biashara inakupa faida nyingin zaidi ya kikundi, hivyo ni mara chache mno unapoweza kufikiria kuwa na kikundi badala ya kurasa kwa ajili ya biashara.

18 18 Matumizi bora ya Facebook kwa Biashara Kujitangaza kwenye Facebook Facebook kama ilivyo mitandao mingine, inakuwezesha kujitangaza na kuwafikia watu wengi zaidi, kwenye Facebook unaweza kujitangaza kwa kuitangaza kurasa ili kuhamasisha watu wengi waipende (Likes), kutangaza makala, kutangaza ofa, kutangaza tukio au picha na hata kuitangaza Website yako ambapo mtu akibonyeza anapelekwa moja kwa moja kwenye wavuti au tovuti uliyoweka. Ili kuweza kutangaza, unatakiwa kwanza uwe umeingia (login) kwenye Facebook, baada ya hapo bonyeza Bonyeza manage Your Ads kama tayari ulishawahi kutengeneza tangazo hapo awali, kama hauna basi bonyeza Create Ads. Kutatokea kidirisha kinachokutaka uchague aina ya tangazo. Kama tulivyoainisha aina ya matangazo hapo juu, kwa mfano sisi tunataka kuongeza Likes, hivyo tunachagua ya pili (Page Likes) Chagua aina ya matokeo unayoka, kila tangazo linaweza kukuletea matokeo tofauti, iwe kuongeza Like, iwe kuongeza watembeleaji wa Wavuti nk.

19 19 Matumizi bora ya Facebook kwa Biashara Chagua machaguo yanayoendana na matakwa yako kama; eneo unalotaka tangazo litokee, umri wa walengwa, wanachopenda nk. Hii ndiyo sehemu muhimu kuhakikisha tangazo lako linawafikia walengwa na kukidhi malengo yako yako. Hakikisha unachagua kulingana na malengo na wigo wa huduma yako, kama wewe unapamba maharusi Tanzania, bas wigo wako unaweza kuishia Tanzania. Hakikisha unaangalia na kuhakiki muonekano wa tangazo kwenye kompyuta, simu na yale matangazo ya kulia. Kumbuka, kama wewe unawalenga watumiaji wa simu za mkononi basi hakikisha tangazo linaonekana vyema kwenye simu hizo.

20 20 Matumizi bora ya Facebook kwa Biashara Uzoefu unaonesha kuwa, kwa gharama hiyohiyo, tangazo moja linaweza kukuletea Likes nyingi ukilinganisha na lingine. Hii inategemeana na mvuto wa tangazo. Mvuto huletwa na picha au ujumbe utakaoandika kwenye tangazo lako, hivyo hakikisha unatengeneza tangazo lengu kuvutia, sawa na matangazo ya Tv kuwatumia watu maarufu. Ila, epuka kuandika ujumbe unaovutia ila umetoka njie ya mipaka ya huduma yako, hii itakupelekea kupata Fans wasio kwenye wigo wa huduma, hivyo siku ya mwisho tangazo au kampeni yako haitokuwa na matokeo bora. Mwisho chagua bajeti ya tangazo kulingana na mipango yako. Kumbuka kila bajeti ina kikomo cha matokeo. Chagua mfumo wa kutangaza, kuna aina mbili, moja ni kwa siku, inamaanisha kila siku kutakatwa kiasi ulichochagua, kikiisha, basi itasubiri siku inayofuata, lifetime ina maana tangazo litakuwa hewani muda wote haijalishi siku ngapi, pesa uliyochagua ikiisha ndiyo tangazo limeishia. Makadirio ya watu watakaofikiwa na tangazo Chagua mfumo wa makato, je ukatwe pindi mtu anapolike, ama pindi tangazo linapotokea ama mtu anapobofya bila kujalisha amelike au la, hapa kama kurasa yako haina vitu vingi vya kuvutia, basi chaguo la kwanza (Optimized for Page Likes) ndiyo chaguo bora Baada ya hapo unaweza bonyeza Review Ads au Place Ads na tangazo lako litakuwa hewani. Kumbuka kufuatilia mwenendo wa tangazo lako.

21 21 Matumizi bora ya Facebook kwa Biashara Mkokotoo wa ubora wa taarifa Moja ya kitu kinachoifanya Facebook iwe sehemu pekee ni idadi kubwa ya watuiaji wake, Bilioni 1.3. Lakini Facebook inacho kitu kingine cha kipekee kabisa, jinsi gani wanavyoweza kutumia tekinolojia kufikisha taarifa kwa mabilioni ya watu wake. Facebook inatumia mkokotoo wa EdgeRank kujua makala ipi ionekane kwenye kurasa ya nani. Bila ya mkokotoo huu, maisha yangekuwa magumu sana maana tungekuwa tunaona tani za taarifa kwenye kurasa zetu za Facebook. Athari za EdgeRank kwa Biashara yako Kwanini EdgeRank ni kitu cha muhimu? Hii ni kwa sababu, ni EdgeRank ndiyo inayowezesha kutambua taarifa gani uliyotuma ionekane kwa nani, na ukiwa kama mfanyabiashara, lengo lako kubwa ni kuhakikisha taarifa za huduma / bidhaa yako zinawafikia watu wengi zaidi. Taarifa yoyote inapotumwa kwenye Facebook, inaonekana kama Kitu (Object), na muingiliano wowote wa hiyo taarifa, iwe Like, maoni, kushare nk inachukuliwa kama Ukingo (Edge), Hivyo, jinsi kingo zinavyozidi kuwa nyingi, basi ndivyo hiyo taarifa itaonekana kwa watu wengi zaidi. EdgeRank huwa inaangalia marudio (Frequency) ya taarifa, na umuhimu / ubora wake (jinsi gani taarifa imependwa, imeaangaliwa, imetumiwa maoni nk). Hivyo, kuna umuhimu wa kuwa na kitufe cha Like kwenye Website yako na hiyo itaongeza marudio ya makala na kuifanya ionekane kwa wau wengi zaidi na zaidi. Hivyo jitahidi sana kuuliza maswali kwenye kurasa yako, tuma makala zitakazoleta majibishano (yaliyo bora) na hata vijimichezo vya kuumiza akili ili kuongeza marudio ya taarifa za kurasa na kuongeza EdgeRank Makala toka kurasa ya facebook inavyoonekana kwenye ukuta (wall) ya mtu aliyependa na kufuatilia 9follow) Dudumizi. Ukiwa na EdgeRank kubwa, inamaana Makala hii itawafikia watu wengi zaidi na zaidi..

22 22 Matumizi bora ya Facebook kwa Biashara Mambo 10 bora kwa Biashara yako Facebook ilianza kama ni website kwa ajili ya wanafunzi wa chuo, lakini leo hii imekuwa ni moja ya website muhimu kwa wafanyabiashara dunian. Hivyo, tuangalie mambo 10 muhimu wewe kama mfanyabiashara unatakiwa kuyafanya kwa matokeo bora ya matumizi ya Facebook. 1. Shiriki, kuwa mcheshi na mwenye msaada. Kumbuka kuwa, watu wanakuja kwenye kurasa yako ya Facebook kwa ajili ya lengo Fulani kuhusiana na biashara yako, hivyo usiwaangushe, tumeona makampuni mengi yamekuwa yakiwasaidia Fans wake na kwa muda mchache wameweza kuwa na Likes nyingi tu. 2. Jumuika kwenye Facebook, kama una video ambayo unataka kuituma, usiishie kwenye Youtube tuu, ipachike (embed) kwenye Facebook na kuchezeka humo. Video zinaongeza sana muingiliano kati ya Fans na Kurasa. 3. Tengeneza uhusiano kati ya Facebook na dunia ya nje. Jaribu kufikiria vitu ambavyo vitaipeleka kurasa yako kukumbukika na kuthaminika hata nje ya Facebook. Kwa mfano, una tukio fulani au sherehe, unaweza kuifanya kwenye Facebook, au unaweza kuandaa sherehe kwa ajili ya Fans tu. 4. Anzisha mashindano kwenye Facebook. Mashindao haya yatashindanishwa kwenye Facebook tu na washindi watatangazwa kwenye Facebook tu, hii itaongeza ushiriki na kukufanya uwe na Fans wengi walio hai. 5. Unganisha njia mpya na za zamani. Mfano, logo ya facebook inajulikana sana na wengi, hivyo unaweza kuitumia kwenye vipeperushi unavyochapisha na watu wakiiona Logo ya Facebook watajua kurasa yako, na kama ulichagua jina rahisi, basi wataweza kuipenda moja kwa moja siku wakiingia Facebook. Hivyo andika kurasa kurasa yako kwenye kila chapisho. 6. Tumia Facebook kuongeza wanaojiunga na mlisho wa , pia tumia mlisho wa kuongeza wanaojunga na kurasa yako ya facebook. 7. Kwa mara ya kwanza, tambulisha baadhi ya bidhaa / huduma kwenye Facebook. Watu wengi wamekuwa wakijiunga na kurasa yako ya Facebook ili wawe wa kwanza kupata taarifa ya huduma au bidhaa fulani (ukizingatia wengi wetu tummekuwa tukitumia simu kuingia facebook, na muda wote tupo na simu mikononi), kwa kufanya hivi, kutawafanya wajione wa thamani na kuvutia wengine wengi zaidi. 8. Penda kurasa nyingine, usisahau upo kwenye mitandao jamii, na uzuri wa wanajamii ni kujumuika, hivyo kama ilivyo huku nje, jinsi unavyotembelea wengine ndivyo wao nao watakutembelea. Jenga mazoea ya kulike kurasa za biashara nyingine ambazo hazina ushindani wa moja kwa moja na biashara yako.

23 23 Matumizi bora ya Facebook kwa Biashara 9. Epuka kusababisha mafuriko ya taarifa, ingawa watu wamejiunga kwa ajili ya taarifa, lakini pindi zinapokuwa nyingi, zitawakela wengine na kujitoa. Na si kila siku uwe unatuma matangazo tuu, lazima uwe unabadilisha aina na taswira za taarifa ili kutowachosha wasomaji. 10. Hudumia wateja kupitia Facebook. Siku hizi watu wengi wamekuwa wakitumia Facebook kama njia mojawapo ya kuwahudumia wateja, usiisahau Facebook, ifanye iwe moja ya kituo cha kupokea na kutolea taarifa kwa wateja. Hakikisha unasoma Messages zote kwenye kurasa, na pia hakikisha Makala za watu wengine wasio admin hazitokei kwenye mlisho wa taarifa kuepuka kuwachanganya watumiaji.

24 24 Matumizi bora ya Facebook kwa Biashara Jinsi ya kupima matokeo ya Facebook Kupima matokeo ya kampeni ni kitu cha lazima kwenye mpango kazi wowote, Ingawa unaweza kutumia program kama Google Analytics kupima idadi ya watembeleaji waliotokea Facebook, lakini Facebook yao yenyewe inayo uwezo wa kukupatia takwimu nzuri kabisa. Kwa kutumia program ya Facebook Insights, unaweza kujua takwimu na maendeleo kwenye Facebook. Kwakutumia ulinganisho wa vizio, unaweza kujua maendeleo ya kampeni zako, muingiliano wa makala, waliotaja kurasa yako, walioitembelea nk.

25 25 Matumizi bora ya Facebook kwa Biashara Makamilisho na maarifa zaidi Kitu cha muhimu kukumbuka ni kuwa, hakuna fomula moja ya kufanikiwa kwenye matumizi ya Facebook, ila kuna kanuni bora na ndizo hizi tulizogawana nawe. Pia, Facebook inabadilika sana hivyo inawezekana taarifa za leo zisiweze kufanya kazi kesho. Walenga walisema elimu haina mwisho, hivyo kuna mengi sana ya kujifunza juu ya matumizi sahihi ya teknolojia kwa biashara yako, kwa kutembelea blogu yetu utaweza pata Makala mbalimbali zenye mlengo wa biashara na IT Mwandishi: Mkata Nyoni (ITIL), MSc Information Economics & IT Management MD, Co Founder Dudumizi Technologies LTD Address: Gates of Paradise, 2 nd Floor, Mbezi Beach Dar es Salaam Web: mnyoni@dudumizi.com Simu: